一個香港留學生在美國的生活: 感言

每一個人都會有啲講唔出口嘅秘密同住事，有人會一直藏響心入面，而我，選擇寫佢出嚟。點解咁多年之後先寫呢？係咁嘅，由於武漢肺炎疫情，加州由2020三月中開始Shelter in Place，大家都留響屋企唔可以出街，細路響屋企online上堂，大人WFH，同時又好多人都趁呢個時候裝修屋企，我都唔例外，日日留響屋企，不如𢴇好間屋順便大裝修，首先就係𢴇同裝修車房。𢴇車房𢴇咗三箱由大學畢業後一直冇開過又同時封存密實嘅紙箱，當中有好多書信筆記同埋我同小詠拍拖嘅回憶。當我打開箱時，揾到一本手寫Calendar，當年冇Google Calendar，好多嘢都係用手寫響本organizer上面，其中記錄咗由我第一日返大學嘅Schedule到平時約食飯睇戲旅行甚至支票信用卡紀錄都有，我就有個想法想將當年嘅點滴寫成故事，好似回憶錄咁，寫之前我同Aaron商量，冇錯，係Aaron而唔係我老婆，Aaron知道我嘅事畀我老婆多好多，有啲陳年舊事我仲要問返Aaron，最後決定試吓用故事形式寫出嚟，寫到44章，當中發生嘅事絕大部份跟足當年記錄，連日子時間都冇多大出入，如果你住過San Francisco，相信你會估到文中提到嘅餐廳，大學，甚至我住嘅城市。如果對餐廳有興趣，可以留言，我可以話你知係邊間。  

要繼續寫落去，我要睇返好多嘢好多相片同Video，包括我同小詠一齊用Camcorder自拍嘅Sex tape，同小詠分手時佢曾經想攞走或者丟咗佢，不過佢走得太冲忙揾唔到，當年用嘅係MiniDV Cassette，原本都唔知點先可以睇翻！後來去Amazon買咗個Converter (ClearClick2.0)先可以轉返Digital Copy。當年同小詠拍咗十幾條片，Aaron死纏爛打要睇，不過呢個係後話啦！當然亦有其他Video，亦勾起好多藏在心底多年嘅回憶。有好多朋友已經失去聯絡，好似Nancy，京子，Joey（Café Waitress，後來Aaron同我都同佢上過床）Sam，David等，有時候我諗如果佢地睇到我嘅故事，會唔會知道故事同佢地有關呢？  

就快寫到小詠出場，繼續努力！  

December 22, 2020