一個香港留學生在美國的生活: 逃避

「今晚要唔要響度瞓？我同姨媽講聲ok喎」我隨便𢴇咗幾件衫放入背囊就離開屋企，響廁所望住小詠嘅一幕，我呢一世都應該唔會忘記！身上嘅吻痕，牙印，面上身上嘅精液，仲有兩腿中間不斷流出唔知道係幾多人嘅精同淫水混合物，我完全唔知點反應，最後一個人開車去咗Aaron度。Aaron住響姨媽屋企，我平時都係常客，不過就真係未試過過夜！「唔好啦！我只係過嚟同你講聲，我會出三藩市幾日，你知我有Joe屋企鎖匙，我會住響佢度。」「你冇嘢吖嘛？兄弟，保重呀！冇乜嘢講可以講出嚟！唔好屈響心入面！」「知道啦！多謝你！」「屌！講啲咁嘢！小心揸車啦！」  

離開Aaron屋企已經差不多七點，本來佢姨媽留我食埋飯先，不過我又點會有胃口？再加上對住Aaron同姨媽都唔知講乜好，不如一個人出三藩市靜下。行Hwy80去Joe屋企大約一個多小時，已經行慣行熟，唔知道係唔係人衰開有條路，平時小心謹慎嘅我，竟然睇唔到有差佬，結果抄咗牌超速！呢張係我嚟咗美國三年第一次被抄牌！去到Joe屋企已經八點半，點知屋企又冇人，打電話又冇人聽，打開雪櫃又乜都冇，唯有煮個公仔麵食啦！食到一半，Joe終於打嚟「做乜一個人走嚟我度呀？又唔早啲講！我返咗老豆度呀！」「唉！黑仔囉！」於是我響電話度好簡單咁同佢解釋發生咗乜嘢事，Joe聽完之後「我依家返嚟，你等我！」「唔洗煩啦！你陪Uncle Auntie啦！」「45分鐘車！等陣見！」跟著收咗線！食完個麵，洗埋碗，Joe已經返到。  

「你ok嘛？屌！咁撚扑街！要唔要我拖馬同你入去搵返印尼仔算帳？」「算乜嘢帳？牛唔飲水唔㩒得牛頭低，除咗班印尼仔，仲有個Chris呢？你又打埋佢啊？」「但係今次玩到咁大喎！你就咁算？」「我只係想搵幾日靜下，認真諗下我同小詠嘅關係。」「仲有得諗咩？玩到咁大，仲點樣面對啊！」「所以我想靜靜地咁諗吓！」「其實假如佢唔係你諗住結婚對象，大家玩下咪算囉！男女關係太認真，受傷嗰個一定係你自己！」「啱啱一齊有諗過佢會唔會係我結婚對象，不過呢兩年感覺就越嚟越模糊，我需要好好咁冷靜下！」「冷乜撚嘢靜呀！條女咁淫賤，飛咗佢啦！」其實我自己都知道經過呢件事之後，我同小詠已經冇將來，但係我又講唔出分手呢兩個字，人就係咁矛盾，又唔識得放手。「其實你係咪應該重新考慮一下你自己處理男女關係嘅態度？為咗一棵樹放棄整個森林已經戇居啦！而家你條女仲俾咁大頂帽你戴！你係咪應該醒下呢？」「我唔想諗呀！比我靜下好冇？我嚟你度就係想靜一靜，好好咁諗一諗以後條路應該點走！」「逃避係解決唔到問題㗎兄弟！你咁嘅條件，你會搵唔到老婆咩！女朋友，啱key嘅，玩下咪算囉！」  

Joe屋企雖然冇嘢食，不過靚酒一大堆，呢一晚我地兩條友一邊飲酒一邊吹水，佢一直陪我到差不多天光先去瞓，到我瞓醒已經係第二日下晝兩點，Joe已經返咗去Los Alto屋企，睇下電話，Miss咗幾個Call，有兩個係Aaron，另外五個係阿浩，我打返電話俾Aaron，交代一下我嘅行程「我而家住響Joe屋企，佢返咗去佢老竇度住，呢度得我一個人， 唔使擔心我，我諗住喺度靜靜地住幾日！」「你冇嘢就OK啦！阿浩打嚟問我你去咗邊呀！睇嚟小詠冇俾佢細佬知道發生咩事，阿浩只係知道你地兩個鬧咗交，冷戰緊，其他乜都唔知！」「冇必要比其他人知呀，有你同阿Joe知道就夠啦！」「你自己小心保重，有啲乜嘢嘢隨時打俾我啦！」  

收咗線之後，我決定今日全日喺屋企休息，咩電話都唔聽，我真係覺得好攰，因為一段關係其實真係好攰，你話我係逃避又好唔肯面對現實又好，反正仲有一個禮拜Summer School先開學，我決定比自己放下假，響三藩市享受下一個人嘅生活！之後先再決定如何處理同小詠嘅關係！