精神科護士的見聞: 13.工作的離譜事1

不知道大家平日習慣準時嗎？
做醫護相關工作的人確實比較準時
無論是返工還是收工約朋友，都習慣預早出門口
以前大學老師會叫我哋出實習要出門做兩班車
我⼀直跟住佢指示，由學生到做阿sir都早15分鐘返工
俾人印象分好（後來做得耐變老屎忽，變成準時返工）
以下分享兩則關於守時的故事
⼀、
有次返下午更，平安無驚無險又準備收工
當晚由外來病房的人來當夜做IC(In charge)




於是⼀直等，2050等到2100夠鐘都未有人來接更
下午更IC叫大家收工先，佢自己留低等
到第二朝返工，我先知尋晚夜更個IC no show
事源那個同事老早報sick leave去自己病房
然後那個病房的同事忘記通知我哋
搞到當晚無人來當夜，故事後續我都忘記有無人來頂更

二、
護士同行都喜歡用⼀個app叫做my duty
等大家可以入自己更期去app




唔洗用實體更表
有次我朝早8點訓到自然醒
起身第一件事望下電話
電話提示我當日返早，即是7點返工
我都覺得有機會係入錯更期去app
心諗如果真係甩更，病房⼀早打咗10萬個電話黎叫我起身
不過我都以防萬一，打個電話返病房確認
我：早晨，我係XXX丫，可唔可以幫我睇下今日係咪返早
同事：無理由嘅，不過都幫你睇下
（拿出更表）我睇下先，你今日返⋯⋯我小，你真係 返早喎




我：對唔住，我馬上衝返來！
最後我坐的士飛返去，仲買蛋撻賠罪