精神科護士的見聞: 11. 焦慮的人生

焦慮是人與生俱來的正常情緒反應。
適量的焦慮可以保障我們的人身安全，成為我們生活、學習的動機。
焦慮症是指儘管刺激你焦慮的事情已過，然而持續處於擔心的狀態。過份的焦慮會為生活帶來負面影響。
回想兒時的記憶，筆者小時候是個十分驚青的人，大至中英文口試，小至落街買飯盒食，都會在事前驚⼀輪，導致心跳過加速，不斷流汗，搞肚痛。後來長大了，經歷越來越多，才無咁驚青。
⼀般焦慮可以在社區處理，並不需要入院治療。但若出現危險，則需要馬上安排入院。

肥仔係個30歲單身男士，同家人住在父母買下的私樓長大，家中無財政壓力，自己返⼀份工程相關工作。
肥仔自細比較貪食，又無注重身體健康，由細到大都是癡肥。由於外表關係，肥仔自細比較自卑，又會俾身邊同學欺凌，好不容易讀完書出來工作，又遇到一班難相處的同事。工作壓力加上人際關係差，讓肥仔越嚟越焦慮。
收工回到家，腦入面會不斷回想工作的事，又擔心工作有手尾，會連累同事。
終於有一日，肥仔焦慮到失眠，第二朝十分害怕返工，⼀時衝動用戒刀戒傷自己頸。幸得家人發現，馬上送院。




入院後醫生處方抗焦慮藥，讓肥仔放鬆。再配合心理治療，讓肥仔學識如何放鬆。最後有職業治療師介入，幫肥仔做個全面的能力評估，建議他出院後先放假調整狀態，再找另一份容易適應的工作。最後終於出院？
（下⼀篇講焦慮症的分支，恐懼症及強迫症）