一個香港留學生在美國的生活: Labor Day （1）

響美國每年九月份第一個禮拜一都公衆假期Labor Lay，大多數人weekend都會留響屋企同親朋好友BBQ，今年嘅禮拜日我又係去咗Joe屋企，同以往一樣，又係燒嘢食打牌游水。早幾年出現嘅朋友比較多，慢慢咁有啲搬走咗去第二個州，又有啲唔咁啱傾嘅漸漸少咗來往，有舊人走自然有新人加入，今次就有David Maggie阿成小諾Aaron同Lisa，同一時間又多咗兩對Couple，Edward 同 Candy，Linda 同 Fred，佢哋之前都去過 David 生日 Party，另外就係小玲同佢現任男朋友阿森。Edward 同Linda都 係香港人，都係香港名牌中學出身，Edward 嘅 女朋友係台灣人，屬於高瘦型，非常典型嘅台灣女生，樣靚聲甜非常嬌嗲，唯一美中不足就係飛機場，連小玲對波都勁過佢，真係似啱啱先開始發育嗰隻！Linda 嘅男朋友就係大馬華橋，高大白淨書生型，不過唔多會Social，同我哋有啲格格不入。  

Party兩點左右開始，人多熱鬧，阿成Aaron幾個一枱麻雀，唔打牌嘅一係睇Movie，一係游水，而我同Joe一齊準備食物，「成間屋個個都成雙成對，就得你同我係單身寡佬。」Joe有啲感嘆，「我同你一齊咪成雙成對囉！」「正經啲啦！我就話帶住個女冇選擇，你咁好條件，搵返個女仔拍拖啦！你唔好話我知你仲放唔低小詠呀！」「呢啲陳年舊嘢仲提嚟做乜！」「你又唔係唔識單身女仔，冇啱咩？」「緣份未到，緣份未到，唔急得！」「真係唔知你諗乜，你同Amy呢？仲有個Anita，上次David生日有冇介紹小美畀你識？」「Amy同Anita 都有人Mark咗，小美係乜水？吖，好似有啲印象，不過佢呢幾次聚會冇嚟。」「下次叫埋佢啦！」  

「喂！唔夠炭呀！有冇人可以去Safeway 買炭呀？」David響BBQ爐傍邊大叫，Safeway係附近最近嘅Supermarket，行路十五分鐘，開車不過兩個紅綠燈位。「我去啦！」小諾啱啱響泳池爬返上嚟，David ：「袋炭咁重，阿成，你陪小諾去啦！」「唔洗啦，阿成打緊牌，我自己一個得啦，揸車去好方便。」Joe:「叫阿偉陪你去啦！啲食物準備得差唔多，可以燒啦！」阿成：「咁麻煩你陪我老婆去行一轉，我打到中場又贏咁多，費事俾人話我割禾青！哈哈！」Aaron:「打完十二圈先講，等陣輸死你呀！」  

今日所有女仔都著得好清涼，連冇乜胸嘅Candy都著Bikini，Linda對波就最大，不過波大囉柚大，仲要單眼皮，絕對唔係我杯茶。比較合我眼緣只有小諾，其實第一次見到小諾我已經對佢有好感，可惜係阿成條女。小諾用毛巾抹乾身，連泳衣都冇換著咗件T恤同短褲拖鞋就走過嚟，「阿偉，我行得啦，係咪你開車？」「更係我開啦！你唔洗換件乾淨衫先？」「唔洗啦，天氣咁熱，咁著舒服啲。」望住小諾，細佬竟然有啲返應！  

「咦！Porsche喎！新車？」「唔算新啦，買咗一排，不過平時好少用，多數Weekend先揸！」「我好似係第一次坐你車喎！」「係呀，坐穩啦！」「呢架係乜嘢Model？我係車盲，車廠我仲識啲，車嘅Model就一竅不通！」「我呢架係Boxster。」「好正喎！阿成就唔鐘意跑車，我哋買過最跑嘅都只係BMW525。」「我見阿成今日開部E-Class？我都有部E用嚟平時揸返工放工，幾好坐㗎！」「我覺得太老餅囉！唔啱我啲年紀！」「哈哈！阿成個人就係比較穩重，咁樣先有安全感。」