女神老細係我女朋友: 第七十八章

我返到公司已經快7點，諗住入去景霖間房

「老細！」嗯？冇人應

於是我細細力開門入去，見到景霖係張枱度訓咗覺

「景霖？眼訓返去訓啦，唔好等我啦」我走到景霖旁邊，雙手搭着佢膊頭幫佢按摩下，然後係佢耳邊細細聲講

「嗯？呀明」景霖醒咗，揉揉雙眼半訓半醒咗同我講





最後決定送景霖返屋企先， 於是我陪佢到樓下，送佢上全叔架車，我再返上公司，將CCTV條片睇完再睇

「咕～～～～～ 」個肚已經餓到打鼓， 望望手錶已經夜晚九點，公司得返我一個，又孤獨又好肚餓呀！！唉，如果景霖係到就好啦，我地就可以一齊食飯

「外賣到」突然公司門口傳黎景霖既聲音

望過去，見到景霖手上仲拎住外賣，慢慢行緊過黎

「景霖，點解你返咗黎既」我再捽一捽眼睛





「有咩點解喎，陪下自己男朋友都唔得呀？」

「得得得，妳真係抵錫！」我行過去接過佢手上外賣，然後大大力錫佢咀仔，再攬到實一實

「好啦咪咁百厭啦，食飯先啦」景霖都聽到我個肚都發出咗聲音

「嗯！」

食完飯之後，景霖同我一齊係到loop帶





「唉，睇咗成日好攰呀，都冇乜發現既，趁而家公司冇人，不如我地搵啲嘢玩下囉？」我奸笑咁對住景霖

「玩你個死人頭呀！睇帶啦，如果睇漏咗細節就大鑊啦」景霖扮要摙死我

「死啦，死啦！」我都配合佢，將個頭係咁fing

過咗一陣，當我同景霖都差唔多睇晒啲帶

「咦？呢個女仔咁生面口既？係唔係我地公司啲人嚟㗎？」景霖有所發現

「咩呀？你loop多次俾我睇下」我都突然提起勁

「下，竟然係佢」我驚訝地發現

「邊個嚟㗎你識佢呀？」





「我知道係邊個，但唔係好熟，因為細強曾經問佢攞過電話所以我比較有印象」

「咁依家應該點算呀？」

「我地而家先copy咗呢一部份既帶先，然之後景霖你通知大家聽日要開一個緊急會議啦」

「嗯，我知道了」

第二日會議室

「大家到齊啦嘛！，交比你張志明」

「好！我諗大家對前幾日商場件事都有啲印象，我睇返閉路電視有所發現」





於是我馬上將嗰部份播出嚟

「咦？咁似May既」同事A講

「係喎」同事B和應

大家都開始搵緊May係邊

我見到佢坐咗係角落頭

「May！妳仲有咩好解釋」我指住角落頭

「哈！哈！仲有咩好解釋姐，都俾你影到曬啦」

「依家公司炒妳呀，妳執埋個人個物品快啲走！」景霖沖口而出





當刻成個會議都靜晒，景霖深呼吸幾下，整理自已既情緒

「嚟緊我哋會再做一次推廣，大家全力配合張志明，我地時間無多啦」景霖努力用返平時既語氣講野

「好」眾同事都和議