一個香港留學生在美國的生活: 阿欣

響Drive Through Window攞咗外賣炸雞，正準備開車離開Exit轉入大街嘅時候，突然間見到對面街有兩個好熟口熟面嘅人，望多陣，發現原來係阿欣同佢個表哥男朋友Jacky，阿欣一個人一支箭咁向前行，Jacky就響後面跟住，一邊行一邊嗌，雖然響車入面聽唔清楚，不過我估應該係兩個咬咗交，由於路上面車比較多，又碰到紅燈，我可以停響度睇住佢哋響條街跑，不過冇耐阿欣跑過馬路轉左另一個街口就響我視線範圍消失，Jacky跑咗兩跑都冇再追。  

好快綠燈，我行前一個街口轉右準備經Market街返屋企，就響我轉入Market之前，又見到阿欣一個人響街度，呢一刻我諗都冇諗就停響阿欣前面打開窗，「Hello，你認唔認得我呀？」阿欣有啲愕然，不過好快已經反應過嚟，「乜咁啱呀？」「你返屋企？上車啦，我車你一程。」估唔到阿欣真係開門上車，「點去你屋企？」「你放我響我打工間越南餐廳度啦！」開車冇耐，我忍唔住問「我頭先經過好似見到你男朋友喎，佢唔係同你一齊？」「分咗手啦！」「吓？咁突然？」「同你好熟咩？你又知道我幾多嘢？」「咁你又上我車？」「咁你停車，我可以自己走！」「Ok Sorry，我講錯嘢！」氣氛尷尬，之後大家再冇講嘢，由Tenderloin去越南餐廳行Local只係15分鐘路程，好快就去到，「到啦，頭先係我唔啱，唔應該咁八卦。」「唔關你事，係我嘅問題。」「如果有嘢可以幫到你就搵我啦！」「我點揾你啊？電話都冇！」「係喎！都未交換電話！我叫阿偉，呢係我號碼。」大家互相交換完電話，阿欣就行咗入餐廳。  

原本只係是個KFC外賣　，結果車咗阿欣去餐廳，睇吓錶，原來已經12點半，好彩呢度返屋企好近，幾個街口就到。攞住袋KFC，入到門口見到Heather對鞋，「咁耐嘅，好塞車咩？」「Tenderloin附近整路，所以耐咗！有得食啦！」Heather響廚房，我就隨便搵個籍口話塞車，跟住閂門嘅時候，就故意冇鎖門。Heather住三樓我住二樓，平時去我屋企都係自出自入，Heather今日著咗件超大碼白色T-Shirt，－頭長髮扎起，睇起上嚟似大學生多過年過三十嘅人妻。  

食晏嘅時候，我個腦一直仲諗住阿欣，Heather好幾次同我講都聽唔到，「喂，做乜今日心神恍惚，諗緊乜嘢？」「吖！Sorry！諗緊公司嘢！」「又話今日放假陪我，又話有Surprise！」「哈哈！我依家咪陪你囉！咁你想要乜嘢Surprise?」我響飯枱一手將Heather拉到我身邊，跟著伸手入去件T-Shirt，「喂呀！隻手油呀！唔好亂咁摸！吖！」「連Bra都冇著喎！」「嗯！洗手先好唔好！污糟呀！」「呢啲咪Surprise囉！」我見時間差唔多，係時候入房準備，於是我一個公主抱，將Heather抱住返入睡房。