一個香港留學生在美國的生活: 設局

Heather禮拜日黃昏六點機返到三藩市，接咗機之後佢直接返咗我屋企，放低行李沖涼換衫，之後同我去咗食飯，Boulevard始終係我同Heather最愛，除咗近屋企之外，就係仲有我哋响呢度約會嘅回憶。   

餐廳經理都認得我哋，帶咗我哋坐喺平時坐開近窗口嘅二人枱，點完菜，我就問Heather「你老公屋企嘢攪掂未？仲要唔要再飛過去？」「攪掂啦，其實主要係我奶奶攪，我𢴇頭𢴇尾幫手咁。」「今晚住我度？」「唔好啦，我要開始𢴇屋pack箱，Christmas前要ship去London，聽日先啦！」「咁聽日一齊Lunch？」「你唔洗返工咩？」「想多啲時間陪你。」Heather笑得好開心，「我仲以為有啲乜嘢驚喜添！」「或者真係有驚喜呢？」 

我其實打算抄Aaron屌越南餐廳阿欣條橋，將Heather蒙眼綁響床，再等條靚仔上佢，到時想點玩就點玩。到咗禮拜一朝早，去完游早水同做Gym，我就打電話畀Joe講聲我唔返office，每年年尾公司都比較清閑，Thanksgiving 同Christmas前後都係大大小小嘅公司party，好多人都會放晒假去旅行，我「「哋公司都唔例外，只係得返新請嘅秘書冇放假，Joe「我十二月會同個女去旅行三個幾禮拜，你有冇計劃會去旅行呀？」「我暫時冇計劃喎，一個人做乜都得啦，或者會飛英國探吓阿爸阿媽，又或者上多倫多睇吓細佬。」「Uncle Auntie唔係已經搬咗去多倫多陪你細佬咩？」「佢哋兩邊飛，有時喺英國有時加拿大，我其實都唔知佢哋聖誕會響邊。」「好心你快啲搵返個女仔拍拖啦！」「我發覺你仲煩過我阿媽，我而家咁咪幾好，一個人想去邊都得，唔同你講啦，啱啱做完運動，成身汗，沖涼先，有嘢你call我。」  

返上樓梳洗完，差唔多十一點Heather就打電話畀我，「你今日冇返工，我有冇嘈醒你呀？」「十一點啦，我做完運動沖埋涼添啦！」「放假都咁勤力！咁你有冇時間食飯呀？」「放假本來就打算陪你，你想去邊度食？定係響屋企食？買外賣都得。」「唔出去食啦，禮拜一中午人多，你雪櫃有冇嘢食呀？我呢度仲有兩包公仔麵同午餐肉，不如你上嚟，我煮啦！」我當然唔打算上去佢度啦，原本計劃係叫Heather去我度等條靚仔上嚟玩3P，於是我提議外賣，「不如你落嚟我度食，我依家出去買外賣，好耐冇食炸雞，KFC好唔好？」「嘩！好遠喎，最近嗰個間都響Tenderloin！」「開車好快姐，Drive Through好方便！我依家出門口，等陣見！」  

Tenderloin響三藩市係出咗名爛區，隨處可見露宿者同妓女，大部份嘅舖頭都有鐵閘同加咗鐵欄嘅窗，不過最近嗰間KFC就係響呢一區，要食嘢都冇辦法，好彩由頭到尾我都係坐係車入面，經過Drive Through買完就走人，點將我正常開車離開嘅時候，竟然見到熟人。