只想和你愛一次: 13. 交談

Elven: 「你係咪有個表妹都係L-hall?」
 
Rachel: 「係呀， 你又知嘅?」
 
Elven: 「我地兩間hall咁多交集， 點都收到啲消息嘅，而且 Jacky又coach緊你地隊波。」
 
Rachel: 「你同Jacky係咪好熟㗎?」
 
「熟呀， 佢係我水隊同籃球隊重要主力嚟㗎， 好多時都會同佢傾練習啲嘢， 慢慢就變咗好兄弟，今年食粥食飯都係靠佢㗎喇!」有機會Elven當然乘機幫Jacky 落藥， 讓Rachel對他能有好印象，將來和Annie 談起Jacky也會是正面的。
 




Rachel: 「不過感覺佢cool cool地， 我地有時都唔敢太同佢講嘢...」
 
(吓? Jacky cool? 佢Kai㗎喎.. . 頂， Jacky你攪乜呀? 又話努力同Annie 啲隊友混熟? 你突然走去行cool嘅路線?) 
 
Elven聽到後震驚了一吓， 然後腦海中暗罵了Jacky不知多少遍。
 
「可能佢同你地未熟，對女仔又有啲避忌掛 ，男女授授不親嘛~」Elven只好快速幫Jacky 補鑊， 然後繼續為他塑造正人君子的形象。
 
不過想深一層， 他突然明白Jacky可能只是單純地自己怕醜， 因為對於上大學之前還一直只是活在男校的他來說，在溝女這領域上其實也同樣只是新手一名。
 




Rachel: 「可能啦， 不過我地今年都好唔樂觀， 上年主力全部走晒喇… 我今年都要努力爭正選!」
 
Elven: 「你打咩位㗎?」
 
Rachel: 「PG呀，其實有個身高技術都好過我嘅year3同我同位， 好難爭，不過咁啱佢Sem2可能去exchange， 所以未必打到比賽。」
 
Elven: 「咁快就認輸? 佢去唔去都好， 你都要有火爭嬴佢! 諗下佢有咩好過你嘅地方你要學習收窄距離， 同時間你有咩好過佢嘅地方就要繼續放大。 打波有時唔係淨係講技術， 思考都好重要㗎。」Elven鼓勵Rachel分享自己的經驗。
 
Rachel: 「知道! 差啲唔記得咗你都係打籃球， 仲係Team Captain添!」
 




就這樣， Elven在開始在過料給Jacky之餘， 間中也會向Jacky杳詢一下 Rachel練習時的表現如何，有機會就會私下提點她一二。
 
Jacky 知道了Elven和Rachel的關係後也沒特別奇怪， 只是很不要臉地不停問Elven關於Annie的資訊。 事後每次當Elven想起他告訴Jacky Annie真的沒有男朋友後那天他心花怒放的樣子，仍是會哭笑不得。
 
 不過得到資訊裝備的Jacky， 在和Annie溝通上確實更得心應手，至少 Annie不會再一天才回一次message， 而且還會開始和他分享自己的日常事情。
 
 
日子慢慢過去， Rachel 和Elven的對話亦開始由既定題目， 演變到每天發生的鎖事。
 
「救命呀，哩個月超多tests + assignments呀!」這日Rachel在向Elven呻苦。
 
「係喎 ，見你近排好似都好忙… 唔緊要，等我比啲正能量你講個秘密你聽啦~ 其實每次我遇到好多嘢做好煩覺得好frustrate嘅時候， 我都會安慰自己， 只要逐少逐少做， 就算每次只係完成1%都好， 只要有progress都會距離目標近咗，然後只要堅持落去就總有一日會完成嘅! (如果無timeline 嘅話XD)」 Elven嘗試鼓勵Rachel。
 
Rachel:「哈哈， 你真係好正面，多謝你呀!」
 




「話時話， 成日見你喺hall，邊有時間陪男朋友呀?」 其實Elven不知道Rachel有沒有男朋友， 暫時他們亦沒有髑及過這方面的話題，所以正好乘機八卦一下。
 
「其實都真係無乜時間...  多數都只可以星期六日見， 但都係一大班人多。 近排佢都有怨我成日好忙咁呀…」Rachel答道。
 
「唔同大學， 大家文化圈子唔同， 有時係難互相理解啲嘅。 不過好彩係你忙唔係佢忙， 你知女仔好易亂諗野㗎嘛， 男仔相對上無咁需要人成日陪住。」像之前Ada會怨他而他沒有怨Ada，Elven有點有感而發回應道。
 
Rachel:「都係嘅…」
 
然後Elven知道了Rachel的男朋友也是她從少認識的一名教友， 不過真正在一起，也是比較近期的事，那時的她們一起的時間還不到一年。
 
「話時話， 有啲野你係咪係時候應該對我坦白喇?」 Rachel 突然話題一轉。