你是一名在戰場上的無名士兵: 第5章
「T......」係乜嘢嚟？」你問雪倫。「我唔知，我淨係喺佢身上面搵到呢張嘢。」雪倫說。你翻到便條後面。
「十...........
聖.........
三........
若........
必........
二.......
祝......」
便條好像遺留了一大部份的內容，但是你也不知道「T」代表的是什麼。
「其實我......」你和雪倫同時說話。
「點解我哋成日都咁嘅？」雪倫一邊說一邊笑。
「可能係天注定。佢要畀我哋一啲嘢。」你說。
「呃......嘻嘻。」你看見雪倫臉紅了。
「不如我哋出去行下?」雪倫一邊擺着身子一邊說。
「好啊。」你回答。「咁我哋依家不如行啦！」雪倫拉着你走出旅店。
「我哋依家要去邊啊？」你問。「嗯......我諗下先......不如去嗰度啊！」你看雪倫指着一間雜貨店。
你和雪倫走到了雜貨店，你看到店內的物品應有盡有，你突然看見一張布朗斯帝國的徵兵清單。
「老闆啊，我想要呢樣嘢。」你拿出布朗斯帝國的徵兵名單。「後生仔，點解你要依樣嘢啊？」老闆說。「呢樣嘢好袐密㗎。」你又聽見老闆說。
這個時候你就很奇怪，為什麼這間店從來沒有被人掠奪過？這裏有那麼多的帝國袐密。「後生仔，如果你就係想要，你就跟我入嚟啦。」你看見老闆叫你入去儲物室。。
在你進入門前你看見雪倫仍然在選購物品。
「嗱，後生仔，唔係我怪你啊，但係呢樣嘢真係好危險㗎。」老闆說。「咁你又點攞返嚟？」你問老闆。
「唉，雖然上面叫我唔好講，但係如果你真係想要嘅，我就賣畀你囉。」「嗱，六十兩銀！你要就畀你喇。」
「老闆，我真係好想知道，呢份嘢你係點攞嚟㗎？」你問。
「唉，既然你咁想知，我就同你講啦。你知唔知加斯林帝國？」老闆說。「知！梗係知啦！點會唔知呢？」你回答。
「其實，呢間雜貨店係加斯林帝國開嘅。」老闆說。「加斯林帝國所做嘅嘢平時係從其他帝國手上攞一啲袐密情報，從而攞出嚟賣。」老闆說。
「乜L嘢話？你講多次？」你怒火衝天地對老闆說。「等陣先，我未講完。喺我地攞咗依啲情報之後，我哋會包裝一下，然後整成書。」老闆說。
「但係呢張嘢，我地都唔知點樣整做書，所以先特登收埋佢，點知你一眼就睇到。」老闆說。
「梗係啦，你本嘢咁厚，係人都睇到啦。」你在心中想。
「咁我又想問下，點解你間嘢未畀人搶過？」你問。
「哦~好簡單啫，依度方圓三百米都有我哋嘅人，一有人搶劫就會衝過嚟捉住，或者殺死打劫嘅人。」老闆說。
聽到這件事，你都不寒而慄。
「咁我想下除咗呢間嘢之外，仲有幾多間好似呢度咁嘅店？」你問。
「我哋喺三大帝國都有一間，具體其他店嘅位置我唔清楚，淨係知道喺大本營附近。」
「咁我又想問，點解你肯我講咁多嘢，又唔隊冧我？」你戰戰兢兢地問。
「哦~你講呢樣啊，尋日有一個男人同一個女人過嚟搵過我，話如果有一個着住士兵服嘅人同一個紅髮女人入嚟，無論發生咩事都唔好傷害佢地。」老闆說。
「我以為佢地過嚟疾我啫，點知佢地話如果傷害入嚟嘅嗰兩個人嘅話，佢哋就會燒咗間鋪佢。」
「跟住佢哋覺得都係無效果，就攞咗舊唔知乜嘢出嚟，跟住又有舊嘢喺嗰舊嘢彈出嚟，打中咗牆，就出現咗個大洞。」老闆說。
「我嗰陣就好驚，就話知道喇，跟住佢哋就走咗。我今日見到你都係同個紅髮女人入嚟，你又係着住士兵服，我就覺得係你喇，所以先同你講咁多嘢。」老闆說。
「所以呢，你買唔買？」
「好啦，我買。」你對老闆說。「好，既然你買，你依家嘅處境好危險，我會送隊護衞畀你。」老闆說。
「吓？有需要咩？」你對老闆說。「你依份嘢係極其危險，你返去嘅時候一定會畀人伏擊。」老闆說。「我係為你好㗎咋。」老闆說。
