只想和你愛一次: 42. 時光倒流
幸好還沒send出去，下意識Elven立刻delete了整個message，然後暗自鬆了一口氣。再望望四周，問了司機日子，Elven確定了這是他足球隊奪得Champion的那個晚上，他真的回到了過去。
(我係咪又發緊夢? 莫非我成為咗歷史上第一個可以時光倒流嘅地球人?)
「啪!」一聲清脆的掌摑聲加上臉上傳來的刺痛感告訴了Elven這並不是夢境。
(好痛! 下次都係細力啲… 雖然唔知發生咩事，不過既然上天比機會我返嚟，我一定要做啲野去改變過去，唔係下半世我又要喺傷心中渡過㗎喇!) 冷靜過後，Elven邊掩著自己還在痛的半邊臉邊默默在想。
回到hall沖完涼後，Elven在床上靜靜地思考著自己該怎樣做才能改變未來。經歷過之後6年的痛苦經歷，Elven很清楚自己想要甚麼，他只想要和Rachel在一起，至於甚麼搶不搶人女朋友他已經不再care，愛情從來都是自私的，他這樣說服了自己。
(首先我要整理好自己已有嘅資訊，然後先可以制訂好往後嘅策略
1 依家表白係死硬
2 將來佢地係至少會分一次手
3 佢講過唔鍾意啲人對佢太好
4 下年佢會輸波outpool
5 點都唔可以講類似叫佢同男朋友分手嘅嘢
歸納完哩五點，我就發現我嚟緊嘅大方向應該都係一方面繼續同Rachel維持好朋友嘅關係，一方面就嘗試喺一啲其他嘅細微位作出微調，最差嘅情況就係要等到佢地幾年後分手然後我再出手做嘢。
但自己哩幾年點捱呢? 同埋佢地就算分咗手之後好快又會一齊返... 所以嗰個就算係一個契機，比我做嘢嘅時間都唔多，哩段時間唯有不停幫自己刷分增加好感值到時先至會有機會… 頂，攪到好似打機咁…
最難係佢唔鍾意人對佢太好，which is可能係我以前一直犯緊嘅錯... 但唔對佢好又點刷分呢? 唉，真係唔知點做好，暫時唯有保持喺大原則下隨機執住生先再慢慢諗下啦…) 想了整晚，Elven總算大概有點頭緒。
不過無可否認，在那次錯誤表白前的時間是他和Rachel相處最自然和最能暢所欲言的日子，這亦是為甚麼Elven那時潛意式便衝入了這幕的洞口，那個表白的SMS Elven覺得無疑是自己之前對這段關係中做得最錯的一件事，把他和Rachel的關係推向了懸崖邊。
而這次因為Elven及時制止了自己，表白事件最終並沒有發生，因此他們能繼續保持在完全沒有隔膜和避忌的相處模式中，Rachel還是會間中主動約他出街和主動告訴他自己和男朋友發生的事。
每日扮途經附近 仍然未勇敢
不斷問重覆地問 為何沒有信心
想去愛 可惜自問 好人難偷心
只可等你的身邊下次換人
其實我不貪心 若你有天傷心 你可哭於我衣襟
如果真的可以我替你不開心 願替一世也甘心
與誰熱吻 難預計 與誰在競爭 不要緊
因為早已有心理準備這會是一場長期戰，而且亦知道她們之後會經歷關係低潮期，所以這次Elven心理上承受Rachel和第二個一起的能力比以前強，只是他暫時還是參透不了 Rachel所說“對我太好我唔鍾意” 是甚麼意思，這亦變相讓他這次不知該以甚麼態度去對Rachel好。
太暖男不行，但太cool太衰又不見得會成功，而且完全不乎合自己性格，苦無頭緒下他只好向其他女性朋友取經。
「Susan呀，想問下你會唔會唔鍾意男仔對自己太好?」Elven第一個向了Susan取經。
Susan: 「正常都唔會嘅，邊有人唔鍾意人對自己好㗎… 唔通鍾意人對自己衰咩?」
(咪就係你個best friend話唔鍾意囉…) Elven心想。
「咁有咩因素會影響你對個男仔心唔心動?」Elven又問。
「做咩突然咁問?」Susan略帶心虛問道。
「無呀，純粹想了解多啲女仔諗咩咋嘛。」Elven當然不會如實作答。
「嗯…不過你咁講開，應該話女仔唔會唔鍾意男仔對自己好，但亦唔會話因為男仔對自己好好就一定會鍾意佢，有時對女仔太好太就佢，反而可能吸引唔到佢，覺得個男仔無咩性格唔矜貴。」Susan諗咗陣後答。
Elven: 「莫非真係男人唔壞女人唔愛?」
「又唔係咁嘅意思… 不過哩個問題真係好難答，個個人唔同，例如有啲女仔可能覺得男仔太就自己對自己太好，反而好似無咗自己，唔夠man唔夠性格，變相無咗吸引力，有啲女仔又真係犯錢，你對佢太好佢就覺得唔矜貴，唔會珍惜。當然亦有啲女仔好簡單，真係你對佢好就感動到佢... 所以其實好睇個女仔本身係咩人同埋個男仔自己嘅吸引力囉，無得一概而論…」Susan嘗試解釋。
(咁你個best friend到底係屬於邊類人呀? )
Elven很想這樣直接問Susan，不過知道她們熟，為了避免引起不必要的誤會所以最後他還是忍住了沒有追問。
「明白… 多謝你嘅教導~」Elven只能簡單收尾。
不過想起和Rachel熟悉的人，一個名字突然出現在Elven的腦海中。