有女仔寄宿咗喺我嘅頭到！: 22
零聽到後，雙眼一閉，過了兩秒，零有種意識被抽離的感覺。
「咦...邊到嚟㗎」零張開眼後，就看見自己身處在一個草園上。
「喂...零，我喺度呀」 Miss Ko在零的身後大叫。
「咦...Missi，點解我地會喺度嘅」
「因為部機囉」
「廢話呀」
「嘻嘻，係因為部機個頭盔將你嘅意識抽離，再將你送到虛擬空間入面，呢個係我地新整出嚟㗎，勁唔勁呀」
「你地?」
「冇錯，係我地組織」Missi好驕傲咁講。
「犀利...」
「唔...我地去揾其他人先啦」
「分頭定一齊」
「一齊啦，因為個遊戲開始咗喇」
「開始咗?咁個遊戲係做咩㗎」
「你當打怪獸咁...不過呢到嘅怪獸係有level 嘅」
「Level?」
「Yes，即係修為，而你嘅修為喺呢度係同出面嘅修為係一模一樣」
「咁怪獸嘅level呢」
「啲妖獸會根據你嘅修為而變，不過首先你遇到嗰隻會高過你一星，之後如果你打贏咗，遇到下一隻咁佢嘅level會高過你二星，之後一直提高...」
「唔...明喇...」
「咁不如我地分開啦」零話。
「吓...你確定」
「嗯...還掂又唔係現實生活，同埋試吓自己可唔可以對付到比自己強大嘅人」
「咁又係...你小心啲」
「嗯...Missi你都小心啲」零講，跟住露出一個笑容。
「唔...知道啦，我勁你咁多...」Miss Ko塊臉出現一絲微紅，心裏開始出現異樣的情愫。
「咁我走先喇」
「嗯...」
之後零就走咗，留低Miss Ko喺原地。
『死啦...啱啱做咩呀...點解會咁㗎...算喇...唔諗喇唔諗喇』Miss Ko心諗。
零完全唔知佢一個笑容可以令到Miss Ko心亂如麻，以至於之後可以令佢逃過一劫，不過呢啲都係後話啦...
零一直盲目地向前走，冇話向特定嘅方向行，突然零感覺到有人好似望緊佢咁，於是佢向後望，人影都冇隻喎...
「咦...冇人呀，咁點解好似有人喺度望住我咁嘅...可能係錯覺掛...」零細細聲咁講，零見唔到有人之後就繼續向前行。
「嘶...差啲畀佢見到添...好彩啫」一道身影說到。
如果零見到嘅話，佢應該好驚訝，因為嗰道身影係佢自己嚟，不過可惜佢見唔到。
零再行多一陣後，前面突然出現咗一隻妖獸，唔...一隻被火包圍嘅狗?...好似係...
隻狗一見到零就即刻撲過去咬佢，零呆咗完全唔識反應，但係隻火狗諗近零時，零終於清醒翻喇，即刻向側邊避開。
哇...真係好好彩呀，咁都避到，隻狗見零避到之後，就再衝上去，零唯有一直避一直避，冇計啦，零都未學過戰鬥技巧，淨係細個學過跆拳道同埋以前睇過啲格鬥比賽，但係冇理由將格鬥嘅嘢用上去嚟到㗎嘛，你未埋到佢身，可能已經畀佢身上嘅火熱死喇...
『雪，救命呀....』零向雪求救。
『.........』
但係一直冇人覆，『死啦...點算好呀』零諗，『呀，能量，用能量攻擊』，佢記得雪話如果要釋放能量就要用意念『快啲呀...出嚟啦』
零用意念控制身入面嘅能量，唔知係咪因為零唔係成日控制能量定係太急，所以釋放能量出體外嘅時候唔係咁順。
『唉，欲速則不達呀...』人影話。
「Yes，得喇」零終於控制得到喇。
『呯』雷屬性嘅能量擊到落狗隻眼到，隻狗『污』咗一聲，同時隻狗嘅攻擊停咗落嚟。
「機會嚟喇，飛雲」
正所謂『襯你病，攞你命』零見到隻狗好似咁辛苦，於是就乘勝追擊，攻擊多幾下，過咗一陣，佢再見隻狗奄奄一息，於是就行過去，用能量包住隻手，再打多幾嘢，以發洩心頭之恨...
「打我呀嗱...」
「喺咁追住我呀嗱...」
「明知我未控制好能量，仲攻擊我呀嗱...」
「哼哼...宜家風水輪流轉喇，啱啱搞到我咁狼狽呀嗱...」零一路打一路講，零佬大佢好似唔記得咗呢到係虛擬空間嚟...
