女神老細係我女朋友: 第八十章
我開始有啲不知所措，攞起手機不停打比景霖
「你所打嘅電話號碼暫時未能接通」打咗好多次景霖都冇聽電話
景霖妳究竟去左邊呀！唔好嚇我呀
「唔好意思呀，請問你地有冇見過大概好似係我膊頭咁高嘅女仔，黑色長直髮」我個心亂到唔知點算，心急到開始周圍問人
「冇喎」
「見唔到」
問咗好多個路人，個個都係答同樣既答案
我嘗試令自己冷靜落嚟，諗諗景霖可以去得邊呢？公司？佢自己屋企？
「的士」我伸手出馬路截的士，決定返公司睇下
返公司我跑去景霖間房，房裏面都係漆黑一片，枱上文件依然係堆積如山，但係都係未見景霖蹤影
「的士」我落返去公司樓下，伸手出馬路截的士
去到景霖屋企
「咚！咚！景霖係咪到呀？」我大力拍門
大門慢慢打開，我有一絲期待道門一開會見到景霖
「張志明！你黎做咩？仲咁嘈」伯母好冷淡咁問
「伯母！請問景霖有冇返過黎呀？」我冇答到佢既問題，而係直接問佢野
「你又對我個女做咩黎呀！佢冇返過黎！」伯母好激動咁問返我問題
「sorry呀伯母，我遲啲再同妳解釋啦」我冇理到身後仲追問緊我既伯母，轉身離開，我要快啲搵返景霖
景霖？妳究竟去咗邊，妳會去既地方我都搵曬啦！黃景霖呀，你唔好嚇我啦，妳比機會我解釋下啦
「的士」我第三次伸手截的士，我已經唔知應該同司機講我要去邊
——————————————————
黃景霖
沖完涼返上床，唔知呀明幾點番呢，好掛住佢呀，雖然佢叫我早啲休息，但冇佢係隔離，完全訓唔著呀
咦！有開門聲，應該係呀明。我慢慢打開門，費事嘈醒呀媽
「呀明，你返黎啦」我靜靜走到佢背後，幫佢除咗西裝褸，佢都應該好攰啦
當我行近佢果陣，佢身上有一陣香味。點解有其他香水味嘅？我再聞一聞佢件外套，陣味咁甜，應該係女人用既香水，正當我想問下呀明
咩事既時候
「係呀，好攰呀，我沖涼先啦」呀明錫左我一啖就去咗沖涼
我諗住坐係廳等佢沖完涼，咁就可以一出黎攬實呀明，佢為咗我頻頻撲撲都好攰啦，突然
「噹 ！」呀明部手機發出WhatsApp通知鈴聲
咁夜邊個搵呀明呀？我攞起佢部手機，禁左入去
「志明今晚多謝你陪我食飯，仲有陪我返酒店」
我唔敢相信，之前呀明話去傾野，原來係同Sandy飯，仲去酒店？究竟發生咩事呀？我合埋眼，深呼吸令自己冷靜少少，開始猜測究竟發生咩事
點解呀明要暪住我同Sandy食飯，點解佢要呃住我，佢唔可以同我講聲咩？佢同Sandy究竟係咩事呀？我越諗越唔對路，個腦好亂
仲有呀明陪Sandy返酒店?.......呢個又係咩事......呀明一返到黎就話好攰...佢地係酒店一齊做過咩？難道佢地上左床，所以呀明先會咁攰。我愈諗愈亂，眼淚越黎越多，我望住手機螢幕，視野變得蒙糊，已經睇唔清果段對話
我唔想見到沖完涼出黎既呀明呀，我面對唔到佢呀！我要一個人靜下，我攞起電話同銀包就跑咗去
「的士」我伸手出馬路截的士
「去邊呀小姐」
「XXXXXXX」
到左之後，我搵咗張長凳坐低，個腦又諗起果答段wts對話：［........仲有陪我返酒店」，究竟發生咗咩事，我個電話一直響，但我唔想拎起聽，我唔想聽到佢把聲，我想靜一靜呀
「噹」我望一望
「景霖，你去咗邊呀？啱啱張志明話你唔知去咗邊」原來係媽咪
我想同媽咪講，但係我唔想比媽咪知道，我好似又比人呃.....仲要呃埋第一次
我望住地下，呀明又打電話過黎，都係唔聽，想靜下