「好，好啊。多謝晒。」你對老闆說完這句話後便離開了房間。你馬上趕緊找回雪倫。「咦？我啱啱搵咗你好耐都搵唔到啊！」你看見雪倫一邊摸着頭髮一邊說。
「我哋快啲行啦，我已經買咗嘢喇。」雪倫說。「哇~唔......」你看見店員一邊指着你一邊說。
你一走出門，就看見十多個大漢圍着你。「你就係客人，係咪？」一個大漢說。「佢哋係咩人嚟㗎？」雪倫依靠着你說。「唔使擔心，佢哋係嚟保護我哋㗎。」你說。
為了振奮護衛的士氣「一齊努力啦！」你大聲說。「好！！」十幾個大漢一起大喊然後就掃興圍着你和雪倫。因為你們剛才太大聲，引起很多旁人的目光。
在出發之前還有些時間，「不如我哋去防具店買啲嘢防下身。」你說。「好啊。」雪倫說。「先生小姐，既然你哋想去防具店，我哋有間好嘢醒你哋！」一名守衞說。
你們去到守衞說的防具店，你看見店門很殘舊。「呢間嘢真係得㗎？」你問。「放心！呢度啲嘢好平！我知道你買咗嗰樣嘢之後冇晒錢，所以我哋先帶你去依度！」一名守衞說。
當你正要伸手去拿設計圖時，一個人突然衝出來搶走。「嗱......嗱......嗱......」那個人好像在警告你不要拿設計圖。
「呢張樣好緊要㗎！唔係任何人都可以睇，得我睇得。」你看了那個人一眼，發現她是一個女生。
「我想問下嗰張設計圖上面嘅係咩嚟？」你對那位女生說。「呃，依樣嘢好袐密㗎，唔睇得。」那個女生說。
「我係要睇啊。」你一手搶過設計圖。「等陣！」你看見那個女生拿着一枝很長的東西對着你。「喂！發生乜事，冷靜啲好唔好？」雪倫說。
「我放棄！」你很慌張地放下設計圖。你看那個女生放下了手上的那樣東西。「咁先係~」那個女生說。「咁客人你可以試下買其他嘢。」
「就要呢件鐵甲啦！」 你拿起鐵甲說。
「三兩銀啊唔該。」你看見那個女生說。
「你好，我想認識你。」你向那位女生指手。「做咩啫，偷睇完人啲嘢想搞人？」你不知道那個女生是在打趣還是忍不了自己。
「你叫咩名啊？」你問。「我叫海迪路絲啊。」那個女生說。
「我叫巴奇。」你說。「巴奇，好高興認識你！」海迪路絲說。「點啊，冇事做就去搞人啊？」雪倫走了過來。
「我想問下張設計圖上面嘅係乜嚟？」你問海迪路絲。「嗰樣嘢係袐密嚟㗎。」她說。「咁嗰樣嘢同妳啱啱攞出嚟嘅嗰舊長條有冇關係？」雪倫說。
「嗰個唔係長條嚟㗎！呢個係設計圖上面嘅原型，我整出嚟試下效果。」海迪路絲說。
「咁呢樣嘢叫咩名？」你問。「呢個叫火槍，係由遠東傳過嚟嘅火藥再加上鐵球做成嘅，暫時用木嚟做外形。」海迪路絲說。
「咁火槍嘅作用係咩？」雪倫問。「火槍係攞嚟射嘢㗎。佢嘅威力比弓箭強最少一千倍。」海迪路絲說。「你哋要唔要試下佢嘅威力？」海迪路絲問。
「我想試下。」你說 。「我都想試下。」雪倫說。
「你哋跟我嚟。」海迪路絲說。她帶你們到一個類似箭靶場的地下室，只是箭靶不是圓形，是人形板。
「你哋邊嗰想試先？」海迪路絲說。
「妳試下先。」你對雪倫說。「好啊。呢個點攞㗎？」雪倫問。「嗱，妳右手攞住後面，左手攞住前面，然後攞喺妳嘅右腹前面。」海迪路絲說。
雪倫弄了一會兒，然後說:「係咪咁樣？」「係啦，就係咁樣！如果你要開槍嘅話，你㩒下面嗰個制。」海迪路絲說。
「係咪呢個？「碰砰！」哇！」鐵球彎了射不中人，反而在射在牆上開了個大洞。
「咦？點解依個咁似雜貨店老闆講嘅嗰個大窿？」你在心中被驚醒。
雖然你心中有介懷，但是總覺得還未是時機。
「到我喇！」你說。你握着火槍，然後射了一發。
鐵球打中人形板時，人形板整個爆開了。你和雪倫都目瞪口呆。「咁大威力嘅？」你問。「打落真人度會唔會都爆開？」雪倫問。
「放心啦，打落真人度個人唔會爆開，啲腸啊，肺啊，飛晒出嚟咁姐。」海迪路絲說。
「槍你地就試完喇，你哋仲有冇乜嘢想做？」
