一個香港留學生在美國的生活: Christmas Party

2002年十二月中嘅一個禮拜五夜晚，我同Joe包咗一間響三藩市Nob Hill好細間嘅French Restaurant開Company Christmas Party，其實所謂公司Party，只有我同阿Joe仲有兩個新請嘅員工，其他人全部係Joe同我嘅朋友，有幾個我唔識嘅係Real Estate Broker，有律師有CPA，仲有兩三個Banker，與其講係Christmas Party，不如話係我同Joe拍擋一齊開嘅新公司 Grand Opening Party似啲。除咗飲飲食食，就係做下Networking交換下咭片，我第一次參加呢類活動，起初有啲唔慣，要同啲三唔識七，九唔搭八嘅人Social，不過後慢慢變成我生活一部份，反而Joe變得越嚟越少見人。  

除咗Business嘅朋友，Aaron同Lisa兩公婆，仲有Joe阿爸媽同幾個大學同學都有嚟，當中最Surprise係見到David同Maggie，原佢哋響Texas畢業後回流加州，David依家響Stanford讀Master，Maggie就響South Bay一間CPA Firm入面做，準備考CPA。咁耐冇見，自然多嘢講，男有男嘅坐埋一邊女仔有自己一張枱，食到差唔要上Dessert嘅時候，另一個好少出嘅稀客入咗嚟，「Sorry 呀我啱啱落班，年尾Office勁忙，恭喜Joe同阿偉，祝你生意興隆蒸蒸日上！」Joe：「嘩，我以為邊個大明星嚟咗，原來係Amy姐，好幾個月冇見，去咗邊呀？」「我份工係要四圍飛，邊有你咁嘆！」  

Amy同我打招呼後就坐去Maggie張枱，我同Amy響其他人面前完全係say hi say bye嗰隻唔多熟嘅朋友，不過自從Amy做咗呢份新工後，見面機會就少咗好多。Amy響一間Software Company面做Sales，成日要飛嚟飛去，一個Trip隨時一兩個禮拜，最近呢次就走咗一個月，佢話去咗做Product training喎。我同佢見面日子唔多，好多時都係趁佢男朋友唔響三藩市嘅時候見面，我都有問過佢點解唔分手，不過佢始終冇畀到答案我。  

到咗夜晚八點幾，大家已經食到差不多，部分客人起身離開，Aaron：「我同Lisa返去先，唔想太夜開車，話晒呢度返South Bay要成粒鐘。」「叫你搬北啲，Palo Alto 到San Mateo咪幾好，響正中間。」「我冇你同Joe咁有米，依家住住先，話哂返工近，返正我平又唔上三藩市蒲。」Aaron同Lisa走咗之後David Maggie同Amy都話返屋企，響美國餐廳到咗九點基本上已經冇客人，我見人都走得七七八八，於是我同Joe講「我都走啦，下禮拜公司見。」「下禮拜先傾啦，Weekend要帶Haley返阿爸度。」  

行出餐廳望下手錶，啱啱九點正，十二月三藩市非常之凍，夜晚仲有少少微雨，正當我一個人行去攞車，袋中電話響起：「做乜今晚成晚唔同我傾偈呀？」原來係Amy打嚟，我就問「平時同你傾唔夠咩？咁你有乜嘢想同我講呀？」「算啦，你唔想同我講，咁我收線啦。」「唔好咁小氣啦，你想我去你度，定係你嚟我度啊？見到面先再講啦！」「今晚唔得啦，男朋友響度，我要返屋企陪佢，下禮拜我要飛Paris出Trip，過兩個禮拜先再約啦。」約唔到Amy，我唯有自己一個人返屋企搵節目。