女神老細係我女朋友: 第三十四章

經過咗個中同聚會都已經差唔多三個禮拜，我同景霖關係都變得更加深厚，我都帶多咗幾次景霖翻屋企食飯。


今日阿媽又話煮咗好餸叫我叫景霖上嚟食飯，景霖一口就答應咗。


其實我都知阿媽主要係想見下景霖，識咗一個月到，唔知點解兩個年紀相差咁遠嘅可以咁好傾，景霖講嘢成個細路女咁，阿媽又出奇地配合到，有時搞到我都插唔到嘴。


放工後我一樣拜托全叔車我地翻去，我哋一出𨋢未行到屋企門口，阿媽已經開定門俾我哋。






「伯母打攪晒。」景霖一路除鞋一路同阿媽打招呼。


「叫咩伯母啊，以後叫阿媽。」阿媽真係當正景霖係我未來老婆咁，雖然我都係。



「有咩咁好餸啊。」我行入廚房睇吓，有肉有海鮮又有菜，真係樣樣都齊，平時都冇咁好餸，睇嚟阿媽真係好錫景霖。







「衰仔咪偷食啊，我特登煮俾景霖食㗎，快啲出去招呼人。」阿媽入嚟廚房趕走我。



「哇你就有口福啦，阿媽煮咗好多野你食，平時我都冇咁多。」我坐低係景霖隔離攬住佢講。







「咩喎，你冇份食咩。」景霖挨近我，對波又壓咗落嚟，搞到小志明都忍唔住有啲反應。



「食得飯啦。」



「我嚟幫你啊阿媽。」景霖係到食咗咁多次飯，已經會主動幫阿媽拎餸。



「衰仔過嚟幫手啦，係咪男人嚟㗎。」阿媽係廚房行出嚟講。







「係囉張志明~」景霖仲要附和阿媽，搞到我好無奈咁望住佢地笑，因為佢地已經鋪好晒張枱，擺好啲飯餸。



食完飯後都9點幾，成餐飯又係差唔多得佢哋兩個係度講。



「夜啦，我叫全叔送你翻去啦。」我睇一睇鐘同景霖講。



「阿仔啊，送埋景霖翻屋企啦今次，成日都送人上車就走，仲有唔洗咁早翻㗎喎，今晚唔翻都得㗎，聽日星期日，陪多景霖一陣嗎。」阿媽係我地臨出門口前同我講，仲同我單咗下眼，我同景霖都唔知俾咩反應佢。







「係嘅係嘅。」我一路閂門一路應阿媽。



「咦明仔，你今日去景霖到咩？」全叔一見我上車就問我。



「係啊。。。」我有啲唔好意思答全叔，景霖都有啲怕醜。







「哦~~~」都唔知全叔係咪識得阿媽夾埋。



不過我又冇乜所謂嘅，可以係景霖到過夜，咪又可以咩囉，哈哈，何樂而不為呢。



「不如我地沖涼先囉~伯母都叫你今晚....唔，洗，翻，去。」 上到景霖屋企，景霖又叫我同佢沖涼先，我二話不說即刻入房攞衫沖入廁所，小志明都準備出動。