你是一名在戰場上的無名士兵: 第13章 - 13

「你隔離嗰兩個係咩人嚟？點解有劍？」

「一睇就知我係商人啦？嗰兩個係我護衛，都係我同鄉。」

「同鄉？你哋係因為愛莉文自己依家都搞唔掂，所以想用埋啲陰招偷渡過嚟咋？」

「唔、唔係。我哋要偷渡點會去愛莉密斯之城呢？去遠啲嘅地方唔好咩？」

「你哋的確係向緊愛莉密斯之城行......但咁唔代表你哋講嘅嘢係真！」





「你哋啊頭係邊個？直接叫佢出嚟見我哋！」卡登忍不住氣。

士兵呼喝：「我就係依度嘅啊頭！你有咩問題？」

「梗係有！邊度有人咁樣對商人？」

「依家打緊仗啊！點可以隨便畀你哋入嚟？」

切爾基見狀：「兵大哥唔好介意，佢係有啲燥底。」





「你話我燥底？你嘥錢買完啲無謂嘢人哋唔畀你送過去又好叻？」

「我買嚟又唔係畀自己食......返返去派街坊囉。」切爾基打算回頭。

當你們轉向到一半，那名士兵突然改變意向：「既然你哋係咪都要派街坊，派畀我哋啲街坊得唔得？」

卡登不滿地發罵：「你想點㗎？啱啱明明死都唔畀我哋入，依家又話要我哋啲嘢食？」

「我淨係要你哋啲嘢食。」





「但係咁多，你哋幾個人點搬得晒？」你問。

「我會叫人嚟幫手搬，你哋唔使擔心。」

「咁就好喇。」切爾基微笑：「終於唔使浪費啲嘢食。」

士兵問：「你哋咁幫我哋唔會俾人鬧咩？」

「我只係出自自己嘅意願去幫你哋，我覺得你哋先係值得幫嘅一方。所以千祈唔好同其他人講我哋嚟自邊度。」

「既然都係咁，你哋嚟我哋依度咪得囉！」

「但係你啱啱先講過驚我哋係偷渡過嚟......」

「偷渡嘅人係負累，做到嘢嘅人點會係負累？你哋去我哋度撈一定有著數！」





「好、好啊。」切爾基心裏非常驚訝，他想不到三言兩語就能令敵人信任自己。

「我叫兩個騎兵送你哋過去，咁你哋就唔使喺城門度俾城衛問嚟問去。」

「唔使俾人問？有啲咁好嘅嘢？」你們三人不禁同時作出同樣感想。

畢竟這樣就可以直接探查愛莉密斯之城的情況，也不用害怕身份曝光，得到士兵信賴也可以更自由地活動。