只想和你愛一次: 10. 邀請

兩星期後教會
 
 「咦Daniel，隻新錶好靚喎!」Elven發現Daniel這天戴了隻新錶便說道。
 
「係咩? Ok la~」Daniel望了望自己的新寵一臉高興又帶點滿足地回應。
 
「做咩笑到嘴角含晒春咁呀你?」見此Elven好奇問道。
 
「佢梗係開心啦，隻錶係Rachel送比佢嘅生日禮物嚟㗎。」這時Peter在旁邊帶點酸意說道。
 




「哦~唔怪得之啦!」
 
(轉咗禮物? 咁個銀包呢?) Elven口中說道但心裏卻在想。
 
 
崇拜後，Elven找了個機會和Rachel說話。
 
「喂~ 做咩轉咗禮物比Daniel嘅? 個銀包呢?」
 
「無呀，後尾覺得都係送錶好啲就轉咗囉… 個銀包同佢好似唔襯所以決定自己keep住先啦。」Rachel面有點紅回答。




 
「咁咪浪費晒啲心機? 不過你送嗰隻錶都好靚呀，有taste喎!」Elven雖然覺得有點可惜不過亦沒有深究。
 
「無話浪唔浪費嘅… 見你嗰日好似鍾意咁，一係轉送比你當你今年生日禮物好唔好? 我覺得佢好似同你襯啲...」Rachel的表情突然有點尷尬又帶點怕醜提議道。
 
「下? 咁點好意思呀…」沒想過Rachel會有這提議Elven一時間也不知怎樣回應。
 
「或者我地交換?」Rachel又拋出另一個新提議。
 
「嗯… 你唔介意我嗰個咁核突都可以嘅…」事實上Elven亦真心喜歡Rachel製作的銀包。




 
「唔核突呀，我覺得好靚喎! 其實我係一早睇中咗佢所以專登留返自己嗰個想同你換㗎~」聽似說笑其實卻都是Rachel的真心話。
 
「哈哈，你都講到咁，咁好啦…」Elven想不到理由拒絕。
 
「好嘢~ 咦，但咁你咪無嘢送比Ada?」Rachel笑得很燦爛，但又突然醒起這銀包本應是屬於Ada於是變得不好意思。
 
「唔緊要，可以搵到其他嘢代替嘅~」Elven笑著說。
 
 
其實Rachel講了大話，自從那晚，她發覺自己好像對Elven有了不該有的感情。望著自家製的銀包，她突然並不想把它送給Daniel，因為這個銀包某程度上是她和Elven一齊製造的，有她們的共同回憶，若真的要為它找個主人，她希望這個人是Elven，而同一時間，她亦希望Elven銀包的主人可以是自己。
 
既然自己和Elven是不可能，那至少她希望能為自己留下一個屬於他的東西作為留念。
 
(唉… 估唔到咁快比Susan 講中… 我應該點做好呀…) 幾天後拿著Elven的銀包，Rachel感到滿足的同時亦感到迷失和不知所措。




 
另一邊廂Elven拿著Rachel的銀包同樣是不知所措，因為細想之下他發覺就算真的很喜歡這銀包但自己根本就不可能真的使用它，不然將來Ada問他為何有個自家製的銀包時他也不知該如何解釋，所以只好把它收藏在hall中一個隱蔽的位置當成是紀念品。
 
 
轉眼間，又差不多到復活節假期，而Elven正為一件事而苦惱，就是Hall第一年的joint-hall ball。亳無懸念，ball partner理應一定是Ada，但偏偏Ada卻覆了他一句
 
「Sorry呀，大學有test我嗰日未返到嚟香港呀… 我都好想同你一齊去… ><」
 
而由於是第一年舉辦，為了避免反應冷淡， hall committee下了命令這一年是complusory 參加，否則後果自負。所以若Ada不能參加，Elven就必定要找另一個partner陪自己出席，潛意式地，他很快想起了Rachel。
 
如果撇除了Ada的因素，Rachel其實是一個很適合的人選- 和自己談得來、對港大文化有興趣、暫時又未算有男朋友。不過若果真的找Rachel，Ada回來後恐怖不知要扭自己耳仔扭多久，Elven想起那畫面都感到不寒而慄。
 
「Hi Susan，想問下你嚟緊嗰個月五號得唔得閒呀? 我地Hall一定要參加個ball但Ada又返唔切嚟，我要搵個ball partner呀…」
 
若果是兩個月前的時間，Susan必定立刻答應，但不得不佩服當Susan決定了放棄Elven後，她沒半點拖泥帶水便火速行動開始和其他男同學接觸測試水溫，希望能找一個愛自己而自己又喜歡的人，現在已經有三個候選佳麗入圍等她慢慢篩選。




 
不過Elven對Susan來說始終是一個特別的存在，這亦讓她的想法帶有點偏激，就好像有些時候當我們很喜歡一樣東西但知道自己不可能擁有，你會自然感情投射希望自己重視而又有能力擁有它的人可以代你去擁有它，彷彿這樣自己某程度上也算是擁有了一樣。
 
Elven對Susan來說正正是這樣的存在，所以那天她和Rachel說的話其實並不全是說笑，當她意識到自己沒可能擁有Elven而Rachel是有可能的時候，她真心希望Rachel可以代自己完成這心願，當然這大前題都是要她們二人自己情投意合而不是要強把自己主觀願望加在她們身上。不過若有機緣，她並不介意主動製造一些機會給她們。
 
「我嗰晚唔得閒呀… 不過我問咗Rachel嗰晚得閒呀，你不如邀請佢啦，順便等佢早日接觸下港大文化嘛~ 我知佢應該好想去㗎，你唔好令佢失望呀!」
 
「下? 咁快? 咁我問下佢啦…」
 
若Susan已和Rachel提及過而自己之後又不邀請她，Elven害怕Rachel會感到失望亦影響到二人之間的友情，但事實上Susan其實並沒有和Rachel提及過關於Elven ball的事情而只是純粹問了她那一晚有沒有空，她也害怕若Elven不邀請Rachel Rachel會失望，她之所以這樣和Elven說只是希望這能增加Elven邀請Rachel的機會。
 
「Hi Rachel，想問下你嚟緊嗰個月五號得唔得閒呀? 我地Hall攪咗個ball一定要參加，想問下你有無興趣做我ball partner? 知你應該有興趣接觸下港大文化所以問下你~」很快Elven便send了個message給Rachel。
 
「咁好搵我?有興趣呀~ 不過Susan啱啱問我嗰日得唔得閒關唔關你事㗎? 點解唔搵Ada?」Rachel收到Elven的邀請有少少高興又有少少疑惑。
 




「Susan唔係同你講咗? 無呀，Ada要遲多兩日先返到嚟香港所以趕唔切呀...」Elven同樣有少少疑惑Rachel好像並不知道發生甚麼事。
 
「無喎， 佢頭先淨係問我嗰日得唔得閒咋... 原來你係想搵我做備胎!」
 
「哈哈，唔好意思呀，咁你介唔介意?」知道了實情但Elven已不想再花心機思考Susan的動機。
 
「唔介意~多謝你邀請呀!」雖然知道自己只是後備有點點失望，但Rachel還是為有這和Elven相處的機會以及接觸大學文化而感到高興。
 
「咁約定你喇!」
 
「好~」
 
隨著ball期越來越接近，Rachel亦越來越期待，甚至早一星期還特登和Susan出外精心挑選了一套晚裝，不過就在ball前的五日，Ada突然告訴Elven
 
「Honey! 我同學校申請到可以用功課代替個test呀，你ball嗰日我返得切嚟喇!」