你是一名在戰場上的無名士兵: 第9章 - 2
灰暗的天空彷彿要為大地哭泣，但烏雲始終沒有降下淚水。
「歡迎嚟到依度啊，巴奇先生。咁，我哋可唔可以開始第二回合？」格利得林的聲音從後面傳來。
「吓？」你轉過頭，看見這裏是一個大空地，格利得林和士兵們好像甚麼事都沒有。
「依.....依度係邊度嚟？」你說。「你唔需要知道，都唔需要問，你依家唯一嘅目標就係打低我！」格利得林說。
這裏莫非就是那一個城市？「點解我同你會喺度？」你說。「我咪講咗你唔需要問。」格利得林說。
地面上散落了許多石塊，而且周圍都是破爛的房屋，橙色的屋頂只留下少許，牆更是全部脫落，剩餘的木架支撐着，更可以直接看見屋內，屋內都是碎石和毀壞了倒在地上的家具。
「畀把劍我！」格利得林從一位士兵手上接過劍鞘，「攞去啦！」他把劍鞘拋給你。你露出冷酷的眼神接住後拔出劍，雖然你不知道你的勝算有多少，但是你仍然抱有一絲戰勝的希望。
「今次唔使圍圈喇，隨便攻過嚟啦！」格利得林拔出劍。「咩話？啫係佢啱啱係為咗限制我嘅活動範圍迫我去到絕路，然後將我送嚟依度？中咗計......」你現在發現自己中了計。「咁唔通其實其他人冇事？又或者只係畀佢集中喺一個地方，隨時可以處決。」你對自己的失策感到憤怒。
「哼，唔攻過嚟？」格利得林說。「依家攻喇。」你決定盡量利用進攻機會。你衝向格利得林，然後使用刺擊。「人類總要重複同樣嘅......咩話？」當格利得林正想抵擋時，你向左跳躍，當他因為佯攻而擺出空檔時，你從他的右後方向他的腹部平斬。
「冇咁易！」他向左邊翻滾避開了攻擊。你揮空了。「睇嚟我真係冇估錯你。」格利得林站下來。「你話我唔軟唔硬，我依家就畀你睇下咩叫力量。」你說。「你係咪喺度感覺到一股好強嘅力量？」「冇錯。」你以極高速對格利得林作出無死角攻擊，但是格利得林卻一一擋下。「幾好嘢啊，你仲有冇招可以出？」格利得林說。
「我就唔信咁都打唔中你！」你不斷刺向格利得林。突然，格利得林趁着一剎那的空擋一腳踢開了你。
「哼，我陸續有嚟啊！」你說。「當人有力量，但駕馭唔住嗰陣就會崩潰。」格利得林摸了摸他的劍。突然，你的身體變得灼熱。「咩？咩料啊？」你痛得跪在地上。
「依種力量如果你控制唔到，好容易會死。你死咗，就唔會救到你嘅同伴喇。」格利得林說。「你......！」你被痛楚刺得快要倒下。
你覺得周圍的空氣都被你吸盡，你的身體變得極為灼熱。「點啊？你就嚟唔掂喇，不過可惜冇得投降，再見喇。」格利得林說。
當格利得林的劍揮下來後，有一個灰色的罐飛進了你的視線和劍之間。然後有一道白光和把快要你的耳朵震聾的聲音。你隱約感覺到有一個人從後面非常急速的接近，你又感覺到背後被射了一箭。「呢啲到底係咩嚟，我又喺邊度？」你的腦袋快要爆炸了。
「我信你可以做到㗎。」一把你曾經聽過的女聲在你腦中回響。「妳係邊個？」你在白光中不斷摸索。你捉到一個人的手，她的手有點冰冷。「海迪路絲？」白光開始散去，在模糊的視野中你看見一個穿着粉紅色衣服的人在高速奔跑，快得根本不像人類。「快啲同我捉住嗰個人！」你聽到格利得林正大聲地說。
