只想和你愛一次: 3. I-Day
這天，Rachel和Annie一起去到港大參觀，經過不同科的counter介紹，又遊覽過campus不同的地方，Rachel心裏已下了決定。由於Annie之後約了其他朋友，和她分別後Rachel便自己走到宿舍區的counter看看找不找到Elven。經過C-Hall的showroom，她看見Elven正很認真地向一班學生介紹自己的宿舍。
(點解佢哩個認真樣我覺得咁熟悉好似曾經喺邊度見過咁嘅?)
過了一會Elven介紹完後看見Rachel正在呆望著自己便走了過去。
「Hi，嚟咗喇? 行晒未呀?」
「行晒唔同department 啲 counter喇，又參加咗幾個campus tour，係差hall哩邊未行咋。」Rachel回過神來答道。
Elven:「咁感覺如何? 有決定未?」
Rachel:「嗯，我已經決定咗會揀HKU Social Science做第一志願呀。」
Elven:「咁下年你咪係我師妹囉~ 啱喇，等我同你行下 hall 啲showroom ，預先同你介紹下，到你第日如果想住hall心入面都可以有啲 idea 嘛。」
Rachel:「好呀麻煩晒你喇專業嚮導師兄~」
「哩間係X-hall，佢地嘅特色係男女會同層。」
「哩間係W-hall，佢地專收啲成績好好嘅學生，可能啱你呀。」
「哩間係J-hall，全部單人房嚟㗎，專係比有錢人住，都可能啱你?」
「哩間係L-hall，女hall嚟㗎，喺正我地hall旁邊，所以我地hall都好努力咁同佢地傾緊攪多啲 joint-hall function，始終男女正常社交活動好緊要㗎嘛~」
去到L-Hall 的showroom，Rachel突然有一種很熟悉又懷念的感覺。
Rachel:「我可唔可以去參觀下哩間hall?」
Elven:「好呀，橫掂我都要返hall拎啲嘢，索性我同你行過去之後再搵人帶你入去望下呀，行兩三個字就到，好近架咋。」
之後Elven把Rachel帶到L-Hall樓下，交了給L-hall的helper後就回了自己hall先處理一些事務。
Elven:「你入去參觀下啦，我攪掂啲嘢後喺返哩度等你，睇下你一陣仲有無地方想行或者有嘢想知?」
Rachel:「好呀，唔該晒你~」
過了半小時後，Elven回到L-hall樓下仰望著L-hall，等下等下不其然又有一種熟悉的感覺，好像自己曾經不時也在這裏等著某個人一樣。發呆期閒，Rachel的聲音在耳邊響起。
「唔好意思呀，等咗好耐?」
(點解哩個場景哩把聲音哩個對話，好似真係曾經發生過咁嘅?)
「唔係呀，啱啱到咋我都係，感覺點呀?」雖然心有這個想法，但Elven口裏卻說著。
「好鍾意呀!如果入到港大我應該會揀住哩間hall~」Rachel非常興奮地說。
Elven:「咁我地第日做埋鄰居添喎~」
「到時真係日日哦你返教會先得!」Rachel心情大好說笑道。
Elven:「哈哈，我驚到時係到你成日借啲易唔得閒返教會咋~」
Rachel:「唔會嘅~」
Elven:「睇下點~ 太陽都就落山喇，你仲有無地方想去睇下?」
「都無喇，依家試下落西環行個圈睇下就走lu。」Rachel想了一想後講。
Elven:「咁我帶你落去順便話知知邊度搭車啦。」
Rachel:「Susan真係無話錯你好好人呀!」
Elven:「舉腳之勞啫，過門都係客嘛~」
沿途Elven和Rachel不斷閒聊著，像前世一樣很自然地又是一個話題緊接著另一個，很快就已經到了巴士站。
不過正當Rachel打算打電話回家告訢屋企人現在回家的時候，她卻發現自己的電話不見了。
「大鑊，我好似唔見咗個電話…」
Elven:「會唔會有嘢遮住咗咋? 我試下打比你?」
Rachel:「好呀，唔該晒，電話係XXXXXXXX」
「通但無人聽喎…」Elven拿起電話等了一會說。
Rachel:「我本身較咗震機，但衣家完全feel唔到有嘢震緊，應該真係唔知喺邊度跌咗喇…」
「唔緊要，我地沿路上返去，行返你今日行過嘅地方睇下搵唔搵得返?」Elven提議。
「好…」Rachel一臉擔憂地應道。
於是他們由西環原路回hall，再回到campus，但一直都找不回Rachel的電話。
「都天黑喇，我地都搵晒hall同campus 嘅人幫手留意，一係我地去食飯先再等下佢地有無消息?」見天色不早Rachel曾經到過的地方亦已尋找過Elven便說。
