《我追咗一個女仔好耐，最後...》: 第三十五章

我將所有心裡話講出來，思思果然接受不了。

我是想和思思坦誠相對，看看她會不會原諒我。
現在她沒聽我講完就直接離開，證明對我徹底失望，所以挽不挽回我舉棋不定。

我獨自靜思了一會後，先回家，可能思思會在。她從不傷心至如此，我根本不知道她會去哪𥚃。

我回到家後，聽到思思的抽泣聲，房間內她捲縮在被子內，楚楚可憐。我實在不忍心見到她為我痛哭，決定做點事補償。

例如嘗試喜歡她





「思思？」

「嗚嗚嗚...你走啊...嗚嗚...」

「唔好喊啦...」

「你走啊！我以後都唔想見到你！」
她突然發難，身邊所有雜物成為她的武器，一一拋向我，失控之制，她不覺意地將床頭櫃的用力鬧鐘砸到我頭上，額頭流出少許鮮血，眩暈的感覺使我站不住腳，需扶著牆壁緩緩坐下來。





「啊...」跌落的鬧鐘恰好碰到發聲鍵，發出咇咇咇聲。

「嗚嗚...你有冇事呀！嗚嗚...」思思見我受傷，終於願意理會我，馬上過來查看。

「冇事啦...係有少少痛...」我不顧額頭上的傷害，趁機捉緊思思雙手。

「要快啲包紥先啦！我去攞急救箱！」她急忙鬆手。

「唔好！唔俾走...除非妳原諒我先。」





「好...好，快啲俾我幫你包好個傷口先啦。」思思見我的血不斷湧出來，邊哭邊替我止血。

「唔好喊啦，喊咗唔靚㗎啦。」我撿起身旁的紙巾盒，抽出兩張紙巾幫她擦去眼淚，然後輕吻。

「你從來都冇對我好過㗎啦！就算有都唔係真心...你錫就錫緊我...諗嘅就第二個女人...」

「對唔住啊...但係琴晚我攬住妳喊嗰陣，我真係知道妳有幾愛我，幾著緊我。俾個機會我鍾意妳好唔好？」

那刻我是真心，至少此刻是...
我連自己都信不過，但能在那一個剎那欺騙自己，作出一個可能做不到的承諾。歸根究底是我不想失去而己。

思思沒有答應我，一言不發替我包好傷口後便說：
「我想搬返去阿媽到住一排。」
思思收起哭臉，神情凝重。





「好好，我幫妳搬啲行李一齊返去？我冇見過伯母。」

「唔洗啦袁生，而家我唔係你女朋友，唔該你自重。」