【大量粗口】【十八禁】叫雞默示錄: 荼餐廳阿叔

3
我見到嘅係，一個戴住四方眼鏡，又高又瘦同馬騮一樣，但又著住粉紅色襯衫成個基佬咁，點撚睇都係我中學老死阿強。
雖然佢戴住口罩，我又帶住口罩，但都一眼睇得出大家。
「阿堅？」佢勁撚大聲講。
我同樣大聲咁講：「我屌你吖！」你唔好再大聲尐，仆街！
老撚都拉佢落樓先，至少要佢唔好係度玩野。
同佢是但去左處荼記，一坐落佢就雞啄唔斷，「好耐無見」、「番緊咩工」、「打咩機」之類嘅野。
我開門見山咁問：「你頭先上去做乜野？」
阿強：「CALL G 囉，男人老狗上唐樓，唔通燒野食？」
我好細聲同舉起左隻手指，好緊張做一個「噓」的手勢。


屌你老味，雖然而加又肺炎又限聚令，呢度又偏僻，基本上間餐廳係拍烏蠅，但至少都有個阿叔係度，唔好咁撚大聲得唔得啊！
條友邊笑邊講：「唔驚喎，邊度有人姐，無事無事。」
我冷一冷靜，反問：「你有女朋友架喎，咁都要去？」
阿強：「挑！講呢尐，早就散左啦，成年幾兩年啦。」
佢話音剛落，馬上舉手落單叫左碟飯食，好似故意逃避咁。
「哦，姐係你散左先去嘅，唔……」
「緊係唔係啦！痴線，同佢拍迤果陣已經成日去啦。」
我好驚訝：「吓！你個仆街仔，怪唔得你比人飛啦，咁你第一次去係幾時啊？」
佢邊𢯎頭邊講：「哇你突然咁問，諗諗先，中學……中五果陣掛。」
哇屌！我擘大個口得個窿，無言而對，估唔到佢咁保密，從來唔知佢會去果尐地方。


阿強：「洗唔洗咁驚訝，挑你岩先味又係去！」
我有小小臉紅，雖然岩岩有尐柒，但至少我仲未去過住！「我住上面架仆街！同埋我頭先都無去到。」
佢忍唔住笑：「仲係度鳩噏，邊有ON9仔住果度架。」
我無奈咁講：「我真係住果度喎，雖然我樓上樓下都係雞竇，但我果層真係有居民出入架。」
阿強仲大反應過我頭先：「哇你咁撚勁，好揀唔揀，揀果邊黎住。」
我：「唉，我貪平嘛。」
呢個時候，果阿叔過到黎，放低左我地碟飯，望左我地幾眼。
阿強邊講邊食：「食完飯，一陣再上去，順便睇下你係唔係真係住係果度。」
我苦笑：「昆你有寶咩，唉。」
阿強：「不過，你遲早都叫架啦……男人老狗，咁多年人生，如果有個人同你講佢無去過你都唔信啦，除非佢搞基架姐。」


我：「你條仆街有咩高見啊？」
阿強：「拿，一入雞門深似海。唔好話我唔提你，你一去過，你就番唔到轉頭。唔記得邊個偉人講過……「叫雞呢件事，只有第一次，同無限次」。」
佢講乜柒啊屌，搞到我差尐噴飯。
阿強：「咪笑啦，好撚認真架。我之前幾乎每個星期都想戒，每次都戒唔到！你個腦海一得閒就只會諗果尐野，諗點樣屌條女，點樣渣佢個波，點樣……總之，我果陣戒CALLG，戒到發夢都叫緊，仲激過戒煙！
所以真係唔好去，你如果真係住果度，記得戒慎恐懼啊！」
我：「有無咁誇啊。」
阿強搖搖頭：「不過無嘅，「十個男人，九個去滾，淨番一個仲諗緊。」你遲早都去，差在幾時嘅姐。」
佢只會係講尐「金句」上面先會字字鏗鏘。
我搞笑咁講：「挑，咁我搞基唔通都會去咩。」
阿強：「同性戀我就唔知啦，不過我就好尊重同性戀嘅，我唔覺得佢地係男人！」
呢個時候，果阿叔黎執枱，順便用鄙視嘅眼神望住阿強。
阿強有小小手足無惜，阿叔再加口一句：「唔係個個人都好似你咁嘅。」
講完，頭也不回走入廚房。
我點點頭，同時伸出手指公，比讚！
岩啊！唔通人做我又做咩，我就唔撚信係人都會去叫雞喇！咩金句，咩偉人，真係收皮啦，全部鳩噏當秘笈，挑！


阿強非常之尷尬，耳仔紅哂：「算啦，埋單啦，唉……錢我放係度，阿堅你幫我比，之後係門口等。」
我得戚咁企係收銀位，等緊阿叔出黎。
果阿叔過左陣先出黎，似乎係入面傾左陣計。
間店都幾小本經營，可能入面係佢老婆又或是親戚做緊，所以唔怪得佢咁嬲嘅……阿強又係，講呢尐都咁撚大聲，慌死人唔知咁。
佢一出黎，入面就傳黎一把聲：「老公~」
拿，我無估錯，真係佢老婆，佢地真係好SWEET，同通呢尐就係愛……咦，有尐奇怪，把聲咁嘅……？
一秒後，入面又彈多個同阿叔差唔多年紀嘅阿叔，無錯，呢兩條友係著情侶裝嘅！
「我仲未比KISS你。」
「唔好啦，有人啊。」
「怕咩姐，一兩丁友。」
一秒後，兩個大男人係我面嘴對嘴，脷疊脷啊！
下？洗唔洗，洗唔洗咁撚唐突啊！
我目瞪口呆，渣住張一百蚊，感覺到流左幾串冷汗。
「等等先啦，比我收左錢先。」
個老細阿叔行左過黎，我果一刻先發現，我隻腳又震撚到小兒麻痺咁啊，含家產！


之後，我故作冷靜行番出黎。
望住阿強，有小小覺得佢尐金句講得岩。