女神老細係我女朋友: 第六十七章

～7點～

「起身啦～尷尬囉～再唔起身就....」

鬧鐘準時響起，我申手去禁熄佢

景霖背向我，一啲動靜都冇，我慢慢咁走咗出廳

餐枱上有兩個嵌住蓋既碗，兩條油炸鬼，一張紙條





「呀仔，粥同油炸鬼留比你同景～霖」紙條上寫住

呀媽你洗唔洗咁偏心呀，我去廁所刷牙洗面之後番上床

「張太，夠鐘起身食早餐啦」我好溫柔咁樣講

「嗯？做咩呀張生」景霖一邊抹大隻眼一邊同我講

「起身啦！」我一手抱起景霖





隻手隱約掂到景霖個胸，好軟

「快啲刷牙洗面出黎食早餐啦」我入到廁所放低景霖

「咦，呀媽同呀.....爸去咗飲茶啦」景霖出黎坐低咗尷尷尬尬咁問

「係呀！ 呀！」我將粥吹冷之後遞到景霖面前

「嗯，hehe！呀！」景霖咁食完之後都將油炸鬼遞到我面前





我一啖佢一啖，好快咁就食完早餐，而我等景霖化好妝同換埋衫，就拖住佢出門

無幾耐就到咗漢堡包店

「咦，你地黎啦」黃伯有啲驚訝咁問

「係呀，話咗黎架嘛」我答

「咁你地整好叫我啦」黃伯講完就轉身離開

入到廚房之後，我同景霖開始準備工作

「景霖呀，你一陣好似尋晚咁，係隔離提點我啲細節位」我對景霖講

「好呀，呀明，包係我身上」景霖好有信心咁講





「咁我地開始啦」

整包既過程比黃伯係廚房門口見到

「唔係咁呀.....呀明......係咁......同咁....」景霖係隔離提點我

「係.....知道啦......係咪咁呀」

整完個包之後，景霖同我就將個包攞左出去比黃伯試

「點呀黃伯？」我十分期待咁問

「嗯，個包都唔錯但都係整唔返我老婆當年果種味道，所以......」邊食邊講





景霖聽住黃伯講野，手握緊拳頭，令自己保持冷靜

「黃伯，你幫幫我地啦，我地....」景霖哽著咽講

我一手攬住景霖條腰，佢個頭貼近我心口，隱約感受得到景霖啲眼淚，已經整濕左我件衫

「呀明....係唔係我問題呀？ 我連菜都唔識洗，對唔住」流住淚咁講

而黃伯見到呢個情景

「小姐 ，你唔洗喊得咁淒涼？」黃伯被景霖既反應嚇一嚇，好疑惑咁問

「黃伯我地除咗想救番間公司，其實...仲想得到佢媽咪既認同，你唔明.....」我邊答黃伯邊摸住景霖果頭去安慰佢

「唔明？哈哈」黃伯似笑非笑咁樣回，當年佢都一樣經歷過，





之後黃伯轉身離開廚房

景霖鬆開我既懷抱，追左出去，而我亦跟住係佢地後面

「黃伯！俾多次機會我地啦」景霖好激動咁講

瞬間鋪面既客人都紛紛注視我地

「唔明你講咩喎，我好忙架，我仲要寫紅紙通知我啲熟客搬去你地個商場到」黃伯休閒地一路講一路走出門口

「下？ 」景霖好愕然咁講

「下咩呀，黃伯！我地黎幫你準備」我好激動咁拖住景霖隻手追住黃伯出去





之後黃伯同我地分享咗佢同佢老婆既事

原來我同景霖整漢堡包既情景，仲有想得到外母既認同，感動咗黃伯

我地好感激地多謝黃伯，轉身就離開啦

「噹 ！」我同景霖部手機一齊發出WhatsApp通知鈴聲