一個香港留學生在美國的生活: 再遇

商會Christmas Party響三藩市Nob Hill嘅Fairmont Hotel舉行，我停低架車響正門，有個着哂禮服嘅Bell Boy 幫我開門，我交低條鎖匙俾佢幫我泊車，跟住我就行入去睇吓個會場喺邊度，年近聖誕，好多公司都會舉行活動，大部份嘅酒店都人山人海，呢一度都唔例外，好彩喺大堂入邊嘅指示都非常清楚，好快已經知道個Event響酒店最大嘅Grand Ball Room。入到去響門口Reception登記攞Name Tag，限著有Waitress送上Champagne同小食，我就開始四圍行同認識嘅人打招呼，唔識嘅就交換下Business Card吹下水，台上就有隊Local Band彈奏Christmas Music，好多時呢啲場合都會傾到生意，對於擴闊社交網絡好有幫助 。  

行下企下吹下水好快就過咗成粒鐘，因為仲有第二場，於是我打算早啲走，當我啱啱放低隻酒杯，突然有把女人聲響背後「阿偉，咁啱呀，竟然響呢度見到你！」我轉身一睇，原來係Anita！我對上一次碰面，應該係啱啱畢業嗰陣，佢仲同Steward一齊食飯，「Hi，Anita ？咁啱呀！好耐冇見！」「我頭先已經見到你，不過你著到咁Formal，有啲唔認得！」「咁你今晚都著到咁啦！盛裝打扮！」Anita 今晚著咗套黑色露背晚禮服，帶咗套珍珠耳環同頸錬，加對四寸高跟鞋，非常貴氣！「你成晚一個人？點解唔帶個Partner呀？」「我邊有吖！咁你呢？男朋友？」「我都係一個人，算啦，我都差不多打算走啦！」「我都係，不過我仲有下場。」「你都幾忙㗎喎！放假前都咁多Functions！」「搵食冇計啦！Joe又放假去咗Hawaii，過咗年先返！」「我我都好耐無見過Joe，佢幾好嗎？」「咪又係咁，廿四孝老豆，揍仔公囉，我都係響公司先見到佢。」「你地同一間公司？」「我同佢係Partner，Real Estate Development。」「原來你同Joe都做咗老闆，失敬失敬！」「講笑咩，做老闆仲辛苦過打工。」「我就寧願做老闆都唔打工啦，話哂自由啲！」「係呢，我冇你Contact。」我順便畀我張Business Card畀Anita，咁Anita又畀返佢張Card我，「原來你係Banker。」「打工姐！」「我等陣就係去C銀行個Annual Event，有冇興趣做我Partner？」「又可以喎，識多啲人都好。」「咁行啦，有冇揸車？」「我坐Cab過嚟㗎，我坐你車啦！」  

C銀行個Party響一個Museum入面，其實同響酒店冇乜分別，食物酒水都係Catering，入面一樣係衣香鬢影， Anita同我一齊全程繞住我隻手好似情侶咁，碰到幾個朋友都以為我有新女友，不過我都懶得解釋！到咗十點左右，大部分人都開始離開，於是我就提出車Anita返佢屋企「你住邊？我車你啦！」「咁我唔客氣啦，我住響Marina District。」  

由Museum返去Anita屋企好近，唔洗十分鐘已經到，「嘩！豪宅區喎！」「係我朋友借畀我住，唔係我㗎！」「男朋友？」「朋友啦！好啦，多謝你車我返嚟，有機會再見！」跟著Anita𡃶咗我一啖，之後先開門落車返入屋！  

響呢一刻，直覺話我知，呢間屋主人應該係Steward，亦即係Heather老公！