【大量粗口】【十八禁】叫雞默示錄: 小兒麻痺

2.
一落到去，成棚麻甩佬一個個企哂係門口。
其實今朝拎住箱行李上樓果陣，係完全無人，亦到無聲。但係一到中午，尐男人就人山人海咁上黎，之後一直到而加都家嘈屋閉。
就算同對方面對面都好，可能係大家戴哂口罩嘅關係，完全無尷尬過，尐人見到你之後繼續玩手機。咩事啊，到底係扑野之前做咩要玩手機啊，有咩咁撚重要，我唔明啊！
爆石果陣玩手機我見過，食飯玩手機都未嘗不可，點撚解去屌系之前都可以咁平常玩手機？點解可以咁撚冷靜，咁撚鎮定？
比起眼前人佢地嘅鎮定，我，明明已經25歲仔，但係真係未見識過呢種場景，一諗到前面尐人一陣係去性交，又或者已經搞完野，我有種難以言喻嘅緊張。
點解佢地唔老尷？因為已經習慣左？
算啦，上番去啦。唉，我到底做緊咩，真係叫雞咩？唔好傻啦。
隻腳未叉開半步，我就有種比人睇小嘅感覺。
好似對人地黎講呢一種小事，但係自己就做唔到，好似好撚廢咁。我真係咁渣？


唉屌……唉。
我係層樓間左行右行，其實都唔知自己行撚左去邊。
最後，揀左處無咩人嘅地方，成舊木咁對住度門。
「鈴鈴……」
哇，差小小就敲左門，好撚彩我醒目，係最後一秒記得叫雞有個別名係㩒鐘仔，隻手千分之一秒之間，由門口轉左去右邊大大力啪左粒制，。
好古怪，係㩒左個鐘之後，明明我都聽到有鈴聲架啦，但就係無人應門。
我大概又等左幾分鐘，都係無人應門，逼於無奈我㩒多一次，但係都無人問津。
搞錯啊！你門口明明有眼仔，點睇都知有人啦！總係覺得佢侮辱緊我，有小小嬲嬲地我㩒多次試下。
但係世事就係無情嘅，當我冷靜小小之後，先聽到入面開始轉黎一陣又一陣好似波浪咁嘅呻吟同氣喘聲音。
原來度門掛住塊牌係寫住「有客」啊屌，同埋我而加先知自己隻腳好似打緊十號風震到好似小兒麻痺咁啊陰公。


我而加比人大大隻「柒」字寫係心口。
好撚傷，要番溫泉回血。
但係當我一回頭果陣就見到熟人……