一個香港留學生在美國的生活: 多倫多（4）

禮拜日清早七點左右我就起身，我住呢楝Condo有一個設備完善嘅Clubhouse，Gym Swimming Pool全部齊晒，我同平日一樣先游完水再做兩個小時Gym，到差不多十點半先出門口，到餐館啱啱十一點，餐館外邊有個好大嘅露天停車場，當我停好車準備入去餐館就見到小詩架車泊響另一邊，正響車入面抱住Michelle出嚟，「點呀，洗唔洗幫手？」我行去同小詩打招呼，「你幫我響車尾箱攞架BB車出嚟啦！」小詩揸架七人Minivan，打開車尾箱，除咗架BB車外，仲有大包細包BB嘢，架BB車係兩件頭，有一個車架加一張櫈，我開咗個車架但係就點都安唔到張櫈仔上去，「睇你雞手鴨腳咁，你幫我抱著Michelle，等我嚟啦！」「哦，咁我抱Michelle啦，唔知佢跟唔跟我呢？」我接過Michelle，不過一抱上手佢就不停咁郁，爭扎要落地，「你都係攪唔掂啦，放佢落地，佢已經差不多歲半，會行會企。」於是我將Michelle放落地，我一放手，佢就跑去小詩身邊攪住小詩隻腳，同啲好好奇嘅眼神望住我，「小朋友啱啱開始會怕生，過一陣就會好啲，你同佢傾下玩下啦！」 

 

小詩三兩下就攪掂架BB車，跟著放埋Michelle上去，「行啦！雖然今日係禮拜一，不過可能都要等位！」「我朋友幫我留咗枱，應該去到有位。」「睇你唔出喎，去到多倫多都有朋友幫手，女仔嚟㗎？」「男人呀！係我中學同學！」我同小詩推住架BB車，未入到大門外邊已經人山人海，好彩有Derek幫手訂位，唔洗五分鐘就有位坐，安頓好Michelle，小詩攞住張點心紙準備order「你想食乜嘢啊？」「等我睇下，咦，好選擇喎，多過三藩市好多！」「呢度香港人多吖嘛，今日我請，随便叫！」「點可以要女仔請呀」「咁你遠來是客，我爸爸交代要我照顧好你！」「哈哈！我仲細咩，仲要你照顧！」我不其然咁諗返起十年前我響溫哥華住響小詩屋企淫亂嘅日子，再望著已為人妻嘅佢，感覺彷如隔世，正當我FF緊，小詩同我講「喂，你食住先，我要先同Michelle換片餵奶，廿分鐘返嚟。」講完小詩就抱著Michelle 

行咗出去。 

 



我寫好張點心紙交咗俾waiter，好快食物送到，呢個時候小詩啱啱好返到嚟，「你唔洗等我喎，我要攪掂Michelle先。」「啲嘢食都係啱啱到。」小詩放低Michelle響㗎BB車，攞咗半個叉燒包畀Michelle自己揸住食，其實就係畀佢玩，玩咗冇耐Michelle就瞓著咗，「你一個人湊住個女都幾辛苦喎！」「習慣啦！Michelle算乖算易湊，食飽瞓，又唔扭計，第二個就唔知有冇咁好彩咁易湊。」「咁快又第二個，預產期係幾時啊？」小詩摸住個肚，「依家先五個月，，聖誕咁上下啦！醫生話十二月二十。」「你老公都好勁喎！咁努力！哈哈！」「咁幾時到你呀，幾時結婚先？」「我連女朋友都未有，十劃都未有一撇！」「成廿六歲人都仲咁屌兒郎當，唔怪得Auntie叫我介紹女仔你識！」「係咪好似你咁高質先？」「口花花！我女都生埋啦，成個師奶！」「如果你係師奶，都係港姐級嘅師奶！」 

 

生完個女嘅小詩，身材一啲都冇走樣，如果唔講你跟本睇唔出佢已經係一女之母，幾年冇見，小詩冇咗少女嗰種青澀，反而成個人變得更為成熟，更有韻味。 

 

埋單嘅時候小詩堅持要佢畀，話係佢爸媽交代，一定要招呼好我，咁我又唔想搶嚟搶去，「不如我請下午茶好唔好？你跟著有乜節目？」「我全職湊女，自由身去邊都得，不如去Downtown湖邊行下？我平時都會推住Michelle行下公園。」「好呀，我住附近就近Downtown，不如停車響我住嗰度先？同Michelle行陣再搵地方飲嘢？」「咁行啦！」