你是一名在戰場上的無名士兵: Q&A (1)

(請閱讀至《羅傑斯番外(1)》再閱讀)

Q1.其實你原本心入面想發展嘅故事係點 (原文為選擇故，所以電劇情走向和我想像中有差別)

A1:我已經有晒鋪排，同埋有兩條故事線
1.正常嘅戰爭 2.戰爭背後嘅真相
而紙言版我會跟住連登版嘅大體方向走

Q2.故事大約有幾多章?





A2.三十幾加番外，甚至更多。

Q3.除咗雪倫仲有無其他女角？巴奇會唔會同女角產生關係？

A3.有，會。

Q4. 雪倫知唔知自己殺過主角?（偷入屋件事）

呢樣係故事最後秘密同重點。
其實無人知道主角死過，連主角自己都唔知。




主角淨係話「我看見自己在一間房間被一個紅髮女人活生生打死。」
佢唔知係雪倫。都冇人（包括主角自己）知道主角死過。

Q4.2 會唔會係主角玩緊VR遊戲or軍事訓練（或像真度更高的遊戲）

A4.2 唔知呢

Q5.寫實風咁係咪無魔法、錬金術、外星人等等?

A5.呢層我唔可以肯定地講。我可以講嘅係故事重點同其中一樣有小小關係。





Q6.主角可以無限復活?

A6.故事袐密，唔講得，不過我都可以講少少相關嘅嘢，當主角死過一次，其實佢已經唔係原本嘅故事入面，因為佢知道自己好似「見到一道白光，但係又唔記得之前發生乜事」，又可能故事線得一條，呢個係佢自己嘅故事線，同其他人已經唔同，或者死得多就接近真相得多，又或者死得多就真係會死。

Q7.四國關係如何？
你身處嘅帝國 (非正名)正在同布朗斯帝國開戰，基於在故事開始前一個月雙方介入愛利文帝國嘅內亂嘅時候產生衝突。於是兩個帝國向對方宣戰。因為愛利文帝國對兩個關係良好，而且經過動亂需要調整國情，所以對外宣稱不會介入戰爭。

而加斯林帝國係比較特殊嘅存在。佢並無任何外交意識，而且都冇開放對外貿易，所以其他人唔知佢內裏情況。其他三國冇乜事都唔會搞佢。

Q8.角色人設係？
遲啲會整一篇詳細嘅人物介紹，因為有好多重要人物都未出嚟。

最後，希望讀者可以回應，方便我改善不足之處。