我在召妓中重遇初戀: 辭職

人一到寂寞既時候難免會胡思亂想, 我亦唔例外。 

我有試過問佢IG , 佢hea 我之後扯開話題。 

我有試過約佢出街, 佢話攰。 

曖昧其間係最甜蜜, 亦都係最辛苦。 

對話一日比一日少。 





我地保持住依一種關係去到新一年。 

聖誕節, 佢約咗朋友, 除夕就約咗屋企人。

 從來沒我份, 犧牲當做例行,我慣了傷心。

 我唔敢去確認我地既關係, 我唔敢去問佢。

 去到最後, 我同佢都已經冇再聯絡, 應該話係我唔知用咩身份去同佢繼續落去。 





去到新年後, 我辭職了。 

一來頂唔信個經理, 二來我應該都要展開新生活。

最後一日 「喂!我做埋今日走喇喎!」

唔知幾時開始我地又變番咁生疏 

「吓! 之後諗住做咩呀?」 佢食住我整比佢既三文魚焗飯答 





「未諗到呀!可能放番個假先, 依家啲功課有啲煩, 遲啲先算啦!!」

 「加油啦!!!」 

跟住時間就過得好快, 人係有感情既動物, 我喺依度都做咗超過半年, 臨走前都有啲不捨, 話曬都係我第一份工。 

我同咗好多人講再見, 最後我行到去佢面前 「再見!!」 我仍裝強顏歡笑同佢道別

 「再見!!!!」佢望著我既眼神好似好糾結咁 我都唔理了, 我一步...兩步...三步走出門口。

 我都係唔爭起咁望番轉頭。 

我喺落電梯前舉高隻手, 對佢揮揮手 佢都對住我揮手。 

我遙遠都可以看見她眼中全是不捨的眼神。





 我唔知我今日咁做啱唔啱, 正所謂條路自己揀, 仆街唔好喊。