你摸了摸你的頭，格利得林轉過頭。「原來你一早同佢哋夾好。」他說。「邊...邊個？」你問。「講多無謂，我已經得到我想要嘅嘢，你可以去死喇。」他撿起劍。「哈哈......哈哈哈......」你大笑。「你笑乜嘢？你都就嚟死啦。」格利得林說。「你唔知有啲人愈係接近死亡嗰陣就愈可以爆發潛能咩？」你覺得自己的小宇宙快要爆發了。
「受死啦！」當格利得林的劍揮下來時，「愚蠢。」你輕易地用右手握住了他的劍。「你...你係？」他驚慌地說。「只係一個無名士兵。」你把劍從他的手鬆開，然後掉到地上。「我都唔想殺人，但依個係通往和平嘅唯一途徑。」格利得林聽到後馬上向後跑。你握緊拳頭，「想走？冇咁易！天馬流星拳！」你在數秒間對格利得林的腹部打出數百拳，「啪！啪啪啪啪啪！」你打穿他的裝甲後直擊，他吐血不止，不斷從喉嚨發出沙啞的聲音。
「啩啊啊啊啊啊.....」他噴出一大口血後你決定停下，他倒在血泊上。你想起你剛剛捉到的那隻手，「海迪路絲，我愛妳。」不管她是怎麼出現在這裏，在這兩天內發生的事都可以讓說奇幻故事的老伯得到一個月的生活費。「咁我點返去？」在這時候，你記得士兵們在追趕一個人，你向前方跑去。
可能是那一箭的關係，你的體力比平常更多，跑得更快，你向着城鎮中間巨大的鍋爐跑去。「依度一個人都冇...我到底去咗邊？」你看着黑色的巨塔。「佢哋應該喺嗰度。」
路上沒有店舖，其實全部建築都和你看過的有很大分別，「如果要講嘅話，應該係比較沉重。」再加上灰暗的天空更給這座死城一個不祥之地的感覺。
「十五年前到底發生咗咩事？有咩嘢可以毀滅咁大座城？」當時你還在家鄉和兒時朋友們玩耍，「你點可以將咁多嘢交畀細路去理？」「講開又講，佢哋依家又喺邊度做緊啲咩呢？」在你的朋友間，只有你入伍，其他人不是沒有意願便是早已離開國家了。
「都係追到佢哋先講。」你一步步踏着結實的灰磚地，每一步都為這裏增添一點荒涼。「其實咁樣一個人真係有少少驚，幾時先到？」還未說完，你轉右後便看見幾十個士兵在包圍一個女性。
「你係咩人？」一個士兵說。「冷靜！我係嚟投降㗎！」她舉起雙手，她的粉紅色披風令你看不清楚樣貌。
你決定先觀察情況，好讓自己確定她人的身份。士兵踏前一步，「冷靜啲先！我真係嚟投降㗎！」她說。
「咁你啱啱做乜干擾格利得林大人戰鬥？」一個敵方士兵說。「我原本係想幫格利得林大人嘅，點知我失誤，幫錯咗人。」她說。
「咁我哋就更加唔需要你！你都幫唔到我哋！」一個敵方士兵說。「等陣先！我有一樣好勁嘅嘢可以畀你哋！你唔要我都得，至少攞咗佢先！」那個人好似想拿出一樣東西。
「唔好郁。」一個敵方士兵說。「係...係。」她再舉起雙手。
你決定插手，「幾十個男人蝦一個女人真係好咩？」你說。「你...你點解會喺度？格利得林大人呢？」一個士兵把劍指向你。「已。經。死。咗。」你說。「冇可能㗎！大人咁勁，點會輸畀你呢個豆靚？」另一個士兵說。「咁你點解釋佢唔喺到？」你對他說。
「可惡啊！！！」他朝你衝來，當你正想拔劍還擊時，「唔好殺佢住！」女性說。「係，唔好殺佢住。」士兵停下了腳步。她慢慢走過來，士兵回到原本的位置，「妳....妳係咩人？」在她向你走來，你慢慢退後，她比你矮上許多。
「唔使驚，你好快就會醒。」當你們的距離非常接近時，她好像把什麼東西刺在你的手上，你便暈倒了。
在你暈倒之前，你好像聽到些什麼。但實際上的內容你已經不知道。