一個香港留學生在美國的生活: 相見

Halloween Party每一個人都有化妝同Costume，不過就唔係人人都帶Masquerade Masks，而響吧枱左邊就有一位身穿紅黑晚禮服化妝成女殭屍嘅女仕，係全場其中兩三個冇帶Mask嘅賓客之一。「Hello，May I buy you a drink？」我行去呢位女子身邊坐低，佢望住我有啲愕然，「You are…阿偉？你點會響度嘅？」「好奇咩？咁點解你又響度？」「我陪我男朋友嚟嘅，Err，你應該知道，Steward，佢響另一邊同朋友傾謁。」「吓？咁橋？見到咪大鑊？」「你知就好啦！快啲走開啦，畀其他人見到都唔好啦！」冇錯，我碰到嘅熟人竟然係Anita，呢個時候Heather行到我身邊，「Hi！」估唔到Anita同Heather兩人會響咁嘅情況下見面，我唯有硬住頭皮互相介紹，「Hello，呢位係我朋友Heather，呢位係Anita。」等佢兩個互相介紹完，我就同Heather講「我見到個舊朋友響另外一邊，我哋過去打招呼先。」跟著我唔理咁多拉住Heather就走去同Steward相返方向一邊。  

最初見到Anita完全冇諗過佢會同Steward一齊出現，話哂我啱啱先屌完佢老婆，依家又情侶咁出現，如果面對面碰到，我都唔知點收科！Heather「你唔洗跑啦，我已經見到Steward，佢係我老公，帶咗Mask我都認得出。」「吓，咁佢認唔認到你？」「佢見唔到我。嗰個Anita係同Steward一齊嚟？」「你又知道？」「女人直覺好準，咁你又同Anita係乜嘢關係？」「Err，朋友？密友？Err…你唔好咁望住我啦！其實你都估到啦！」Heather對住我笑一笑「行啦，我唔想見到Steward。」於是我同Heather好快咁就離開咗會場，開車返屋企嘅路上Heather一言不發，越係咁我越唔安樂，「你冇嘢吖嘛？其實你早知佢係乜嘢人，咪當睇唔到囉！」「你係咪一早就知Anita？你仲知啲乜？」「冇啦冇啦！我淨係知道Anita一個。」「我早知佢有四五頭住家，只不過唔知道你同Anita都有一手。」「我認識Anita應該早過你老公好多！」「你肯定知道Anita住邊？我想見下Anita。」我當場嚇一大跳！「你講笑呀！唔好玩啦！」「我認真，不過唔係今日，我跟本唔知道Steward仲響三藩市，等佢走咗先，你幫我安排啦。」「Err…. 我有機會問下Anita啦。」  

呢一晚，Heather自己返屋企瞓，之後兩日都冇同我見面，第三日朝早Anita打電話畀我約食晏，知道Steward今次真係飛咗去巴黎，「Heather想見我？」「我都覺得怪，不過佢又好冷靜，你哋女人之間嘅嘢我都係唔插手，我只係傳話人，你哋自己決定。」Anita冷笑「同我哋上床就乜都得，玩完之後就乜都唔關你事！」「唔好咁啦，我都係唔想攪到咁複雜。Heather都係想知道Steward嘅真面目。」「睇嚟你仲好憎Steward，你仲未放低你以前條女？」「過咗去咁耐我唔想再提，不過Steward呢種人，我唔介意睇佢扑街！」「五十步笑百步。」我沉默無語，事實上我同Steward又真係冇乜分別，剃人頭者人亦剃其頭，本來就冇話邊個啱邊個錯。「你安排啦，我ok　同Heather 見面。」  

既然Anita同意，我就同Heather安排見面，佢哋約咗響Marina District一間日本餐廳食飯，我只係負責放低Heather，之後Heather去咗Anita屋企，到咗半夜先叫我接返佢返屋企。