你是一名在戰場上的無名士兵: 第13章 - 12

卡登見關鍵的一秒已經過去：「威芝城。」

你和切爾基向他使了個「做得好！」的眼色，但隊長繼續進攻：「邊個叫你哋嚟？」

「係我哋自願嚟。」切爾基回答。

「自願？你哋知唔知我哋打緊仗，點會隨便放其他國家嘅人入去？萬一你啲嘢食落咗毒點算？」

「如果你唔介意，我可以食畀你哋睇。」





你萬萬沒想到切爾基會說出這句話，他向來保守，很少會說激進的話，這也許是他急中生智想出的答覆。

但隊長似乎不滿意：「你食畀我哋睇我就要畀你哋入去？人嚟，睇下佢哋架馬車入面裝咗啲咩！」

隊長低頭沉默數秒模擬等待其他城衛搜索馬車，再彷彿聽到不存在的回應般說：「冇可疑嘢......但冇准許我哋都唔可以畀你哋入去！」

切爾基心想：「冇准許就唔畀入咁我哋點先入到去？」他皺起眉頭：「我都係覺得入面啲平民太慘先想送嘢食過嚟啫！我咁破費 - 三個人點食晒啲嘢？」

你乘勢助攻：「我哋都係想幫下你哋啫！點解唔可以畀我哋入去？」





「你哋嘅心情我明，但係......」

卡登也一同進迫：「唔該你啊！我哋山長水遠嚟到依度，入面啲人見到我哋一定會好開心！」

你們盯著隊長，全身隨時準備慶祝或失望而回。

他靜默數秒，「我要問下上面先。」

聽見這句答覆，你和卡登差點想破口大罵，但一致認為隊長仍未放棄而忍住氣。





但之後隊長就稱讚你們的表現，並告訴你們不會有大礙。

「點解有種會出事嘅感覺......」你想到昨天的演練便有種不祥預感。

你們轉眼間便來到布朗斯帝國國境，路上有個臨時築起的哨站。

「前面架馬車同我停低！」一個布朗斯帝國士兵舉起長槍走過來。

你、卡登和切爾基馬上停下，「呢度前面係布朗斯帝國領土！任何人都唔可以過去！」士兵在你們面前擺出防禦架式。

哨站後方還有兩個步兵、弓箭手和騎兵，即使想強行突破也不可能。

「兵大哥你好啊，我哋係想送啲嘢食畀愛莉密斯之城嘅人民。」

「送嘢食？我哋使乜要你哋啲嘢食？」





切爾基的角色需要說最多話，和他本身的個性不太相符。

但他沒有反對接下角色，即使自己有可能會出錯，他也想試試擔當主角。

他相信自己的努力沒有白費：「我哋都係想幫下入面啲平民啫！你哋唔使我哋幫，但啲平民好需要！」

「你唔好喺度同我講道理！唔入得就係唔入得！」

隊長從來沒有提醒過你們有關國境防衛線的問題，接頭人說國境比城門前更難對付，為甚麼隊長卻沒有就此說過半句話？

「你哋有冇信之類嘅嘢叫你哋過嚟？」他再追問。

「冇......」切爾基快要絕望。