女神老細係我女朋友: 第二十五章

「早晨啊全叔，麻煩晒。」我上車同全叔打招呼，扣好安全帶。


「早晨啊明仔。唔麻煩，咪講啲咁嘅嘢。」全叔見我上車之後發動引擎。


做咩我會晨早流流同全叔講早晨？因為今日我想俾老細，啊唔係，係景霖，我女朋友一個驚喜，今日係我同景霖拍拖一個月紀念日，所以特登叫全叔早啲嚟我屋企樓下到車我去景霖到，諗住俾個驚喜景霖，上去接佢翻工，所以叫全叔今朝過嚟車一車我。


唔經唔覺都已經一個月，我同景霖一齊到仲好似發梗夢咁，雖然我地一齊前相識唔係好耐，但係我對我地嘅感情好認真㗎，我相信景霖佢都係，因為佢對我真係好好。






「哇，你唔講我都唔知你同景霖一齊咗一個月喎，時間過得真係快。」全叔一路揸車一路同我講。


「係啊全叔，我自己都唔覺，哈哈。而家感覺就好似尋日先識景霖佢咁。」


我同全叔傾下傾下，話咁快就嚟到景霖屋企樓下。






「早晨啊英伯。」我同樓下幫我開門嘅看更打咗聲招，就行過去等𨋢。


「早晨啊張生，今日咁早嚟搵黃小姐啊。」英伯翻入去，隔住張保安枱應我。


「係啊，今日特登嚟接佢翻工啊嗎，好啦再講。」我講完就入咗𨋢，眨吓眼就到咗16樓。






我行到景霖屋企門口，攞出鎖匙輕輕力咁扭開門鎖，驚噪醒景霖。


入到屋我除低對鞋，細細步咁慢慢行入景霖間房，入到房，景霖仲瞓緊，我慢慢接近景霖張床，個頭緩緩靠近景霖。


景霖佢瞓覺個樣真係幾時睇都咁靚，佢平時論論盡盡咁，真係唯有瞓覺嗰陣個睡相係匹配佢個樣，雖然有啲流口水。


「起身啦，老·闆。」 我笑住輕輕咁係景霖額頭錫咗啖佢。


「mmmmm.......阿.....明？」景霖緩緩擘大對眼，伸咗個小懶腰。






「係啊，早晨啊，景霖。」我dup低頭咁同景霖講。


「你做咩咁早嚟嘅？」景霖慢慢坐直個身。


「今日咩日子啊，你記下？」


「今日..........啊，係我地一齊一個月啊。」


「係啊，所以我咪特登叫全叔早啲車我嚟叫你起身囉。」






「HEHE，多謝你。」景霖開心得似個細路女咁攬住我，瞬間成個人醒晒咁。


「好啦，快啲起身換衫啦，全叔係樓下等梗我地架。」我雙手輕輕捉住景霖塊面，錫咗佢一啖塊面講。


「好啦咁，你出去客廳等我。」


幾分鐘後，景霖就換好衫，出咗廳，我都著好鞋起身係門口等佢出門口。


景霖今日著咗件白色V領上衫，加條吊腳褲。上衫個位置同size啱啱好露咗小小條波罅出嚟，加上佢對兩寸到嘅高踭鞋，性感得嚟又似十足女老闆嘅形象。






「行得啦。」景霖著好鞋過嚟橋住我隻手，我完全感覺到景霖對波壓落我隻手到，個感覺真係好正。


「mmmm....好香喎你。」我靠近景霖索咗兩啖，我又聞到佢嗰沉熟悉玫瑰香水味。


「梗係啦。」景霖有啲自豪咁講，e刻嘅佢成個俾阿媽讚完嘅細路女咁。


「知你勁啦。好啦行啦。」