一個香港留學生在美國的生活: 拿汀

禮拜六晚去咗隔幾條街食泰國菜，雖然話係旅遊區，不過入夜都冇乜人，食完飯同小詠沿海邊行返酒店，天氣開始變冷，睇個天陰陰可能會落雨，好彩返到酒店先開始落，雨勢時大時細，結果禮拜日大部份時間留響酒店，又係食瞓同做愛！   

禮拜一近中午Check out後同小詠食完晏，送佢返宿舍後我就直接開車返屋企。阿君家姐同阿媽應該已經到咗，我有同佢講佢可以瞓我間房，不過最後佢都決定做廳長。返到屋企嘅時候阿君媽媽正響廚房煮飯，我響門口已經聞到陣陣香味！睇嚟伯母係廚藝高手！入到屋當先同伯母打招呼啦！「伯母你好！」「Hello you must be 阿偉！thank you la taking care 阿君！you can call me auntie Becky！This is my daughter 阿麗，阿麗come say hello la！」星馬人英文！如果你有睇過Crazy Rich Asian你就會明白我講乜！ 
 

https://youtu.be/ZrsYIthVY-Y 
 

阿伯母十分熱情，笑容滿面，伯母個子唔高不過身材飽滿但絕對唔係肥，個樣好雍容華貴！呢個時候有一把好嬌嗲嘅聲音出現：「你好！我是小麗，阿君的大姐，！你可以叫我麗姐！」小麗同佢阿媽啱啱相反，只有大約160身高，嬌小玲瓏，皮膚好白，面圓圓眼睛大大！原來係靚女一名！只不過阿媽講英文，家姐就用中文同我溝通！好奇怪嘅家庭啊！「阿偉，go change and rest，auntie preparing dinner，I will wake you up when ready！go go go！」呢個時候我終於見到阿君，佢響房走出嚟：「阿媽，你不要那麼囉嗦，你會嚇跑阿偉啊！」「不會不會！Auntie Becky太客氣了！」我急急腳攞行李入房，沖涼換衫。攪完一輪再出返客廳已經差唔多食得飯，我地張飯枱可以坐八個人，絕對唔細，竟然成張枱放滿飯餸！「阿偉，我阿媽弄的都是大馬家鄕菜，有些蠻辣阿！你吃不了不要勉強！」「一點點辣可以的，沒關係！」其實我真係唔太食得辣！「我介紹一下，這個是海南雞，釀豆腐，亞參叻沙，炒通菜，肉骨茶，這個牛咖哩叫做Redang，非常的辣，你最好不要食，還有黃薑飯跟薄餅，你試試我阿媽的廚藝吧！」「阿偉不要客氣，試試Auntie做的合不合口味！」星馬菜用比較多香料，我本身就十分鐘意飲飲食食，聞到陣陣香味我已經食指大動，「謝謝Auntie Becky！麻煩你了！我一定不會客氣！」除咗個牛咖哩同叻沙真係太過辣我頂唔順之外，其他菜式真係好好味！我哋一路食一路閒話家常，又問起我家庭情況，「你們來到KL一定要找Auntie Becky啊！我帶你四處走走，吃好的！」Auntie Becky隨後攞咗張咭片畀我，上面寫住Datin Becky XXX，阿君明明姓陳，唔通大馬拼音係Datin？後來我問阿君先知道Datin中文係拿汀，即係拿督夫人咁解！  



之後幾日阿君冇乜特別帶佢阿媽四處玩，大部分時間都係買餸煮飯，睇嚟Auntie Becky真係好鐘意煮嘢食！佢地仲帶咗好多大馬食材過嚟，所以日日都會炸蝦片魚餅！我呢幾日都跟Auntie Becky學識煮幾個馬來菜！