女神老細係我女朋友: 第二十二章
之前由我屋企去到老細屋企要十零分鐘，但係今次全叔踩行油，唔洗10分鐘就到咗，我就好似阿木咁捉實加車，差在未叫爸爸，而全叔就成個周董咁。
但係e個時候我唔係在意全叔開車開幾快，我成個腦都係一陣見到老細要講啲咩同佢道歉。
「到啦明仔，今次氹唔氹得掂景霖睇你啦，全叔係到等你好消息！」全叔將架車停到老細大堂樓下，點起一支煙。
「唔該明叔！」我野都未講完就解開安全帶落車，奔往老細屋企大堂。
『老細。。。景霖！』
———————————————————————
番外•黃景霖
一日前
「阿Sam，張志明佢份proposal做得唔錯啊，有個咁做到嘢嘅新仔，好好照住佢。」我將志明做完份proposal嘅copy寫咗幾句評語然後交俾PM阿head阿Sam
『雖然嗰晚志明都好似冇乜精神同個客present，但係佢都叫勤力啊，加上我對佢......』
「係啊老闆，我都覺得條新仔幾做得野，自己一個做咗大半份咁濟。我一陣就攞出去俾佢睇。咁冇咩事，我出翻去做嘢先啦」阿Sam打斷咗我思考。
「......下次咪帶我去見咩客。」我打開門諗住叫志明入嚟同問佢今個禮拜六得唔閒同我食個飯趁機多謝佢，但係一開門就聽到佢咁講。。。。
志明一擰轉頭望到我就即刻擰翻轉面做嘢，仲踢開佢隔離同事張櫈。
e個時候我感覺到眼水開始認唔住湧出嚟，為咗唔俾志明同佢隔離個同事望到，我即刻轉身入翻房閂門同拉埋百葉窗，因為我真係好驚志明或者其他同事見到我喊。
點解我會喊嘅？我都唔知，佢只係我下屬，我公司嘅一個同事。
我諗起佢e幾日對我做過嘅事，佢對我好好，我都冇求過佢，可能真係真係自從我趕走咗Edward之後好耐未試過有人對我咁好，所以我諗住報答下佢，但係而家湧上我心頭又係咩咸覺，員工呻下ot好正常姐？唔通我。。。？唔會嘅，我同自己講過唔會再對任何人有感覺，但係我而家點解會因為佢而流眼淚？
我極力忍住我嘅眼淚。
「老....闆？」我聽到志明係出面敲我門。
「頭先對唔住啊，我，我冇心咁講㗎，只係太攰先。。。」
我冇應到志明，我唔可以而家咁樣行出房，會俾全公司嘅人知道我喊，唔可以。。。
我知道志明一定會放工嗰陣截停我同我道歉，所以我特登早一個鐘放自己工。
係𨋢到我係袋到拎紙巾出嚟抹乾晒眼淚，一落大到我就快步走上車。
「景霖，點啊今日做咩做成個鐘叫我嘅？」全叔見我自己一個上車，一開車就叫翻我個名。
「你叫全叔幫你卜位呢，搞掂啦，同阿明仔講咗未啊？我估佢一定lur飯應，哈哈。」全叔見我冇答，就繼續講。
「嗯......唔該全叔，我想恰陣先。」為咗唔俾全叔望到我眼濕濕，我扮到好攰咁，瞇埋眼瞓覺。
「景霖？係咪個衰。。。你瞓啦。」
一個鐘後，我私人手機響起，係志明what’s app我。
（志明:老闆，今日朝早對唔住
我唔係有心咁講㗎。）但係e刻我完全唔想理任何人，只係想翻屋企沖涼上床抖，因為我好攰，身心都係。。。。