只想和你愛一次: 34. 突如其來的惡耗

進入hall life最後倒數，這天Elven和hallmate 食完tea後回到hall附近看見Rachel正在巴士站等巴士，神色有點不安。
 
「去邊呀? 做咩面色好似唔太好咁嘅?」Elven走過去問道。
 
「啱啱Peter打比我叫我盡快去PolyU 嗰邊，話佢發現咗Daniel一啲嘢想我親眼見証，但又唔肯講咩事淨係叫我快啲過去，我有啲唔好嘅預感…」Rachel有點擔憂答道。
 
「咁大鑊? 反正我無嘢做，陪你去?」Elven主動提議。
 
「好…」Rachel像找到點倚靠答道。
 


 
去到Poly，Peter見到Elven有點驚訝，不過沒有多問便把他們帶到Poly的宿舍。
 
(咦…哩層咪Ada住嗰層?) Elven心想。
 
走到一間房門口，Peter突然對Rachel說
 
「Rachel你要有心理準備， 一陣間你可能會好難接受，但我覺得你需要知道…」
 
Rachel走到房門口，然後依稀聽到一些男和女之間的喘息聲及呻吟聲，男方的聲音很熟悉。


 
「Daniel…好舒服呀…再入啲…」一把女聲說道。
 
男方身份得到確認Rachel呆立當場…
 
「阿Yan 你真係好正…」
 
到女方身份得到確認Elven同樣呆立當場…
 
(Daniel同阿Yan? 點解會佢地會攪埋一齊?)


 
 
不過震驚之餘Elven更關心Rachel的情緒，望向她時看見眼淚已經開始在她的眼框裏打轉…
 
Rachel沒有選擇立即拍門，而是過了一會等自己完全準備好才再敲門，她要親眼見証。
 
聽到敲門聲，房內的聲音戛然而止。再過了一會，門口打開，一個美妙絕倫但明顯紅潮未退的女子出現在Rachel眼前。
 
女子看見Rachel、Elven和Peter在門外，霎時間便猜到是怎樣一回事，不過還是故作鎮定問道
 
「咩事?」
 
「Daniel呢?」Rachel冰冷地問道。
 
「Rachel…」知道東窗事發無處可躲，Daniel亦終於從房裏走到門口。


 
「點解…」Rachel已經控制不住淚水。
 
「我…對唔住…係我錯…」千言萬語，彷彿這刻全說不出口，Daniel只能講出這幾個字。
 
「點解你要咁對我!」說完Rachel便轉身拔腿逃走。
 
看見Rachel跑走，Daniel想追但又很快停了下來。發生了這樣的事，追到她自己又可以說甚麼? Elven本身也想追，但他覺得自己更需要先了解一下到底發生了甚麼事，於是便示意Peter去追而自己留了下來，因為這二人他也認識，說話應該比較容易。而這時由於動靜開始有點大，其他宿生亦開始打開門探頭了解發生甚麼事，包括隔了幾間房距離的Ada，她看見Elven便也走了出來。
 
「你地打唔打算話比我聽到底發生咩事?」Elven望著Ada點了一點頭後便望著Daniel和阿Yan問道。
 
「入嚟先講啦…」見越來越多人探頭張望，阿Yan說完便轉身走回入房內。
 
於是四人便走進Yan的房間各自找了個位置坐下來，但由於不知怎開口，房裏陷入了詭異的寧靜。
 


「我地唔知點講起好，不如你問我地答啦…」過了一會還是阿Yan先開口道。
 
「你地係點識? 幾時開始?」Elven直接問道。
 
原來事情發生在阿Yan和男朋友分手後一段時間。有一天，阿Yan和Ada在校內Canteen午餐時，碰巧撞見了Daniel和Peter，於是Ada便為他們互相介紹，還坐在一起進餐。
 
「Ada你同Daniel熟唔熟㗎?」飯後阿Yan走到Ada房問Ada。
 
Ada:「唔算熟呀，之前跟Elven返教會見過幾次叫做識囉。」
 
「哦…感覺佢幾靚仔幾可靠咁。」對於Ada跟Daniel不熟阿Yan有點失望。
 
Ada:「你有興趣? 雖然你對其他男仔有興趣我好替你開心，但對唔住我都係要潑你冷水，因為人地已經有女朋友，反而Peter無你可以考慮下呀~」
 
「Oh really? 佢女朋友你識唔識?」阿Yan自動ignore 了Ada最後那句說話。


 
「識…其實你都見過。」Ada皺了一皺眉說。
 
Yan:「幾時?」
 
「你記唔記得上次Elven同一個女仔參加歌唱比賽? 咪就係嗰個女仔囉…」Ada想起不好的回憶。
 
「原來係佢! 咁又真係幾靚女喎~」Yan想了想後便想起當日的影像。
 
Ada:「咁平心以論，我覺得你靚啲~ 不過佢地感情應該幾好，所以你都係諗第二個啦…」
 
「哦…」
 
(係咩? 我又覺得佢地感情唔係咁牢不可破喎，唔係點會同Elven唱得咁有感情?) 阿Yan心裏卻默默在想。
 


不得不說，Elven來到這世界後還真是擁有了一把烏鴉口。阿Yan在被阿東重傷後性格和價值觀都產生了轉變，本著別人受傷好過自己受傷，她不再相信愛情，慢慢轉化成為一個player，而且本身守身如玉的她在失身後亦完全放下了自己的道德觀念，並不介意和對方發生關係。雖然她也有自己的要求，不至於成為公廁，但只要是她看上了的，她並不介意運用自己的姿色去引誘一下對方。若果不是顧念Ada對自己的情誼不想傷害對方，她甚至會嘗試向Elven下手。不過對於Rachel，明顯地她沒這顧忌。
 
“兩人感情如果係好，我點都唔會介入到，但若果係唔好，咁咪當幫佢地早日認清事實囉。”
 
她是這樣的想。
 
在拿了Daniel電話和MSN後，她有意無意間會聊Daniel傾偈，耐心尋找和等待一些突破點。而由於阿Yan真的長得很漂亮，所以Daniel雖然可能察覺到Yan有時會過份主動，他也只是盡力保持適當距離但又沒有完全斷絕和對方的溝通。
 
隨著日子過去，Daniel和Rachel的關係總會有低潮期，例如之前一段時間Rachel時常不開心，怨Daniel少嘢講等等… 那些爭執和不愉快給予了阿Yan機會。
 
在Daniel和Rachel一次吵架後，碰巧阿Yan主動聊Daniel說話。彷彿需要一個渲泄口，那晚Daniel放下了所有顧忌和阿Yan談了很久的天，把自己所有不快和煩惱都告訴了阿Yan，而其中一個不快竟然是他原來也有擔心Rachel和Elven走得太近，但又不想顯得自己小氣所以從沒對任何人說過。阿Yan本身以前就是一個很善解人意的女仔，所以Daniel每次和她說話期間心情不知不覺間亦得到平伏，自此，再沒有自我約束下二人慢慢成為了好友暗地裏經常互相聯絡對方。