「只好咁啦， 唔好意思呀無啦啦麻煩咗你成日...」Rache無奈應道。
「傻啦~ 咁你用我個電話打返屋企講聲先啦。」Elven笑著表示自己不介意。
Rachel:「唔該晒，你都幾細心喎~」
說完Rachel便打回家告訴父母自己晚飯後才回家，然後他們又回到西環找了間西餐廳吃晚飯。
Elven見Rachel仍悶悶不樂沒甚麼心機，於是便想了個話題吸引Rachel注意希望她暫時不用再想手機的事。
「係呢， 你同Daniel識咗好耐?」
Rachel:「佢係我中一嗰年開始返我間教會，所以都識咗5年喇，做咩無啦啦咁問?」Rachel有點心虛Elven為何問這問題於是反問。
「無呀，覺得佢好靚仔所以問下囉~」Elven笑著說。
Rachel:「係咪真呀? 聽聞你喺中學都係校草萬人迷嚟㗎喎~」
「你聽Susan亂up啦，我只係一個普通人… 講返Daniel先啦，佢份人點㗎?嗰日佢比我嘅感覺應該係一個幾有自信嘅人?」Elven不讓Rachel轉移話題。
Rachel:「都係㗎，佢份人雖然成日好似玩下玩下咁，平時幾funny，但其實又好有個人諗法，而一有事發生佢又會變得好可靠…」一說到Daniel為人，Rachel很自然顯示出自己由衷的讚賞。
「咁佢真係好好喎，好到你讚佢讚到自己塊面都紅晒~」Elven打趣說道。
「邊有呀!」被說中了Rachel抗議道。
「如果我無估錯，你應該暗戀緊佢，係咪呢~」Elven本想調戲下Rachel，但說完這句後個心卻不知為甚麼突然劇痛了一下，不過他並沒有表露出來。
「…」Rachel只是紅著臉沒有回應。
(好可愛…)
這是Elven看見Rachel有趣的表情後第一感覺。
「唔答即係係啦~」不過很快他便說。
「…有咁明顯咩?」不再否認，Rachel認輸答道。
Elven:「我直覺準啫~ 不過嗰日見你地又好似有啲唔自然… 佢真係唔知?」
「唔知啦…而且佢都唔鍾意我…」Rachel面帶點難色地說。
「何出此言?」Elven好奇。
「幾個月前我偷聽到佢同另一個教友講一定唔會鍾意我…」Rahcel簡略地把那日發生的事告訴了Elven。
「嗯… 你有無諗過佢係講大話?」Elven想了一會後說。
Rachel:「點會呀? 有需要咩? 佢又唔知我嗰陣喺出面偷聽緊…」
Elven:「有時男人為咗自尊同面子，係可以令佢地做好多蠢事… 亦都或者正正因為佢唔知你喺出面佢先咁講…」
「真係?」Rachel突然一臉期待望著Elven。
「就我聽你頭先描述嘅情境，我覺得當日佢講大話嘅機會係唔細，而就我當日對佢嘅觀察，我亦覺得佢唔係對你無感覺，所以你唔駛咁灰住喎，我覺得你絕對有機會㗎~」Elven帶有自信地說。
「希望啦…」Rache聽完想了想又變回半信半疑的狀態。
Elven:「對自己咁無信心㗎你! 而且你對自己無信心對我都應該有啦! 我了解男仔定你了解男仔多啲? 佢望你嗰種眼神我肯定唔只係朋友咁簡單!」看見Rachel的變化Elven不自覺提高了自己的聲線。
「信喇信喇，唔好咁激動!」Rachel看見Elven突然變得這樣著緊不自覺會心微笑了一下。
Elven:「你要明白驚、縮沙對件事係無幫助㗎，有自信嘅人先最吸引，所以就算佢真係唔鍾意，你都要覺得係佢自己走寶，而唔係喺度自怨自艾，明唔明?」
Rachel:「Yes Sir!」
(點解哩種被訓話嘅感覺又咁熟悉嘅…)Rachel心想。
Elven聽到Rachel的回應後，拿了枱上杯茶喝了口，然後一臉滿意的樣子。
「咁你呢? 聽Susan講你女朋友喺英國讀緊書long D緊?」說了那麼多自己的事，Rachel又打起了幫Susan偵察敵情的主意。
「係呀，會考後佢就過咗英國喇。 」想起Ada，Elven的臉充滿了柔情。
Rachel:「Long D 都仲keep到咁恩愛，真係勁呀~」
Elven:「咁係因為我地經歷過一啲嘢啫…」
正當Rachel想追問的時候，Elven的電話響起。
「唔駛擔心啦，L-hall打嚟話搵返你個電話喇，我地食完上返去拎啦~」收線後Elven告訴Rachel。
「Yeah 唔該晒你呀! 麻煩咗你成日，哩餐我請你啦~ 唔係我會唔好意思㗎…」Rachel如釋重負地說。
Elven:「咁等你正式成為咗我師妹住入L-hall後我請返你食餐好當慶祝啦~」
Rachel:「好~ 到時實大把機會!」