女神老細係我女朋友: 第二十六章

翻到公司樓下，我同景霖前後腳咁翻上公司。其實同景霖拍咗拖一個月，公司入面冇人知道我同公司老闆係情侶關係，廢事其他人講我哋是非之類。


「早晨細強。」我例牌咁同細強打咗聲招呼。


「早晨阿明。嘩，好小見你著e套衫㗎喎，著到咁靚仔，今日咩日子啊，係咪約咗囡囡先？」細強咬到塊多士，眺眺眼眉，奸笑住咁問我。


「約邊個都唔關你事啦，因住俾塊包哽死你條白癡仔啊。」我一腳踢開細張櫈之後坐低，我睄咗睄後面塊玻璃望到景霖。




我微笑住咁望景霖，景霖都透過玻璃報以微笑咁望住。


今日翻工都有啲忙，所以做咗陣野就好快到Lunch，雖然e個月嚟好想同景霖食飯，但係為免公司嘅人睇到，我地都係分開食。


食飯嗰陣景霖what’s app我




景霖:今晚我卜咗枱食放題啊，你記住唔好約人啊

我:知道啦，你都唔好咁搏啊，成日卦住做嘢唔食飯

景霖:我係勤力啊，似你咩，成日一放lunch就一秒都唔放放過沖出去

我:係啦，你最勤力，一陣放工係全叔車到等啦

景霖:好我一陣間叫全叔早啲到




食完飯，話咁快就放工，為咗早過景霖走，我一早做好晒手頭上嘅嘢落去等全叔。


「全叔。」等咗冇幾耐，全叔就到咗，我一上車就同全叔打咗聲招呼。


「喂明仔。送俾你嘅。」全叔講完之後拋咗盒野俾我。


我接過一睇，係盒condom。


「全叔......你咩意思？」我有啲驚訝。




「袋住啦，全叔特登買俾你扎袋㗎，如果唔係今晚同景霖搞出人命叫你點收科啊。」


講完之後我見到景霖都係大堂到行梗出嚟，我即刻收盒condom落袋。


「全叔你唔好咁張揚啦，周圍掉啲咁嘅嘢！」


「張揚啲咩啊？」景霖一上車就問。


「冇.....冇啊，我叫全叔佢唔好咁大聲講我地拍拖嘅事咋嗎，係咪啊全叔？」




「唔知呢~~~車你地去食飯lu~~~」全叔hea應咗我一句就開車。


食完飯之後全叔因為要去陪屋企人食飯，所以嚟唔到接我地，所以我要同景霖要搭的士送佢翻去。


「好飽啊，個肚頂住晒，你飽唔飽啊？」我係𨋢到摸住個肚問景霖。


「你梗係飽啦，一坐低就叫咗咁多碟野，我都冇得唔飽。」


「一陣翻屋企嗰陣真係要慢慢行消化下。」





「你一陣走啦？」景霖好似有啲低落咁問我。



「係啊做咩啊？」


「我想你........留一晚.....陪我。」景霖好怕醜咁樣細細聲講。


「留一晚？」我唔知點解突然諗起全叔俾我盒野。。。不禁有啲面紅。