我在召妓中重遇初戀: 重遇

兩個月後, 番學既時候, 一個多管閒事既組員問我 「點解你個Whatsapp 冇頭像既?」

 「吓! 冇理由呀! 我咪用緊巴庫個頭像囉!」 我覺得佢真係好煩 

「冇喎! 」 佢真係好煩 

「屌! 攞嚟啦!」 我一手搶咗佢電話, 一睇, 「點解咁既? 我個巴庫頭像呢?」 

「話咗你冇頭像架啦, 講你又唔聽! 」佢仲係到煩住我 





「收一收皮先好冇! 」 我終於見到原來我既個人頭像一直都set 咗沒有人, 唔怪得知佢一直都冇同我講啦, 唔知依家整番會唔會太遲呢? 

「多謝你!」我屌完佢之後, 又同佢道番歉

如是者, 又到學期未。

 有一晚, 我趕緊assigment 既時候, 電話叮一聲將我嚇一跳。 

「邊個咁夜搵我?」 我一邊抱怨一邊睇 





哇!!!!!!!!!!!!!!!!!!!!!!!!!!!!!!!!!!!!! 電話螢幕顯示 你有兩則信息來自靚女Hailey 。

 竟然佢搵我, 唔通佢發現咗我個頭像? 

一㩒落去 「做咩抄我頭像呀 屁孩?」句字雖然冰冷, 但有一股暖流流入我既心窩, 暖入心 

「邊有抄你呀, 我用巴庫關你咩事呀, 屁孩!」 我用心地檢查每一隻字, 確保寫得好好睇睇就發送咗出去 

三秒... 叮「屁你個頭, 無啦啦做咩抄我用巴庫呀! 答我呀」估唔到佢秒回我 





「 屁孩, 你睇清楚, 你個隻係可羅米嚟架喎!」我依家心情十分之愉快 好耐都未試過同佢傾咁耐喇。

 第二日, 我問佢「你仲做緊薩莉亞呀?」

  「冇呀, 你個時走咗冇耐, 我都辭咗職喇!」 

 「竟然, 咁你依家做緊咩工呀? 我又想番工喇, 依家好窮呀!」我答 

「冇番工呀, 我都想番呀, 有咩做好呀?」 

「你都窮呀, 唉! 都唔知有咩好做好!」我答 

「我個朋友send 咗張相比我, 話數字零食店請人喎, 有冇興趣?」 佢講 

「有呀, 依家落去睇下請唔請先。」 講完之後我就落咗去見工 





「祝你好運!!!」 有佢依句, 我點會見唔成呢