只想和你愛一次: 8. 被遺忘的故事 (八)

“好多hallmates其實都有問我，點解發生咗啲咁嘅事，我都好似完全無怪過你，仲咁努力想追返你? 因為得我先知道你曾經為我地哩段關係付出過幾多，而我又曾經傷得你幾深，我根本就無資格去怪你… 你係一個好sweet好sweet嘅女朋友，同你一齊哩咁多年，我好感受到被一個人愛嘅感覺係點，特別係當年我曾經傷得你咁深，但你都仍然一直對我好好，係你親身教識我點樣真正去愛一個人，但亦正因為咁，令我從未諗過你會有離開我嘅一日，因為你嘅愛，令我本來應該有嘅危機意識都完全磨滅掉… ”
 
因為中七下半年會有mock exam和AL，那個復活節我沒法亦不適合回來，所以在中七那年的聖誕假，我回來後亦得十分忙碌，一方面想盡量抽時間見你，一方面又要留多點時間給屋企人，還要抽兩日和他們回鄉下探親。幸好幾過多方商議，最後我順利遊說屋企人讓我遲一天才自己回鄉下，那樣我便能有多一晚的時間可以陪你。
 
那晚我們乘纜車到了山頂吃晚飯。
 
「為咗今晚哩餐，我捱咗兩星期麵包呀~」看見枱上高級的美食你笑說道。
 
「辛苦你喇，多謝~」而我亦明白這餐飯對當時的我們來說確實並不便宜。
 




「一切都係值得嘅~ 之後幾個月我地大家都要努力喇… 哩份禮物送比你㗎， 嚟緊加油呀!」 你說完便從袋裏拿出了一份禮物給我。
 
我拆開了包裝紙發覺是一個人手織的Cushion，上面是我喜歡的MIFFY公仔。
 
「嘩好靚呀!多謝 Honey~ 」我開心說道。
 
你:「我花咗好多心機逐條逐條毛織㗎! 你之後累就可以扒喺佢上面休息下啦~」
 
「但我會唔捨得驚整污糟㗎…」我望著cushion有點不捨得地說。
 




你:「小心啲咪得囉~ 唔好比佢無用武之地呀!」
 
我:「我考慮下~我都有份禮物比你為你打氣㗎!」
 
我的禮物是一本簿，裏面貼滿很多我們的合照和回憶，而每張相旁邊都有我簡單的描述和感想。
 
 
「哩張係我地第一次睇戲的票尾，就係嗰日你突然偷襲拖住咗我~」
 
「哩張係我地去海洋公園玩完過山車你塊面嚇到白晒嗰陣我偷影㗎~」




 
「哩張係我地上年一齊睇日落嗰陣~ 我地第一次一齊睇日落 ❤️ ❤️ 」
 
 
我們一起很細心地逐頁逐頁觀賞著這相簿。
 
 
「多謝你… 佢係我收過最好最珍貴嘅禮物…」看完後你一臉感動地對我說。
 
「我整嗰陣都好開心㗎，好似重新經歷過我地一齊後每一件事咁…」我甜甜地笑道。
 
你:「放心啦，之後我會代替你繼續update哩本相簿，令佢越嚟越厚，收藏住我地更多更多嘅回憶~」
 
我:「咁我就將佢交比你喇~ 你一定要考好個AL呀，記住我媽咪以前講過我第日個男朋友一定要讀港大㗎~」
 




你:「無問題~ 等我考到之日，你夠18歲之時，就係我同你媽咪提親嘅時候喇~」
 
「低能~」我笑著罵你，但心裏卻滿是甜意。
 
你:「你之後都要比心機呀，雖然嗰邊AL 易好多，但你想讀Art都要做好多嘢去豐富自己個portfolio呀。」
 
我:「係呀，所以我地一齊努力啦~」
 
 
晚飯後我們出外看夜景，那天的天氣很好，倚傍著你和你俯瞰著香港璀璨的夜景，就算沒有酒精加持，我也能感受到淡淡的醉意…
 
「黃天佑，我真係好鍾意你…」
 
「鄧詠恩，我都好鍾意你…」
 




「究竟要幾好彩我先可以遇到你呢?」
 
「唔係你好彩，係因為我上世一定做咗好多好多好事…」
 
兩唇交接，我更加的醉了…
 
 
零晨時份你依依不捨地送我回到家的門前，我仍感受到那甜甜的醉意，而醉意往往讓人變得更加衝動和大膽。
 
「不如你入嚟stay多陣?」我提議道。
 
「你工人喺度唔驚?」你有點驚訝地問道。
 
「佢應該訓咗喇，細聲啲就ok，你等我入去探下路先…」
 




門打開，屋裏漆黑一片，我小心翼翼走了進去，看見工人姐姐已經睡了，便走回出來拖著你把你帶入我房中，然後立即把門關上。
 
我不敢把燈打開，但靠著窗外滲入微和的月光，我仍依稀能看見你俊朗的輸廓，寂靜的環境讓我們能感受到彼此急促的心跳聲，這一切一切都更加催動著我們本已氾濫的感情，很快我們已經忘情地在擁吻並開始迅速地脫掉對方的衣服…
 
禁忌、激情、環境成就了我們無比難忘的一晚…