女神老細係我女朋友: 第十八章
「都夜啦，唔想再麻煩你。」唔知老細係咪對住個客幾個鐘對到都攰，語氣變咗同尋晚我係佢屋企嗰陣差唔多。
「唔係幾好嘅，夜晚晚，e到又離老細你屋企咁遠，我唔送你翻去對唔住自己。」
「好啦。。。唔....該。」老細微微咁點點頭。
「好啦。咁行啦。」我打開手機搵翻去嘅車，好彩俾我搵到架直到老細屋企隔離街嘅巴士，車程都要半個鐘，個站就係附近。
我同老細並肩而行，行過啲玻璃窗，乍看之下，我地其實都幾似夜歸嘅情侶。
係巴士站等咗冇幾耐就上咗車，架車上面唔係太多人，老細揀咗個一樓靠窗嘅位置，我就跟住坐咗係老細隔離嘅走廊位。
我同老細坐低咗之後一直都冇講過野，我其實好想打破僵局，但係我真係攰到連諗話題到諗唔到。
突然我感覺到膊頭上面有啲重，e種感覺係有個頭瞓落嚟嘅感覺。
我瞬間就知道係老細個頭枕咗落嚟，因為我又聞到嗰沉玫瑰香水味，突如其來嘅e下令到我唔知點算，咁大個仔都冇乜幾次俾女仔瞓膊頭，雖然唔知係佢攰過頭定係有心瞓落嚟，但係我都幾愕然俾自己老細咁樣枕落嚟，我成個人突然僵晒。
我係耳邊隱約都到老細嘅呼吸聲，同嗰日係公司扒係枱瞓著嘅時候一樣，睇嚟老細都同我一樣好攰。為咗唔整醒老細，我盡量令自己身體嘅動作感到最少，同時，都偷偷斜望去老細嗰面偷望下老細。
其實今朝趕住出門口，都冇乜時間留意老細嘅衣著。老細今日著咗條白色連身裙，加對白色兩寸到嘅高踭鞋，裙腳啱啱好到老細小腿中間，腰上面有個束腰位，令到老細上半身包實咗，心口睇落更加突出同顯眼，而我嘅角度望落去啱啱好就見到老細對波，真係優雅得嚟又帶點性感。
正當我睇到入晒神嘅時候，我感覺到膊頭好似濕濕地，我知道係老細又流口水，不過算啦，老細肯瞓我膊頭已經好開心，少少口水就忍咗佢啦。
「老闆，落車啦。」差唔多半個鐘後就到站，我輕輕搖醒老細，佢立刻係我膊頭捽住眼咁坐起身。
「吓！？我瞓著整濕咗你膊頭啊？對唔住....」老細落到車望住我濕咗嘅恤衫。
「唔梗要嘅老闆，少少濕姐，冇事嘅。」其實膊頭濕咗真係唔係幾舒服，不過要係老細面前型啲啊嗎。
「放咗工......可以叫我.....景霖。」老細唔知怕醜佢整濕我膊頭定咩事，我眼尾望到佢有啲面紅。
落車過咗一條街就行到到咗老細屋企樓下。
「好啦，老，唔係，景霖，我走先啦，早抖。」e刻我真係迫不及待翻屋企瞓覺，啱啱仲要定咗個人成半個鐘，我真係就嚟瞓低，所以快快同老細道別之後就想轉身走。
「等等！」