你是一名在戰場上的無名士兵: 第10章 - 6

你走到尼克的房間門外，「喀喀」地敲了兩下門。「邊個啊？」尼克的聲音從房間內傳出。「係巴奇啊！」你說。「入嚟啊！」尼克說。你推開門，看見尼克在看一本書。「你睇緊咩？」你走到坐在椅子上的尼克旁邊。「睇緊啲關於兵法嘅書。係喇，你搵我做咩？」尼克合上了書。

你隨便找了一張椅子，坐在他旁邊後決定不拖泥帶水地直接問他，「你有冇聽過天選之人？」「好似係個傳言，詳細嘅我都唔係咁清楚。」他好像不明白為甚麼你要問他這個問題。「聽講呢個人就喺我哋或者敵人嘅軍隊入面。」你說。「咩話？你點知㗎？」尼克大驚一跳。

「係咁嘅，我同雪倫最近搵到啲嘢......」你對尼克說了你的發現。
「哦！所以你哋係要搵返嗰場爆炸入面生存嘅嗰個人! 但係你要點搵?」尼克問。「我都唔知，但係根據我哋嘅推測，嗰個人應該離我哋好近。」你說。「哦！原來係咁！你哋使唔使我幫手?」尼克說。

「梗係要！我嚟就係想搵你幫手。」你看着桌上的油燈。「咁我可以做啲咩?」尼克問。「當我哋一有發現要行動嘅時候，我哋會搵你。」你說。「好！但係你哋有冇鎖定係邊幾個人？」尼克問。
「冇，況且嗰個人都唔一定就係天選之人，都唔可以肯定佢識天選之人。」你知道跟大海撈針沒有分別，而且針還不是你想要的東西。「咁我哋要點搵？」尼克非常疑惑。





「總之我哋要做嘢嗰陣就會搵你，當然係打埋呢仗之後。」你說。「好啦，你仲有冇其他嘢搵我？」尼克問。「冇喇。」你說。
「咁...有咩再搵我。」尼克說。「嗯。」你走出房間，發現時間也不早了。

你在走廊徘徊了一會兒，也許找雪倫討論一下可以消遣時間。你在雪倫的房門上敲了三下，卻沒有人出來應接。「咁奇怪嘅?」你發現好像有些不對勁。你再敲了兩下門，還是沒有人來應接。雖然你害怕她又是不是被捉走了，但有種感覺告訴你不要撞門，你只好找其他事做。