我在召妓中重遇初戀: 給她的生日驚喜上

我地依個熱戀期過得好愉快, 雖然要番工, 但都冇阻我地想見面既心。

 我收早時買糖水比我,我再送佢番屋企, 佢開早時, 我早啲起身同佢食早餐。 

好快就到佢生日喇, 相信睇咗文既各位都記得我上年應承過Hailey 佢要送個大蛋糕比佢, 而今年佢做埋我個女朋友, 即係我要預埋佢生日嗰日既行程啦!  

我又要請教下連登既巴絲打, 有咩地方女仔一定鐘意?

我整合得番嚟既結果全部都係去開房。 





對於咁既結果, 我係咪一早已經知呢, 嘻嘻。  

最後我訂咗天際100 二人套票, 反斗奇兵4 戲飛兩張。 

終於到咗依一日喇, 我懷著戰戰兢兢既心情出發, 一清早見到Hailey 真係有效保護眼睛。

佢今日化咗個淡裝, 更顯出佢既美, 美已經形容唔到佢喇! 

「早晨, 生日快樂呀女朋友仔, 今日將會由你個靚仔男朋友帶你享受依一日既愉快旅程! 仲有一句, 你今日特別靚。」 我伸出手去拖住我依個靚靚女朋友





 「多謝我呢位靚仔男朋友! 咁我今日就交比你喇, 唔好令我失望呀!」 佢附帶一個甜甜的笑容 

「係咁既話出發喇, 我地第一站係去食早餐, 之後去睇戲! 」 我地隨便食咗個早餐後就去睇戲。

 入到一個冷得伕像停屍間般的戲院, 我貼心為我的小女友送上一件外套。 

「唔該!」佢客氣地對我說 我對她微笑。

 整套戲都係講緊個智障小叉周圍走嚟走去, 我覺得一般, 而我的小女友就超鐘意嗰隻小叉, 明明勁爆公爵先係最得意。 





完場後, 我地一路討論劇情, 一路去咗飲茶, 唔好問我點解會去咗飲茶, 我都係比佢拉咗入去。

 入到去, 佢叫咗好多野食, 蝦餃, 燒賣, 流沙包。

重點係佢碟碟都將所有野食放曬係我既碗入面。

 佢話: 「你唔夠肥呀! 食多啲啦! 我想成日摸你個肚腩呀!」 佢好似見到獵物一樣想食咗我咁款 

「吓!我唔想變肥仔呀!法官大人!」 我向佢求饒 

「你試下!」 佢變咗一下臉, 女人真係善變 

之後我準備個驚喜比佢, 唔話比佢知去邊。  

平時只有佢比驚喜我, 今次我一定要比番個驚喜佢先。