有女仔寄宿咗喺我嘅頭到！: 21

佢地食完嘢之後，宜家佢地係到休息...

「喂...好悶呀，有咩做呀...」Miss Ko問。
「唔...你想呢」廷叔講。
「不如玩遊戲？」
「鬥地主?」廷叔講。
「但係呢到有6個人喎...」比珞側住頭咁講。
「我咁老，仲玩咩呀...」李爺爺講。
「我都唔玩」冷月講。





「吓...唔好啦...月姐姐」比珞露出楚楚可憐的樣子，讓人生出憐惜的感覺。

「你又唔係唔知我點」冷月摸一摸比珞個頭。

「好啦好啦...」比珞嘟起個嘴講道「咁玩咩啫」

「PUBG?」零問。
「唔...好呀」比珞講。
「但係我唔識玩喎...」Miss Ko講。
「一樣」廷叔講。




「我教你地」比珞講。
「好呀...」
「咁你地download先啦」
「嗯...」



「喂，射左邊啦...」
「條友喺嗰度呀...」
「喂...你地係咪挽嘢呀」




比珞好似化身做麻甩佬咁，化身做一個睇緊波嘅麻甩佬，可愛嘅臉容都不見了，嘴裏一直話廷叔同Miss Ko ，只係差粗囗未講。

「有冇搞咗呀，識唔識玩㗎」比珞講。
最後佢地輸咗，排第11名...
MVP《小天使比珞》擊殺11
《絕對零度》擊殺9
《廷》擊殺0
《馨》擊殺1

「唔緊要啦，都係啱啱先玩咋嘛」零安慰比珞。
「係囉係囉」廷叔講，視乎廷叔好寵呢位小魔女喎。
「哼...」
「再挽多幾鋪先啦」Miss Ko話。
「哦...」





幾鋪後...

「呀呀呀......」比珞大嗌，佢將佢啲頭髮摷亂哂。

「唔玩喇...唔玩喇...」比珞話。
「好啦...好啦...」廷叔講。
「唔...咁可以做咩好」比珞問。
「不如我地玩嗰個好冇呀...」Miss Ko話。
「邊個呀」廷叔一臉茫然地問。
「新整嗰個呀...」
「哦....」廷叔恍然大悟地『哦』了一下。
「講緊啲咩呀...」今次到零一臉茫然地問。
「嘻嘻...」Miss Ko又露出神袐的笑容。
「跟我地嚟，你就知㗎啦」廷叔講。
零看一看冷月，但冷月卻視而不見，嘶...最憎畀人拖住瞞住嘅感覺，明明遲早都會知，點解就係要懶神祕。





於是零就燥燥地咁跟住佢地入去一間房...
『嘟』冇錯...又要嘟卡，零覺得佢一屋嘅嘟卡機，應該仲多過膠鐵一個站嘅八達通機，一入去，哇...間房就好似機舖咁...有幾張好似玩灣岸時坐嘅櫈咁，側邊有幾部機，仲有一部黑色大機，起碼有成米八高，同側邊相比，呢部嘢喺呢間房顯得十分突出。

「哇...」零驚嘆。
「型唔型呀」Miss Ko問。
「型，超型，勁型」
「咁玩唔玩呀」
「玩」
Miss Ko就好似金魚佬叔叔咁，引誘住零去玩。

「咩嚟架，點玩架」
「帶住個頭盔，再坐去張櫈度，再合埋眼」Miss Ko講。
「嗯嗯」零興奮地說。
「今次你玩唔玩呀...」Miss Ko轉個頭去問冷月。




「唔...好呀」
「咁坐啦」
「嗯」
「咁我地開始喇...」