我在召妓中重遇初戀: 再接再厲

第二日, 佢同我講放假, 我問佢同唔同我食晏晝,

佢話「okay!」 

我唔相信一個送蛋糕比我既女仔會拒絕我, 我偷偷地寫咗封情信比佢。 

今次我同佢食咗一間裝修幾靚既餐廳, 全程有講有笑, 好似同之前一啲分別都冇。

 食完飯後, 「喇! 我寫比你架, 番去先睇啦!!!」 我怕羞咁講 





「咩嚟架, 一定要番去先睇得?」  

「係呀! 我都係時候要番去喇! 」

 「嗯! 你番去啦!! Bye bye !」 

過咗三個鐘後, 我Whatsapps 佢 「你睇咗封信未?」

我打探下佢睇咗未 「你真係想知?」 





「係呀! 講啦!」 

「睇咗喇! 你想我講咩呢:)」 

「今晚我收工一齊食飯?」

 「好呀! 我想食雲貴風呀!好唔好?」 

「好, 你話事啦!」 我依家好期待今晚既晚餐, 我相信今次應該成功喇。





 嚟到雲貴風, 佢叫我同佢食同一樣麻雞、腩肉、魚皮餃米線。

 我地一齊食得好舒服, 好滿足,

佢好似等我講野, 而我又等緊佢講野。 

最後行到送佢番屋企既小路, 天色昏晚, 伸手不見五指。

 未竟, 一啲可愛的生物喺小路追逐, 嚇得Hailey 佢立刻捉住我手臂。

 與此同時, 我立下決心, 一手拖住佢隻手, 默默咁拖住佢, 全程我地都冇出聲, 個心跳得好快, 我地幾經波折個心終於連埋咗一齊。 

「喂! 我番到屋企喇! 你呢！」我打電話比Hailey 

 「你送我番去架喎!」 





「係喎! 唔記得添！ 嘻嘻!!」 

「蠢豬嚟既! 」佢一路笑一路同我講

「蠢你個頭呀, 你就蠢豬,哼!」我反擊 

「哼咩哼呀, 唔理你,哼!」佢講 

「話說! 」

「嗯?」 

 「Hailey 小姐做我女朋友啦! 我覺得我講咗先係算一齊!」 





 「Um … 好啦, 蠢豬嚟既,嘻嘻!」

 喺嗰一晚, 依啲咁既肉麻甜到漏既對話可以救到幾多個營養不足既小朋友。