一個香港留學生在美國的生活: 煩腦

「今晚按摩幾多錢？我地計返啦！冇理由你請喎！」我響返屋企途中架車入面同Joe講！「少少錢計乜嘢！又唔係貴！」「我畀你嚇親！有啲咁嘅服務！」「爽唔爽先？Sam最多呢啲路數！其實今晚唔算貴，足浴按摩$80，再加$100一架飛機。」「畀條女打爽過自己打！不過年紀大又唔係靚！」「唐人街貨色係咁上下！下次叫Sam介紹鬼妹你試下囉」「哈哈！我對鬼妹冇興趣！」  

返到屋企已經半夜，沖涼之後就瞓覺，第二日係禮拜三，我同Joe都唔想出街，大部分時間都響屋企㷛碟，下晝去咗附近間24hr Fitness 做咗一個多鐘健身，夜晚去咗Oakland唐人街食燒臘飯，自從嚟咗美國讀書，已經幾個月冇食過靚嘅燒臘，其實今晚啲嘢都係麻麻，始終冇得同香港比！我真係有啲掛住香港！  

食完飯返屋企有個小插曲，Joe開車嘅時候收到個電話，佢放低我響大廈門口叫我先返去，之後自己一個人又出過去。我如果冇認錯，電話入面嗰個應該係Joyce，直覺話我知Joe同Joyce應該有啲嘢，不過Sam又好似同Joyce拍緊拖，不過呢啲嘢Joe唔講我係唔會問。結果到咗差唔多半夜Joe先返，我響客廳睇緊碟：「阿偉你仲未瞓？唔係等我門呱？咁掛住我？」「屌！我邊有咁早瞓呀！你又去咗邊度威呀？」Joe冇回應我嘅問題，入咗廚房響雪櫃攞咗罐啤酒，跟住坐響我隔離，「如果有條女主動溝你，但係你朋友又溝緊同一條女，咁你會點做？」「你講緊Joyce？」「咁你都估到？」「唉！姣婆遇着脂粉客！盲都睇到啦！」「有冇咁誇張呀？」「上次打牌我已經覺得Joyce一直注意你多個注意Sam，頭先聽到佢一打畀你你就一支箭咁飛去見佢，你話同佢冇嘢？揾鬼信咩！」 「我同Sam呀David呀多年兄弟，如果我溝咗Joyce，兄弟都冇得做呀！」「咁你鐘唔鐘意Joyce？如果冇意思，你就唔應該再同佢單獨見面，電話唔好聽，決絕啲！你又唔係冇其他女！」「我對佢冇女朋友Feel！炮友就ok！甩咗佢？講就易！我都想！」「你唔係真係同Joyce有一手呀？」「唉！ 」「屌！咁你食屎啦！」「你係咪咁呀？唔幫我仲叫我食屎！我最擔心Sam知道我同Joyce上過床，到時就大撚鑊！」Joe就一直長嗟短嘆，「不如你正正經經揾另一條女做女朋友，咁佢咪唔再攪你囉！」我語重心詳咁講，「SP就易姐，Girl Friend-able嘅女邊得嚟咁多呀！唉！算啦！見步行步！Sam其實已經當Joyce喺佢條女，Joyce又冇否認，平時出街都係男女朋友咁，不過到依家Joyce都未畀Sam屌過！希望Sam唔會發覺我飲咗佢頭啖湯啦！」  

就係咁，我同Joe兩個麻甩佬飲咗一打啤酒傾到兩點先瞓。我其實覺得Joe係對Joyce有feel，只不過因為Sam嘅原因，所以佢唔肯面對，後來證實我直覺係啱嘅，大學畢業後幾年，兜兜轉轉Joyce同Joe最終都結咗婚仲生咗個女，之後唔夠兩年又離婚，不過呢啲都係後話，會響以後故事中交代。