一個香港留學生在美國的生活: 搬屋

三藩市食蠔係幾出名嘅，尤其是Tomales Bay嘅蠔場，其中有間Hog Island就開埋餐廳，我哋今日就響Ferry Building Hog Island 食Lunch。點咗三打生蠔，兩個Clam Chowder，一個Seafood Stew，再加支冰凍嘅Reis跟著坐響外邊露天枱櫈，一邊睇海景一邊食，時不時仲有三兩海鷗白鴿飛嚟搵食。「做乜咁得閑出嚟食飯？唔洗返公司？」我有啲好奇咁問，「Quit咗啦！Steward唔想我做嘢！」「佢屋企咁有錢，你咪可以做少奶奶。」Heather苦笑「邊有你諗得咁好！」「Steward對你唔好咩？」Heather冇口答我嘅問題，過咗一陣，我又問Heather「尋晚你係咪故意打電話畀我？」今次Heather笑得好開心，「估唔到你冇收線喎！咁你聽到啲乜？」「Steward知道我同你嘅關係？」「哈哈！你估下呢？你又唔洗咁緊張，佢唔知，不過Steward係個控制狂，疑心又大，所以連工都唔畀我返。」「佢打你？」「扑嘢嘅時候囉，佢有虐待狂。」「咁你仲嫁佢？你又唔係唔知佢出邊咁多女人。」「我只可以講，家家有本難念的經。」又係一陣沈默，氣氛有啲抑壓，食到咁上下，Heather終於開聲「陪我去岸邊行下？」「好！」 

 

埋完單，我同Heather行去Ferry Building外面空地，對出就係碼頭，今日天氣好好，遊客都唔少，「Steward有懷疑過我有其他男人。」「佢有證據咩？」「我夠知佢響出面有其他女人啦，係感覺，唔洗證據！」「所以佢要你Quit份工，留響屋企做少奶奶？」「佢想我同佢搬去另一個城市，正確嚟講，係我搬，佢仍然會四圍飛。」「咁幾時搬？」「Christmas，會搬去London。」 

 

我哋走到岸邊，靠住欄杆望海，耳邊傳嚟海鷗嘅叫聲同埋海浪風聲，Ferry Building雖然唔再係惜日交通繁忙嘅渡輪碼頭，不過仍然有好多觀光船用呢個碼頭出海，四週圍人流都唔少。「其實我都唔知自己想點。」「你係指你同Steward嘅關係？」「我承認我虛榮，佢有錢，又高大靚仔，我又可以攞到身份留響美國，不過佢追我嘅時候真係好好，佢有好多女人黐埋個身邊我係知道㗎，咁好條件嘅男人話俾你聽冇女人喺出邊你都唔信啦！」「佢咁好你又同我一齊？」「我唔係同你一齊，我哋只係SP，各取所需，佢可以出去滾，我點解唔可以？我三十歲啦，我唔想浪費生命。」「哈哈！我以為我哋除左性之外，會有少少感情添！」「咁少少都有嘅，不過我肯定你響外邊有其他女！」「哈！你又知？」「小弟弟，係姐姐嘅直覺，唔洗證據！」我伸手攬住Heather條腰，「咁我呢個弟弟服侍得姐姐舒唔舒服？要唔要繼續？不如我哋返屋企？」「你慳啲啦！我下晝約咗整頭髮，唔得閒睬你！行啦，我夠鐘要走啦！」 



 

Heather自己揸車嚟，所以我唔使送佢，我可以直接返公司，返到公司，Joe已經走咗，剩返兩個同事仲做緊嘢，同Heather食完晏之後，我個腦海入邊一直諗住Heather，佢講得好啱，我同佢並非情侶關係，只係普通嘅SP，得閒就打吓友誼波，我身邊又係剩係得佢一個女人，不過就唔知道Heather除咗我之外，仲有冇同其他男人上床？不過我都知道，佢肯同我上床都係因為想報復Steward。響公司坐咗陣，三點左右我就走人，因為今晚約咗Aaron食飯，要落去South Bay，起碼開一個鐘車，我打算先返屋企休息做陣Gym先再出去。 

 

三點仲未到放工時，不過三藩市路面開始多車，同一段路程，如果到咗五點，可能要用多一倍時間先返到屋企！好彩今日車流比較𣈱順，唔洗十五分鐘已經到屋企樓下紅綠燈，正準備轉入地下停車場，有幾個Teenager響紅綠燈前過馬路，當我睇清楚，發覺其中一個細路好似響邊度見過，諗咗陣，佢咪係尋晚響另一坐大廈露台睇住我同Heather扑嘢嗰靚仔？