女神老細係我女朋友: 第七十七章

正當我同景霖離開商場既時候，美食廣場嗰邊有成班人圍住

「發生咗咩事呀我地嗱嗱聲過去睇下先」講完之後拉住景霖跑咗過去

黎到之後發現成地都係曱甴同老鼠

「呀！！！」景霖見到之後失驚咁嗌咗出嚟

呢個時候我吩咐商場經理即刻攞圍欄封住現場，同埋即刻打電話比滅蟲公司，等到滅蟲職員到咗之後，件事總算暫時處理好咗





返到屋企之後，我同景霖都為咗今日既事而擔憂

「點算啊阿明，本來我地都就黎達成目標但係今日件事...」景霖好擔心咁望住我講

「放心啦件事我會處理㗎啦，信我啦，我地一定可以係埋一齊，你沖完涼就訓先啦」我摸住景霖個頭安慰佢

「先？唔得呀！要一齊訓，冇你我訓唔著，hehe」景霖成個細路女咁撒嬌

等到景霖訓咗之後，我拎起手機打開WhatsApp





「Sandy救命呀！你聽日得唔得閒？」

「又黎呀」

「幫幫手啦，唔該妳啦」

「但係商場人流已經唔係搞掂咗啦咩？」

「係呀....但係今日商場有野衰咗呀.....」





果然商場有曱甴同老鼠呢件事比人拍咗片，攞咗上網，而Vui tv都暫時唔採訪我地個商場
—————————————————————

半夜，半島酒店

「喂？」Edward問

「老細我搞掂咗啦，有啲咩獎勵先？」

「我係網上睇到啦做得好啊！仲唔嗱嗱聲上黎總統套房搵我，有條法蘭克福腸俾你食呀」

「好衰架老細，我依家過黎呀」

「快啲啦，我條腸唔等得架」





「知啦」

哈哈哈................

過幾日，我約左Sandy晏晝係商場coffee shop

途中我跑去coffee shop見到商場十分冷清，一入到咖啡店我直接坐低

「Sandy，妳......」我見到Sandy好大個黑眼圈，已經唔知講咩好

「黑眼圈呀嘛，知道啦，我已經幫你諗好咗解決辦法啦！」Sandy好有信心咁安撫我

「唉，臨完成目標先黎搞單咁既嘢，我都唔知點算，真係麻煩妳啦」

「唔洗驚，首先我地先將商場做大清潔先，然後再仔細睇下係咩位出咗問題，將整個處理問題過程公開，最後再搞多埸明星function提升返市民既信心，我諗可以係剩低既時間完成Target」Sandy好仔細咁講





「咁我有咩可以幫到手？」我都有啲唔好意思

「請我食返餐飯囉」Sandy笑住咁講

「um...都可以，咁...仲有冇其他幫手呀」Sandy盡曬力幫我，冇理由請食餐飯都拒絕，唯有無奈應承咗佢

「咁係㗎啦，我諗志明你可以幫商埸做清潔既同時，睇埋琴日商埸既閉路電視搵返個問題出黎」

「好，咁我即刻去做」

「記得，問題一定要盡快搵出黎，如果唔係既話我呢個PR做幾多嘢都冇用」Sandy再三叮囑我

「嗯，我知道了」





「好啦，我都要走了，有咩事whatsapp聯絡啦」

「好，我送妳」

送完Sandy走之後，我就去保安房攞曬琴日既帶返公司loop帶