女神老細係我女朋友: 第八十一章
———————————
張志明
「先生你究竟去邊架？」司機等到有啲不耐煩
「un.......呀，去.......」我諗起第一次景霖嬲果陣，景霖有冇機會係果到呢
「就呢到停啦，唔洗找」我比完錢之後直接衝出車門，跑！
當我跑過去果個公園，遠距離望到好一個好似景霖既身影，我加快腳步想快啲睇清楚係咪我要搵既人，真係景霖呀！
「景霖！」我用力攬住景霖，我怕佢會再離開我，但景霖並冇攬返我
「妳去咗邊呀？點解打比妳又唔聽」我單腳跪係地下，抬高頭望住景霖，語氣有少少怪責佢
「我想自己一個靜下」景霖冇回答我既問題，只係冷淡咁講
「發生咗咩事呀？唔係講咗有咩事都一齊面對咩？」我刻意唔講同Sandy嘅事
「咁你點解要呃我呀？」景霖握實拳頭，語氣變得有小小激動
「你仲要同人上埋酒店呀！你叫我點面對你呀！」景霖站左起身，擰轉身走
「唔係呀，你聽我解釋啦」我捉住景霖
「我唔聽呀！我唔聽呀！」景霖擺脫我繼續向前走
「景霖呀！景霖呀！」我追上去，唔可以再俾佢係我身邊走咗
走到景霖面前攬實佢
「你放開我呀！你放開我呀！」景霖不斷推開我
「黃景霖！你同我聽住呀！」景霖比我咁大聲講野嚇親，呆咁望住我
「因為Sandy幫咗我哋好多野，所以我先請佢食飯」
「仲有佢而家住酒店，佢飲醉咗咁我唯有送佢佢返去，冇理由要佢一個女仔返去」
「好呀！我就當係真嘅.....咁你點解要....呃我...呀」景霖開始流眼淚，情緒並冇冷靜落嚟
「我唔想妳誤.....」景霖聽都唔聽，直接走咗
我追上去，離遠見到有架電單車高速行駛，唔好呀！景霖！我撲上去攬低景霖，架電單車係我面前片過，我深呼氣，好頭暈
「呀明！呀明！你點呀？」景霖拍我塊臉
「景霖....妳聽我講啦，我唔係.....有心架」我神智唔太清醒
「我知啦，我知啦」景霖貼近我
「咁妳...係咪原諒我啦」
「邊有咁易呀！」景霖扶起我
「un.....我諗到啦」我好心急因為真係想氹返景霖
「跟我來」我拖住景霖隻手，今次佢終於冇抗拒
我帶景霖去糖水舖
「兩碗西米露呀！唔該」我坐低大叫
「係，好快」
「你又會帶我黎呢度嘅」景霖好似開心番小小
「咁妳之前唔開心都係帶你黎呢到」
「兩碗西米露到」
我同景霖都低頭各自食自己嘅西米露
「景霖？對唔住呀，我唔應該滿住妳架」我終於打破咗死氣沉沉嘅氣氛
「哼！」景霖繼續食西米露
「我唔想妳因為Sandy而呷醋，所以冇同你講」我細細聲講
「乜我咁容易呷醋㗎咩」景霖扮嬲質問我
「唔容易呀，不過上次有人用返屋企餵貓嘅藉口走咗咋嘛」我都順着個勢
「你講咩呀死人頭，快啲食啦」
「妳都食啦，呀！」我遞到景霖面前，雖然我同佢都係食西米露，但係情趣嘅嘢
「嗯！」
「食多啲啦，食肥咗你就係我架啦」我調戲景霖
「邊有咁易」景霖繼續食
食完糖水我地慢慢咁行返去，我拖景霖得更加緊，因為我知道我只會越嚟越愛佢，唔想失去佢