一個香港留學生在美國的生活: Cabo（13）

我哋隻船行咗大概四十五分鐘左右，去到一個內海灣，距離岸邊大概二三百米就停咗落嚟，導遊同我哋講呢度嘅水深只係到條腰，涉水步行可以行上沙灘，船上有個冰箱，入面放咗啤酒汽水之類，我地一人攞咗一罐，就跳落水行上岸。除咗我哋之外，附近仲有三四隻船停咗響度，海灘上面人唔多，只有十零個人，三三兩兩聚響唔同角落。我哋四個坐咗響海灘比較中間位置，Doris：「Aaron，幫我搽多次太陽油，再咁曬法實變黑鬼！」我就同Millie講：「我幫你搽啦！如果唔係真係會曬傷。」我哋響船上攞咗太陽油，搽完之後Millie同Doris行咗去海邊玩水，Aaron望住兩個女仔：「點呀，對Doris有冇興趣？今晚讓畀你？」「慳啲啦你！你自想屌Millie就出聲，唔好推落我度。」「哈哈！一世人兩兄弟，冇計啦！」「如果Millie同意你咪上囉，佢又唔係我條女！」「我哋都算好彩，去個Short Trip都溝到女！」「唔知係我哋溝人定係兩條女當我哋係鴨！」「點都好，各取所需，有閪屌唔通唔屌？」「唔好唔記得五點Book咗Spa，七點半食飯，今晚餐飯已經改咗做四位，食完飯先算啦！」Aaron跟著走埋落水同兩條女一齊玩，我就繼續坐響沙灘飲住罐冰凍啤酒睇住佢哋玩水。  

回程返到酒店啱啱四點，距離Spa Appointment仲有一個鐘，我就話：「不如大家返房沖一沖身休息下，五點鐘響Spa見？」Millie：「咁都好，順便𢴇下行李準備聽日Check out。」「咁倒不如你同Doris今搬過嚟我哋度瞓啦！」「睇吓點先啦！聽日好似十一點Check out。」Doris：「我冇所謂，反正最後一晚！」Aaron：「就咁決定啦！等陣見！」我哋之後各自返房。Aaron一路行一路講：「嗱，唔好話做兄弟嘅唔益你啦，Doris問咗好多關於你嘅嘢，人哋對你有興趣㗎，今晚讓畀你又點話啦！」「死開啦你，你自己想上Millie就老老實實認咗佢，你唔好諗住踢個波畀我！」「點話點好啦，哈哈！」  

我同Aaron返到Villa冇耐，Millie同Doris就拉住行李喼嚟到，安頓好之後我哋四個一齊行返去酒店。個Spa響五樓，我哋Book咗兩個Couple室外套餐，間房有一個望住太平洋嘅陽台，兩張按摩床就係放響個露天陽台，五點到七點呢個時間啱啱好可以欣賞到日落，又唔會太熱。Millie同Doris前晚已經嚟過一次，我同Aaron係第一次嚟，一如所料，Aaron同Doris一間房，我同Millie一間，按摩師全部係女人，非常專業，一啲色情成份都冇，我地除淨條底褲爬響床上面，蓋上一塊白布，向前望仲可以見到成個大海。我哋揀咗個Hot Stone Therapy，係用啲整熱咗嘅大粒石春放響背書脊穴位按摩，未試過就真係應該要試吓，十分之舒服，做咗唔使10分鐘我就已經瞓着咗。成個過程九十分鐘，做完成個療程之後我哋着返衫就直接去餐廳食飯。 

餐廳仲喺樓下4樓，今晚Book咗間High End Mexican，我本身其實唔係太鍾意食墨西哥野，不過真正傳統地道嘅墨西哥菜其實又唔係咁差，尤其是呢啲比較高檔嘅墨西哥餐廳，原隻燒雞皮脆肉嫩又多汁，專人拆肉出嚟加埋啲黑豆墨西哥飯洋蔥牛油果再包成burrito，又幾好味下，就連平時我食都唔會食嘅Tamales我都食咗半隻。  

「 食完飯仲有乜可以玩，再唔玩，聽日就走啦！」Doris問，Aaron就提意落吧再飲過，我同Millie冇乜意見，於是我又問：「去樓下二樓個吧定係去泳池邊個Wet Bar呀？」Aaron就話「去樓下嗰個啦，近啲，又唔洗換泳衣！」既然大家都冇意見，埋單之後就一齊落二樓個吧繼續。