只想和你愛一次: 7. 結局

其實這都不能盡怪Elven，始終對他來說，Ada每見Sam一次，就代表他們二人的距離再拉近了一步，亦即是和自己拉遠了一步，這對Elven的打擊是十分巨大。而且Ada對對方縱容的態度亦讓Elven知道現在Sam在Ada心目中的位置和自己是在同一水平，甚至是比自己更高。試問面對這逆境，Elven如何能不焦急?
 
冷靜過後， 第二天Elven一早醒來便己經很後悔， 然後立即message Ada 講sorry， 解釋自己一時火遮眼不是有心， 自己亦不是真的想分手。
 
「你知唔知我琴晚喊咗幾耐? 不過我無資格怪你。 我知係我唔好 ，傷害咗你， 對唔住 …但我真係好大壓力好似抖唔到氣咁 ，你比啲時間我，哩段時間我地都係做返朋友先啦。」Ada回覆。
 
Elven很不開心， 但自己衝口而出闖的禍自己只能接受。 自此， Elven 雖然和Ada間中還會談天和約會， 但感覺己經慢慢變得不同，因為他們不再是以男女朋友的身份去相處。
 
 Elven一方面不敢再找Ada找得太頻密， 害怕自己給她太多壓力， 但另一方面他又很焦急害怕這段時間Sam和Ada的感情會更進萬步，讓自己在對方心目中的位置變得越來越低和不重要。
 




我明白 你給的愛 是真實地存在
只是我 不懂得如何去愛 才會讓你想離開
 
因為我不知道 下一輩子 還是否能遇見你
所以我今生才會 那麼努力 把最好的給你
愛你都變成傷害你 我們的愛快要窒息
不是故意 只是太愛你
 
 
如是者過了個多月後， 飽受煎熬的Elven終於忍耐不住在距離Ada回英國還只剩下數天時間的時候 message Ada提出了疑問。




 
Elven:「我哩段時間好乖無再成日chur住你， 你感覺有無好啲?」
 
Ada:「都有， 對唔住呀，委屈咗你。」
 
Elven:「唔委屈 ，最緊要你開心舒服， 同埋唔好判我死刑就得。」
 
Ada:「對唔住， 我諗清楚喇 ，我地都係算啦… 我發覺面對你， 我好有壓力同內疚感 。有時見到你我會變得好討厭自己， 而且我地嘅問題 根本都解決唔到… 我畢業後其實唔諗住返香港， 而你其實亦唔會可以放棄香港跟我到外國生活。所以我地個問題，就算捱得過今次，遲早都係會出現返。
 
對唔住呀，我知你對我好好，好多謝你哩個幾月對我嘅溺愛，我從未試過咁比人寵愛法。 但有啲感覺唔同咗就係唔同咗… 你明唔明? 希望我地仲可以做好朋友，更希望你將來可以搵到個更值得你去愛嘅人， 我想你得到幸福。」




 
「所以… 你決定咗同Sam一齊?」縱使晴天霹靂，Elven還是要問。
 
Ada:「唔係， 現階段我亦無打算。 不過同佢相處確實係好舒服， 佢從來無逼過我決定啲咩， 淨係會關心我感受同體諒我。 當一個係咁比壓力我， 一個就可以做我嘅樹窿， 你明唔明白兩者之間嘅分別? 不過我唔想再傷害你 ，所以我無同佢一齊。」
 
「我唔再逼你呀， 你想暫時分開都無問題㗎， 但可唔可以再比啲時間大家唔好咁快決定唔要我住呀…」就像行刑前的死囚，Elven只能盡力希望這行刑的日子能往後延遲，因為只要自己一日還沒死，一日便還有希望。
 
「對唔住， 我今次真係決定咗喇，唔會改變…」可惜Ada的刑刀還是照樣地落下。
 
 
直至今日， 每次Elven回想起這段回憶，心裏還是會隱隱作痛， 彷彿自己的生命永遠失去了重要的一部份。他知道 不能和Ada長相廝守， 一定是他人生其中一個大遺憾。
 
不過命運有時又很難捉摸，上天拿走了你一樣東西， 很多時都會給回你另一東西，然後到你習慣依賴它時再次拿走…
 
最心痛是 愛得太遲 有些心意 不可等某個日子

盲目地發奮 忙忙忙其實自私 夢中也習慣 有壓力要我得志
 
最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次