人影：「……...」
冷月：「.........」
冇錯，又一開頭嘅時候，附近嘅冷月聽到攻擊嘅聲音加狗吠，佢就已經行咗過嚟，企喺後面，又一開頭至到最尾佢都睇到哂，直到呢幕...
零打到佢死咗後，就企咗起身，呼咗啖氣出嚟，然後佢擰轉身諗住走嘅時候，就見到一直喺度食花生嘅冷月...
零：「..........」
「err...Hi...你見到哂」零吞咗啖口水，然後講。
「嗯....」冷月扤一扤頭。
零聽到後，塊面紅哂...
佢地互相對望咗一陣...
「errr...不如一齊行，好冇呀」零尷尬咁問。
「嗯...」冷月講。
於是佢地就一齊行，行咗一陣，零終於從尷尬嘅狀態醒翻，然後佢望一望冷月，然後佢塊面又紅，可能係因為諗起啱啱做過嘅柒事，為咗冇咁尷尬，所以零決定撩佢傾計。
「err...你喺邊到讀書㗎...」零問。
「聖米汎」
「哦...我喺聖育強讀」
「嗯...」
又Dead air咗...
「errr...我問你個IQ題呀...」
「嗯...」
「你知唔知上邊堂係最熱㗎」
「.......」
過咗一分鐘後...
「.......」
「喺數學堂呀...你知唔知點解呀」
「.......」
「係因為so hot呀」
「.......」
零停咗落嚟，然後好正經咁望住佢，而冷月都停落嚟，望住佢。
「你可唔可以畀啲反應我」零突然用一副好可憐嘅樣咁講。
「.......」
「如果唔係我就好似成個癲佬咁，自言自語」零擘大眼，扁扁嘴，好委屈咁講。
「咁你搵話題講...」冷月露出一絲笑容，細細聲咁講。
「你笑咪幾好睇，好過你成舊冰咁，我問你呀，你知唔知點解人要笑」零笑住問冷月。
「唔...表達情緒？」冷月問。
「嗯...仲有係因為減輕痛苦，喺生理上，笑嘅時候，會釋出內啡肽，從而減輕痛苦；而心理上笑可以掩飾麻目自己嘅痛苦，仲可以舒援心理上嘅緊張壓力，使心情可以得到平緩，同埋聽講笑得早，可以聰明啲，不過如果你以前係你宜家咁嘅樣，咁你應該勁蠢。」零皺一皺鼻，然後同冷月講。
「嗯...」
「我同你講個故仔好冇呀...」冷月突然講。
「從前有個人身處喺一個家庭，屋企裏面嘅人都好錫佢，爸爸媽媽每個禮拜日亦都會帶佢一齊出去玩，但係直到佢7歳嗰年，佢嘅叔叔突然同佢講以後要搬過去同佢住，佢問點解，叔叔話佢爹地媽咪去咗外國出trip，由嗰日起，佢就同咗佢呀叔一齊生活，但係一年後，警察突然上門同屋企工人講叔叔死咗，喺呢個時候佢同時知道自己呀爸呀媽都死咗，根本就唔係去咗外國，之後社工就轉介佢去孤兒院，喺孤兒院生活咗三個月之後，有一個三十幾歲，離過婚，但家境好好嘅女人領養咗佢，個女人對佢都好好，而佢都好乖，但係冇幾耐，社工又接翻佢去孤兒院，原因係個女人因車禍而死，而翻到去之後，其他細路唔知聽過啲咩，開始疏遠佢，由嗰日起，佢就冇再笑過...佢心入面覺得佢就似嗰幅《哭泣的小男孩》一樣，轉手去邊，就會為擁有者帶嚟厄運...不過之後又有人嚟領養佢，直到宜家...」
「嘛...做人要開心嘛，啲唔開心嘅嘢就拋走佢啦，同埋你都講故事個主角宜家仲同緊同一個家庭生活囉，所以根本就唔係厄運，係佢自己覺得啫...」
「我覺得人會悲傷，除咗外在因素之外，仲有因為佢地太過憂慮，成日諗太多負面嘅嘢，但其實根本就唔係咁...好喇，唔好諗咁多啦...繼續行喇...」零話，然後好自然咁摸咗吓冷月個頭。
「嗯...」冷月然後塊面紅哂，耷住頭咁行...
「嘖嘖嘖...估唔到佢溝女咁勁」人影說到。