「妳想唔想跟我哋一齊走？」你問。「嗯......好啊，我喺依度過咗幾個月，前排先有過人作反，我都想搵過一個可以畀我發揮好啲嘅地方。」海迪路絲說。
「真係㗎？太好喇~妳幾時攞埋啲嘢跟我哋一齊走？」雪倫問。「一個月。」海迪路絲說。
「咩話？一個月？」你和雪倫異口同聲地喊出來。
「係啊，依度有咁多嘢，梗係要多啲時間啦。」海迪路絲說。
「好，好啊。我哋會等你㗎。」雪倫問。「咁一個月後我哋會嚟搵妳！」你說。「好！一言為定！」海迪路絲說。
你們兩人離開了防具店，暮黃的半圓正照射着大地。
「不如我地食個晚餐先。」你對雪倫說。「咦，食晚餐啊，好啊，我哋又有好嘢推介畀大佬你食！」一名護衞說。「正啊，有好嘢食。」雪倫說。
護衞護送你們到一所高級餐廳。「你帶我哋嚟依度食？我冇錢喇！」你說。「唔緊要！既然大佬你畀得起錢，我哋今餐請你哋！」一個護衞說。
「哇~正啊，巴奇，你到底買咗啲乜先有咁好嘅服務？」雪倫說。
你們進了餐廳。「幾多位？」一名侍應問。「十九個！」一名護衞說。「哇~咁多人，嚟！我帶各位先生同小姐嚟依度！」侍應把你們帶到有二十人位的餐桌。
你望着餐牌，心想旅程一定非常長久，於是點了十數隻火雞。
「我最鍾意食火雞㗎喇！」你看見雪倫身體不停震動。
「原來你鍾意食火雞？」你問。
突然，護衛全部都把眼睛往你們看。
「唔使驚㗎大佬，繼續啦！」其中一個護衛說。
「其實，我咩雞都鍾意食，雞脾，雞翼，雞胸之類，不過我唔係幾鍾意食雞腳，啲皮唔係太好食。」雪倫坐直身子說。
「咁好啦，如果有機會，我之後再同妳食多次！」你答應雪倫。
「多謝！如果有機會，我之後想同你講多啲嘢。」雪倫雖然笑着，但你感覺到內裏的心事重重。
你們就這樣不斷叫單，吃了幾個小時。之後到了一間旅館，隨便租了一個雙人房。
---------------
「啊......我想問下呢，點解好似有啲唔同咁嘅？」一名女子說。「下？咩料啊？點解會咁嘅？真係喎！」一個男人說。
「會唔會係我哋上次返咗去，又做咗嘢，所以先會咁？」一名女子說。「仆街喇！好似真係咁！咁我哋要再試多次！」一名男子說。
----------------
在晚上，你決定找雪倫聊天。
你叩了雪倫的門，沒有人應門，你貼着門邊，聽到了雪倫在說夢話。
「唔好走......啊！」雪倫聽起來非常痛苦。
自從遇見雪倫的那一天，你不知道她的過去，也不知道她因何事而苦，只好希望有一天她可以向你傾訴。
你回到房間，睡了一覺。
在早上，你和雪倫走出旅館。你正想繼續走的時候，突然有一道白光閃出。你看見一個物體，那是馬車？沒有馬。那是船？在陸地上。
你看見在那個物體上走出了兩個人，一男一女。「做乜嘢？你唔可以咁衝動㗎！」你看見那個男人對那個女人說。「佢哋已經唔喺依度嘅人嚟㗎嘞，佢地一定要走！」那個女人說。
「喂喂喂！你地做乜嘢？無啦啦行過嚟又鬧交？」你說。「時間無多喇，我叫凱倫。佢叫奇諾，你哋要快啲跟我哋走！」凱倫說。「走？走去邊啊？」雪倫問。
「返去未來。」凱倫說。「未來？幾遠之後嘅未來？」你問。「大慨二千年之後啦。總之，你要快啲跟我哋走。」凱倫說。「凱倫！你冷靜啲先我哋已經破壞咗秩序，我哋要快啲走！」奇諾說。
「秩序？係喇！我哋可以留喺到順便做埋嘢㗎！」凱倫說。「又好似係。」奇諾說。
「吓？你哋要跟我哋行？」你說。
「唔得。都係太早。」你看見奇諾把凱倫拉到那個物體上。「再見喇！我哋應該會再見面嘅。」凱倫說完就和那個物體一起飛走，消失了。
「乜嘢怪人嚟？又識飛，話要帶我哋走又鬧交...」雪倫把手放在頭上。
經歷了一個混亂的早上，你決定和雪倫回到旅館休息一下。
進房後不久，你覺得沒事做，決定找雪倫談談心事。
「雪倫，係咁嘅，我想問，你係咪有啲嘢想同我講？」你有點緊張地問。
「吓？」雪倫非常驚訝。