一個香港留學生在美國的生活: 舊同學

夜晚同婆婆食完飯之後，匆匆忙忙又要趕出銅鑼灣，今晚約咗阿輝同幾個舊同學見面。阿輝畢業之後考咗入港大，其他嘅同學都分別入咗香港唔同嘅大學。其實今晚佢哋係約咗出嚟食飯嘅，本來約咗六點響銅鑼灣波斯富街嘅泉章居，不過我要同屋企食所以冇辦法參加，我去到嘅時候已經差唔多八點，佢哋啱啱食完飯買單未走，一枱有六個人包括阿輝，成年幾冇見大家都有講唔完嘅話題，講嘅除咗大學生活就係女朋友，我一直都冇提我同小詠，成餐飯阿輝又笑笑口冇問，我到而家都唔清楚究竟阿輝佢知道定唔知道我同小詠已經拍緊拖！  

我坐咗一陣佢哋就埋單走人，我哋一行七個人行返出去渣甸街附近搵間糖水舖坐低繼續，呢個時候阿輝就問我「食完野不如上我屋企打機啊？好耐冇同你打機啦！」「你唔怕夜我冇問題㗎 ！反正我又唔使返學，後日我就同屋企人去歐洲玩兩個幾禮拜，差唔多一月中先返嚟。」  

阿輝屋企響跑馬地，我哋食完糖水再搭的士返佢屋企都係十幾分鐘，上到佢屋企同佢父母打完招呼就直接入咗佢間房。其實佢父母就係小詠嘅姨媽姨丈，入到房坐低當我正準備打機，阿輝終於開口問我「老老實實，你係咪同小詠拍緊拖？」「咁你仲問？你都估到啦！」「死仔包，我就係要你親口講，溝咗我表妹到而家先至話我知？」「我以為小詠會同你講吖嘛！」「佢講啲唔講啲，不過我都估到㗎啦！你快啲祝你地兩個嘅事從實招來！」  

於是我將我同小詠一齊嘅經過一五一十咁講晒比阿輝聽，最後阿輝就問「咁而家你同小詠係唔係住埋一齊呀？」「小詠六月嘅時候已經搬咗入嚟同我一齊住。」「你個衰仔，食埋我表妹隻豬！快啲講俾我聽，我表妹好唔好屌！」「嘩你係咪痴線㗎 ！你表妹嚟㗎！問啲咁嘅問題！ 」「屌！你係咪男人嚟㗎 ！老老實實啦，你第一次屌我表妹嘅時候佢仲係咪處啊？」「你個變態佬，呢啲咁嘅問題我梗係唔會答你啦！不如講吓你自己啦，入咗U有冇溝到女啊？」「唉！唔好提啦！本來舊年溝到一個以為係女神，點知係淫娃，一腳踏幾船，我最後決定同佢分手囉！」「唔啱就分啦！呢個世界咁多女，你放你溝唔到咩！」「邊夠你咁好彩！連我表妹咁正嘅女都俾你溝到！」  

我同阿輝成晚就係咁有一句冇一句聽到半夜，最後我攰得滯留低咗響佢屋企過夜。離開咗香港一年半有多，返到嚟見到屋企人同埋識咗十幾年嘅舊同學感覺真係好溫暖，如果有選擇其實我會選擇留喺香港，始終香港先至係我嘅屋企，無論響外邊有幾咁自由，始終都係冇加個種溫暖嘅感覺。  



第二日一早我就返返屋企陪阿爸阿媽同細佬落咗屋企樓下食早餐，我私底下同阿爸商量過，最後決定都係唔俾阿媽知道有小詠嘅存在，雖然冇比阿媽知，但係小詠就打算介紹我俾佢阿爸阿媽認識，要見未來外父外母，心情有啲緊張！於是我同小詠約好今日下晝會上佢屋企見佢父母。