女神老細係我女朋友: 第六十八章

我同景霖一齊攞起手機

「我地搞掂咗東南亞餐廳啦，佢地應承咗呀」細強send左係公司group

「景霖，我地成功咗啦，我哋仲爭國際品牌進駐咋」我好激動咁攬住景霖

「好彩有你咋阿明.....如果唔係.....我都唔知點面對發生緊嘅事」眼濕濕對住我講

「唔好喊啦，第時結婚先喊」我用手抹去佢面上既眼淚





就算係喊緊既景霖都係咁靚

「咁今晚有冇獎～勵～呀」係景林耳邊度講

「但係媽咪可能係屋企喎」對住我疑惑咁講

「但番我屋企的話 ，我呀媽一定係到喎」我有啲失望咁講

景霖「好啦 咁你打比全叔黎接我地啦」





「喂，全叔，我地係旺角，我地要車番屋企呀」我打電話比全叔

全叔果然9秒9飛車黎到

「老闆！ 明仔！ 呢排點呀？好似好耐冇見啦」 全叔見我同景霖一上車就問

我一五一十咁話比全叔

「明仔！加油呀，我對你好有信心，由我第一眼見到你，已經覺得你可以比到幸福比老闆」全叔平時嬉皮笑臉 呢一刻十分認真





「我知道啦，全叔，我一定全力以赴」 我都用番好堅定既眼神望住全叔

景霖全程都冇出聲，只係十指緊扣得仲緊同慢慢咁挨住我膊頭，不知不覺間訓左，而我都真係太攰都訓埋一份

終於到景霖屋企樓下

「明仔，起身啦，到左啦，上到去先再訓啦，不過上到去真係訓至好喎，唔好做其他野呀」 全叔係我耳邊笑住口講

我醒左，我發覺我濕左.....

係我個膊頭濕左呀！

原來景霖訓到流晒口水

「景霖？景霖？ 」 景霖完全冇反應





我慢慢係景霖手袋入面搵鎖匙，搵到之後，一手公主抱起景霖就同全叔bye bye，然後就往景霖屋企方向去

一番到去景霖屋企，一個人都冇，我慢慢放低景霖係床上，之後好細力咁閂埋道門，就走咗去廚房飲啖水，一見到海量咁多既杯麵，我抖左一啖大氣

為左唔洗咁頹廢，我決定今晚親自下廚
果然有錢人住既地方係唔會有百佳同惠康呢啲平價嘅超級市場，只有TASTE同Food le Parc，但係都冇計，為左景霖，洗多啲錢都要，正當我煩惱緊今晚煮乜好，突然靈機一觸，可以YouTube睇下啲廚神係屋企教人煮咩餸，於是我跟住條片買晒所有嘅材料就番去

番到去，我開左房門小小，透過果小小罅去望下景霖，睡姿同之前一樣，我費事叫醒佢，反正有得食果陣再叫佢都未遲

於是我去廚房一邊睇廚神教學片一邊跟住煮

過左一陣，突然？！ 有個人係我背後攬住我 原來係景霖，應該係我睇教學片，睇得太入神，冇留意佢出左黎

「煮緊咩呀張生，好香呀 」景霖成個細佬女咁樣問





「轉頭你咪知囉張太，好快有得食，你快啲去換衫啦 」我一邊煮一邊講

「好呀」景霖講完之後就番咗房

當一切都搞掂好哂，我係餐枱等景霖出黎就食得，同時諗緊景霖著住小背心同熱褲，口水都流埋

景霖房門慢慢打開，竟然唔係小背心同熱褲，
景霖今次穿左深藍色連身裙，裙長啱啱係膝頭哥上，入面着住黑絲，慢慢咁走出門口

我呆左咁望住景霖，心諗好正......

「呀明，做咩呀？！ 係咪唔好睇呀，我換個第二套」景霖諗住回頭番房

「唔係呀，好好睇呀，都係第一次見你著黑絲」我有啲怕羞咁講





景霖走到餐枱坐低

「嘩！係Fillet of Beef wellington 同Grilled Lobster with Bloody Mary Linguine ，咁我哋食野囉，好似好好食咁」講完呢句景霖隨即攞起刀叉

「好 」我都攞起刀叉