一個香港留學生在美國的生活: 禮物

整個聖誕假我同Heather都一齊，除咗第一晚響Heather屋企瞓，其他日子Heather都響我度過，話晒Steward會返嚟住，如果我太長時間住響佢屋企，總有機會留下蛛絲馬跡被Steward發現。而呢幾日我同Heather就好似啱啱住埋一齊嘅男女朋友咁，每日除咗食同瞓之外，就係不斷做愛，屋企每一個角落都有我地嘅身影，咁嘅生活一直維持到假期最後一日。  

「聽日我要返工啦，不如今日陪我去行街買嘢？」「都好喎，成個假期都冇岀去玩過。」我響廚房煮緊早餐，Heather就響後面攬住我，「咁等我煮埋個早餐，反正我仲未煮好，不如你沖涼先？」「你都就煮好啦，我要食完先沖涼。」「隨便你喜歡啦，但係你可唔可以唔好咁曳，唔好用隻手係咁玩我啫啫？咁樣我煮唔到飯㗎 ！」「好啦，放過你先，等陣先玩過。」  

出門口大約十一點，今日係禮拜日，所以店舖都已經開門營業，我同Heather都係去返Union Square，今次我地泊咗響Fillmore個停車場，因為Heather話鐘意我用緊個Toaster，又話要買一個放響佢自己廚房，我個Toaster係入伙前響Macy’s隨便買，其實冇乜特別，不過Heather話要咁咪陪佢睇下囉。買完Toaster去咗附近一條叫Maiden Lane嘅橫街嘅Cafe，我地一人叫咗個Sandwich加杯Chardonnay，食咗個簡單嘅Lunch，Heather「你有冇嘢想買？好似次次你都係陪我買。」「我真係冇乜嘢想買喎！」「咁你陪我去睇錶，我知道有隻新款啱啱出，我想睇下。」「好呀，我其實都要買隻新錶。」「我平常都唔見你帶嘅，我仲以為你唔用錶嘅添！」「我用開隻錶壞壞地，一直冇整，耐咗咪連錶都冇用囉！」「咁買返隻啦！」  

Heather去間錶行其實應該係珠寶首飾店，響Union Square已經開業多年，我係第一次光顧，Heather原來又係熟客，一入門口就有人招呼，好快仲有人送上兩支細嘅Perrier。坐喺低響其中一個櫃枱前面，負責招呼我哋嘅Sales攞咗兩隻唔同牌子嘅錶出嚟，都係呢季啱啱出最新款，兩隻都係歐洲頂級品牌，最平嗰隻都要三萬，另一隻有鑽石嘅要七萬，Heather兩隻一齊試帶上手，「點呀，邊隻好睇啲？」「平時帶嘅更係冇石嗰隻啦！另外嗰隻咁揚，出街小心畀人搶呀！」「咁如果畀你帶呢？你揀邊隻？」「呢個牌子款式太成熟，唔係我杯茶。」「咁你即係話我老啦？」「我幾時有咁講呀？」同年紀比自己大嘅女性一齊講嘢真係要好小心，一個唔小心隨時中伏。Heather跟著同個Sales講「有冇啲後生啲嘅款式？」Sales「呢款Franck Muller都係今季新款，呢位先生睇下啱唔啱？」Franck Muller價錢當然平啲，不過呢隻都要萬四蚊，差唔多款嘅其實我老豆都有隻，誇張嘅圖型同數字設計，一眼就認到，「呢隻款唔錯，我可以試吓？」「當然可以，先生。」嗰Sales好細心咁幫我帶上，Heather「點呀，呢隻係你杯茶？」「唔錯唔錯！」「咁唔該畀隻女裝我試試？」Sales又攞咗隻同款女裝畀Heather，跟著Heather就同個Sales講「我帶都幾好睇喎，咁兩隻要哂，幫我包起佢。」於是我除返隻錶交畀個Sales，「原來你搵我做Model買錶畀Steward。」「邊個話買畀Steward？」「吓，難道買畀我？」「唔得咩？姐姐買畀弟弟？」  

離開錶行嘅時候，我地手上一人帶住一隻同款嘅Franck Muller，Heather「你唔好唔帶呀！」我唯有苦笑一下，「唔會，其實我以前都有帶錶習慣，不過如果畀其他人見到，會唔會誤會？」「洗乜理其他人！我開心咪得囉！」  



第二日Heather同我都要返工，起身之後佢返返上樓，過咗兩日佢就要出差幾個禮拜，之後Steward又返咗嚟一段時間，我同Heather見面就少咗好多，不過只要有機會，佢都會響我度過夜。